效力無綫47年獲頒「萬千光輝榮譽大獎」 袁志偉：TVB老闆同高層從來冇干預過新聞部嘅運作

袁志偉多謝TVB、新聞部員工，以及香港觀眾！

《萬千星輝頒獎典禮2023》圓滿結束，所有獎項都名花有主，今屆「萬千光輝榮譽大獎」由總經理曾志偉親自頒發，並由效力無綫47年的電視廣播有限公司助理總經理（新聞及資訊）袁志偉奪得。曾志偉笑指，袁志偉經常話新聞部唔攞獎，所以要用食飯和開會來騙他到場。

TVB截圖

TVB截圖

TVB截圖

觀看相關影片按連結：https://youtu.be/Yv56dW04-ag?si=m0IoRxPI5fMG3uFZ

袁志偉於1977年加入無綫新聞部，是翡翠台開台以來最年輕的主播，他笑說：「出鏡就出得多，咁嘅場合就未試過，從來未諗過新聞部嘅人都可以拎呢啲獎，呢個獎唔應該剩係頒畀我，我只係幾百人入面其中一個，要頒就應該頒畀成個部門。」袁志偉亦代表整個部門感謝TVB，「一直以嚟TVB嘅老闆同最高管理層從來都冇干預過新聞部嘅運作，亦都冇影響過新聞報道嘅方向同內容，所以我哋真真正正要多謝管理層，多謝我哋依間公司。」

TVB截圖

TVB截圖

袁志偉指自己做過記者、主播、採主、總監和主管，TVB是他第一份工，相信亦是最後一份工，因為已做了47年。他又回顧自己的採訪生涯，稱TVB造就了他一個不一樣與的人生，「凡係打親8號風球、9號風球、10號風球，我做記者嗰陣時大部分都去士多租麻雀板去打麻雀嘅、睇電視嘅，我呢就出去做現場直播嘅，10號風球係條街度走嘅，每年食團年飯嘅時候呢，我就去花市度做花市直播，咁呢啲真係唔係一般普通人年年都遭遇嘅情況，不過我好多謝TVB畀咗個機會我，係香港同埋中國，過去嗰幾10年嚟嘅不一樣嘅大轉變，我有幸參與其中，記錄呢段歷史，例如香港回歸，我係全程跟進報道、中國嘅改革開放，我係目睹嘅，好多歷史嘅見證，我都有份記錄，係近代教科書裏面，啲小朋友讀到嘅歷史人物，我好有幸咁都新近接觸過，甚至有啲係接受咗我訪問，所以呢啲嘢，種種嘅經驗都全靠TVB先可以畀到我。」他亦感謝新聞部300多人，雖然薪酬微薄但仍不忘初心，令新聞台可以24小時無休止運作。

TVB截圖

TVB截圖

TVB截圖

TVB截圖

TVB截圖

TVB截圖

TVB截圖

袁志偉還特別感謝前線記者，「發生大災難嘅時候，所有災民向外走，我哋記者要向災場裡走。」並提到在香港最動盪之時，記者都深入前線，多少都有危險。最後，他多謝觀眾支持和收看，「香港最動盪嘅時候，我哋每日平均觀眾人數，唔係人次，超過350萬；而喺而家最平淡最安定嘅日子，我哋觀眾人數都有180幾萬，呢個全部都多謝香港觀眾！」

TVB截圖

TVB截圖

頒獎典禮收視創新高。

《澳娛綜合呈獻︰萬千星輝頒獎典禮2023》昨晚（14日）圓滿結束，各大獎項已名花有主。其中頒獎典禮前被視為「最佳女主角」大熱門的佘詩曼，順利憑《新聞女王》破紀錄第三度成為視后，同時贏得馬來西亞及大灣區「最喜愛TVB女主角」獎，榮登「三料視后」。視帝由陳豪憑《破毒強人》奪得，今次是他第二度稱帝，兩人獲獎確實眾望所歸。今年移師澳門舉行的頒獎典禮收視飆升創出新高，根據CSM媒介研究及YOUBORA收視資料數據顯示，萬眾矚目的頒獎典禮，跨平台直播收視最高29.9點（194萬觀眾），打破過去兩年最高收視29.4點及29.1點紀錄，亦成為上周收視榜首節目，成績斐然。

佘詩曼憑《新聞女王》奪最佳女主角成三料視后（本網記者攝）

視帝視后分別由陳豪及佘詩曼奪得。（本網記者攝）

TVB截圖

TVB截圖

不單如此，頒獎典禮當晚TVB各社交平台(不計內地平台)整體表現同樣出色。據統計紅地毯直播影片觀看次數為120萬人次；頒獎典禮接觸逾500萬人；內容總接觸更超過1,800萬人次，與去年頒獎典禮對比，Facebook接觸人次提升380%，互動量超過230%，IG亦上升超過100%。

佘詩曼穿上高貴閃令令晚裝單拖行紅地氈（本網記者攝）

至於翡翠台上周（8日至14日）整體收視表現理想，資訊節目《東張西望》最高收視24.2點（157萬觀眾）；處境劇《愛‧回家之開心速遞》最高收視21.8點（141萬觀眾）；馮盈盈、丁子朗主演劇集《妳不是她》上周大結局，最高收視20點（130萬觀眾）；周柏豪、王敏奕主演的時裝懸疑愛情劇《旁觀者》，最高收視14.4點（93萬觀眾）；肥媽、李家鼎主持的飲食節目《尚品花膠專門店呈獻︰肥媽李鼎打大佬》最高收視13.4點（87萬觀眾）；《美味假期12周年呈獻：大灣區美味好玩攻略》最高收視13.1點（85萬觀眾）。

無綫新劇《旁觀者》 最高收視14.4點

肥媽、李家鼎主持的飲食節目《尚品花膠專門店呈獻︰肥媽李鼎打大佬》最高收視13.4點（87萬觀眾）

周六晚《Dr.JE 藍銅勝肽面膜特約：亞洲超星團》最高收視14.1點（91萬觀眾），周日晚直播《澳娛綜合呈獻︰萬千星輝頒獎典禮2023》最高收視29.9點（194萬觀眾），升6.7點，打破過去兩年紀錄。