接受鄭裕玲訪問罕談妻女張家輝自爆曾「喊住」求老婆關詠荷唔好走

2023年12月10日 20:00 最後更新：12月11日 14:13

張家輝在《The Do Show》中罕談妻女，又公開兩個與太太關詠荷的甜蜜小故事！

59歲的影帝張家輝近日正忙為電影《爆裂點》宣傳，近日就作客鄭裕玲（Do姐）主持的網絡節目《The Do Show》，除了分享自己的影視生涯，更罕有談及妻女，又公開與太太關詠荷的甜蜜點滴，聽到Do姐都冧爆！

點擊看圖輯

張家輝接受《The Do Show》訪問。

影片截圖

張家輝與TVB前花旦關詠荷於2003年結婚。

影片截圖

二人結婚20年依然恩愛。

影片截圖

Sweet爆！

影片截圖

張家輝夫婦曾帶囡囡（中）見白雪仙。

影片截圖

觀看相關影片按連結：https://youtu.be/oei1kR3AyAM?si=il6jc11FUUAz37TB

張家輝與TVB前花旦關詠荷因拍攝亞洲電視劇集《李小龍傳》認識並拍拖，1995至1996年間雖然因張家輝前往南非生活而短暫分手，但張家輝返港後即火速復合，並於2003年結婚，婚後二人育有一女張童。關詠荷結婚生女後雖然曾一度復出拍TVB劇、拍電影，但自2013年拍完《情逆三世緣》後就淡出幕前，專心照顧家庭。Do姐都好奇關詠荷是否為家庭放棄演藝事業？會否覺得悶而打算復出？張家輝表示雙方從未直接討論過這個問題，他亦從沒禁止太太幕前演出，但對方現時迷上做陶瓷，更笑稱太太對陶瓷的熱衷程度尤如「恐怖份子」，「會成套架生整好晒，日日夜夜係咁琢磨。」至於會否為作品開展覽？張家輝就指太太性格好內斂，不喜歡張揚，所以應該不會。

隨後，張家輝又主動分享兩件與太太關詠荷的甜蜜小故事，揭露了他浪漫又深情一面，「我啱啱過無綫嗰時拍緊劇哮喘，佢就飛咗去內地拍劇，突然我有兩三日假，於是我就上去探佢，我冇通知佢，淨係問劇組佢哋嗰日喺邊度拍，當時佢化緊妝，我突然山長水遠去到坐喺佢後面，佢化化吓妝擰轉個頭，嚇到『嘩～』咁嘅樣，哈哈哈，嗰刻我好記得。」

第二個小故事就是，曾有一個財閥三度向張家輝大讚關詠荷人靚戲好，並表示十分喜歡女方，張家輝本來還不以為意，但想不到他竟然因此事多次發「惡夢」，更夢見太太向他提出分手，令他一次比一次喊得犀利，「我發到喊，喊到我醒咗擘大眼都仲喊緊，然後我猛嗌佢返嚟：『冇陰公呀你又離開我』，跟住我發現原來聽呢個人講咗咁多次，我入咗腦，佢好似…係咪想搶走我老婆？」這個小故事聽起來悲情又搞笑，令Do姐都忍不住掩嘴嗌好Sweet！

之後，Do姐又追問入行多年來可遇上引誘？張家輝直言間中被人「電」下，「都係電吓啫，你唔『覆機』就冇嘢㗎啦。」並透露收工後大部分時間都留在家中，幾乎零外出或應酬朋友，與太太相處的時間較多。

雖然張家輝訪問前有講過不要問太多關17歲囡囡的事，但他都為Do姐破例，Do姐問囡囡可會覺得爸爸攞影帝好叻？張家輝就大爆囡囡從不看他的電影，「我問佢點解，佢又依依哦哦，咁我又冇逼佢睇、搵牙籤撐佢對眼一齊睇，咁唔睇咪唔睇囉，冇所謂。」問到囡囡會否想入娛樂圈？張家輝說：「佢冇話想，又冇話唔想，唉，我哋呢啲好知掟，一見佢唔係好想講就唔問㗎喇。」並指囡囡已逐漸長大，有自己朋友，自己亦要開始學習放手。

此外，Do姐又問到對於屢被外界指與張學友似樣，張家輝笑言現在老了不再似樣，但以前自己睇相都經常認錯，還透露張學友自己都認同兩人後生時很似樣，而他對被認錯已漸漸感麻木，「我心諗你嗌夠未，直頭喺香港拍戲，一落車啲人話『張學友嚟喇』，大佬得嗰兩三米距離咋喎，又唔係遠，我慢慢對呢啲嘢都麻木咗，我話『係呀係呀，你哋好嗎』，哈哈。」

往下看更多文章

新城勁爆頒獎禮2025｜張家輝強勢殺入男歌手十強激戰MIRROR姜濤陳卓賢

一年一度的樂壇盛事《新城勁爆頒獎禮2025》將於12月27日假香港會議展覽中心Hall 5BC隆重舉行，隨著網上投票進入倒數階段，大會今日（16日）下午六時公布了「勁爆男歌手」及「勁爆女歌手」兩大重點獎項的十強最新走勢，戰況相當激烈。

在「勁爆男歌手」方面，成功躋身十強的歌手包括（按英文字母及姓氏筆劃序）：Gareth.T湯令山、MC張天賦、林家謙、姜濤＠MIRROR、張家輝、張敬軒、張馳豪、陳卓賢＠MIRROR、陳柏宇及馮允謙。

其中最引人注目的莫過於影帝張家輝的入圍。他今年憑藉為電影《贖夢》演唱的主題曲《永遠的失眠》，不僅首奪「新城勁爆流行榜」冠軍歌，更成功打入男歌手十強，與一眾樂壇實力派及人氣偶像同場競逐，成為本屆頒獎禮的一大話題。張家輝會否親臨頒獎禮現場，樂迷均引頸以待。

其餘席位則由樂壇中流砥柱與新生代猛將包辦，包括上屆大熱張敬軒、唱作俱佳的林家謙、人氣男團MIRROR成員姜濤與陳卓賢、以及近年表現亮眼的MC張天賦、Gareth.T、張馳豪及陳柏宇，競爭可謂相當激烈。

「勁爆女歌手」的戰況同樣鬥得難分難解；最新十強名單包括（按英文字母及姓氏筆劃序）：Gin李幸倪、Kiri T、姚焯菲、容祖兒、陳凱詠、陳蕾、雲浩影、謝安琪、鍾柔美及鹽焗雞Salty Chick。

名單呈現樂壇新舊勢力的交鋒，既有天后級人馬謝安琪、容祖兒穩守席位，亦有近年實力備受肯定的Gin李幸倪、陳蕾，值得關注的是，多位新生代歌手表現強勢，其中以奇特藝名闖樂壇的鹽焗雞Salty Chick異軍突起，殺入十強，顯示樂迷對樂壇新人的追求與支持；至於人氣女歌手姚焯菲、鍾柔美亦順利入圍，力爭一席位。

目前所有獎項的網上投票正在如火如荼進行中，並將於2025年12月21日晚上11時59分截止。樂迷仍可透過新城廣播官方投票網站，為心儀單位投下關鍵一票，共同決定終極賽果。

新城廣播官方投票網站：https://metroradio.com.hk/campaign/2025/997/hitAwards/voting/voting1.aspx

你或有興趣的文章

接受鄭裕玲訪問罕談妻女 張家輝自爆曾「喊住」求老婆關詠荷唔好走