炎明熹抱恙報平安 回鄉休息晒與父母溫馨合照

炎明熹終於可以回家看父母兼休息了。

18歲樂壇小天后炎明熹（Gigi）出道至今人氣高企，工作與學業兩邊兼顧，不知是否太忙，日前抱恙仍出席活動，當時Gigi有感冒和發燒，令粉絲們非常擔心，今日（12月11日）Gigi 在IG出PO 報平安，並晒出多張與父母相聚的相片。

終於回到家鄉保息下

Gigi寫﹕「大家不用擔心我，我已經好了很多，只不過是發燒而已，我不是豆腐💪🏻做個真的漢Gi」粉絲粉粉留言﹕「休息多啲 期待你下次演出」、「睇到你既相，我地都放心哂」。

原來Gigi放假回鄉探父母，見Gigi以素顏示人，坐在爸爸的電單車尾到海邊，又同媽媽一齊盪韆鞦，又躺在家中沙發休息，果然家人就是最好的良藥，有爸媽的孩子像個寶。

坐在爸爸的電單車尾到海邊

又同媽媽一齊盪韆鞦

與父母的互動，令Gigi想起小時候，十分溫馨。其中一條片段，Gigi更搞笑的，將媽媽「醜態」，要爸爸抱住幫手上韆鞦的片段分享。粉絲都看得非常開心，指「你和爸爸媽媽去海邊吹吹風好寫意啊」、「回到爸媽身邊，一起盪韆鞦、坐電單車、玩沙...最寫意最愉快嘅Gigi」。最後大家都叮囑Gigi要多保重休息。

溫馨合照，有爸媽的孩子像個寶

與父母玩日落相

家中的沙發最舒服

原本聲音導航的炎明熹（Gigi）將粉墨登場

今晚（26日）TVB Plus（82台）晚上8點半，將播出《他和她的喵店長2》最後一集，繼續揭開一段段治愈又觸動人心的「人貓故事」。今晚原本聲音導航的炎明熹（Gigi）將粉墨登場，探訪有62年歷史的彩虹邨。節目開始Gigi原本很開心宣布近日榮升貓奴，不過當介紹節目時，卻出現蝦碌︰「好開心今日可以親身嚟拍攝『我』……唔記得咗個名。」

節目一開始Gigi便出現蝦碌事件。

Gigi探訪邨內一間香港所餘無幾的租書店，店主張先生透露全盛時期，經營有7間店，目前只餘這一間，他略帶無奈說︰「疫情前都開始沒落，加埋疫情呢行已經玩完，嚟到彩虹邨應該係最後一間，已經計劃緊退休。」店內養有星星及黑白兩姊妹，都是流浪貓的後代，被張先生夫婦視如囡囡。老闆娘張太透露以往邨內有很多流浪貓，除餵養外還留了一條通道讓牠們自由出入，有流浪貓在店內誕下兩姊妹。星星跟黑白稍為怕陌生人，但在零食威力下，很快跟Gigi打成一片。張太慨嘆見證行業衰落︰「呢度有兩間中學、兩間小學，以前啲學生就算唔買、唔租，放學時間、食晏時間都會嚟打下躉。」她笑言不時有學生遲還書被罰錢，最多一次收到3千多元罰金，她感慨說︰「租書容易，要佢還書就難，還書係一個責任感問題。」接住Gigi問起遇過最遲還書是多久時，卻被張太一句K.O.︰「佢唔需要還就係最遲啦。」搞到Gigi接不下去。

租書店張先生夫婦育有星星及黑白兩隻貓店長。

原本怕人的黑白敵不過零食威力。

（左）貓店長星星及黑白。

Gigi被老闆娘一句說話K.O.。

《聲夢2》Vivian為師姐及貓店長擔任攝影師。

Vivian的攝影作品有板有眼。

Gigi還探訪在邨內有60年歷史的藥房，貓店長為叻叻，藥房老闆方先生說︰「叻叻4個月時拎返嚟，而家已經5歲，合眼緣。」方先生表示叻叻當時左眼已經受傷失去視力，最後遵照獸醫指示縫合減少發炎機會。藥房內經常人來人往，客人都會逗叻叻玩，因此養成牠不太驚人的習慣。此外，Gigi師妹《聲夢傳奇2》學員江廷慧（Vivian）亦有同行，還為師姐及貓貓充當攝影師，作品非常專業。

Gigi今集登場探訪彩虹邨的藥房貓店長叻叻。

Gigi乘機幫襯中醫調理身體。

叻叻長駐藥房，一副悠然自得。