羅啟豪為豪殼現場製作香蕉蛋糕及深情獻唱 感謝歌迷一直以來的陪伴

羅啟豪出席歌迷會「豪吧」為佢舉辦嘅「豪吧龍年新春團拜」，同近 150 位豪殼過新年。

正式成為歌手後第一個農曆新年，羅啟豪（英國豪 Ramon）喺日前出席歌迷會「豪吧」為佢舉辦嘅「豪吧龍年新春團拜」，同佢近 150 位豪殼（歌迷暱稱）過新年。活動嘅主要環節包括啟豪親手為佢嘅豪殼現場製作香蕉蛋糕同埋為佢哋獻唱。問到啟豪夠唔夠時間即場整百幾件蛋糕，佢話：「因為時間關係，我之前嗰日喺屋企預先整咗九底，今日現場再整四底，咁就夠時間又夠食。呢個食譜係我好幾年前學嚟整俾朋友食，朋友嘅反應都唔錯。豪殼一直對我咁好，我好開心今次可以親手做返少少嘢送俾佢哋，表達我嘅心意！」

活動以搣紙龍鬥長嘅遊戲開始，勝出嘅豪殼可以做啟豪嘅烘焙小助手，協助佢現場完成整個蛋糕嘅製作過程。其中一位豪殼仲要喺偶像一邊講解嘅時候一邊幫佢揸咪，估計豪殼蛋糕未食，都已覺得甜到入心！可能因為唔習慣用人哋嘅焗爐，啟豪放蛋糕入焗爐冇耐，墊蛋糕嘅牛油紙就著咗小火，好在有開餐廳嘅啟豪二家姐監場。二家姐處變不驚，秒速用毛巾冚熄啲火，喺贏得在場豪殼嘅掌聲之餘，亦令啟豪可以繼續放心烘焙。

喺等候蛋糕出爐期間，豪殼爭取時間同豪殼再玩遊戲同埋為大家獻唱八首歌。當中有廣東話、國語同英文歌，其中一首仲係英國豪近日喺自家 YouTube 頻道「歌曲重Sung」系列嘅第五首作品，亦係葉蒨文舊作——〈回歸自然〉，令團拜猶如一個小型音樂會。今次活動請嚟同樣係中年好聲音第一季（中一）參賽者嘅「本地豪」（馮志豪）做主持，同時仲同啟豪合唱一曲〈左右為難〉。馮志豪表示：「好開心收到 Ramon 嘅邀請，成就我哋中一生所稱嘅「雙豪拼盤」嘅首度二人合唱，實在令我覺得好激動、好振奮！」另外，佢對豪殼亦表示欣賞：「豪殼疼錫啟豪就聽得多，今日終於可以第一次親眼目睹，覺得佢哋好可愛！譬如啟豪話將蛋糕食譜嘅糖份量減半，豪殼即刻高呼：『嘩——！！！』去鼓勵佢；啟豪話將香蕉嘅份量加倍，由兩隻變四隻，佢哋又為佢歡呼，總之啟豪做乜豪殼都會：『嘩——！！！』，令現場氣氛非常高漲，亦睇得出佢哋真係好錫 Ramon！而我今日觀察到，Ramon 對佢每一位嘅豪殼都好體貼，為每一位豪殼親手送上蛋糕同埋合照，所以真係抵豪殼咁錫佢！」

見現場張貼咗好多手寫毛筆字揮春，啟豪分享話，原來其中一位豪殼係書法大師，佢除咗用啟豪嚟緊嘅新歌歌名〈相信 相信〉親筆揮毫咗好多揮春用嚟佈置會場之外，亦愛嚟送畀啟豪同豪殼留念。除此之外，佢仲用啟豪兩個字寫咗一句對聯——《啟程放懷天地外 豪邁信步山水間》——真係好有意思。

由星傳文化娛樂、棋人香港、大名娛樂、湯臣娛樂、栢圖娛樂和 Alpha Project 主辦， 「羅啟豪《在你和故事之間》演唱會」已於前晚（12月4日）在麥花臣場館舉行，羅啟豪（Ramon）第二次舉行個人演唱會，鄭丹瑞、鄭國江老師、區永權、韋綺姍、彭家麗、譚玉瑛、林淑敏、馬海倫、陳榮峻、吳香倫等到場支持；今次演出更激罕雲集《中年好聲音》一至四季成員，李佳、吳大強、顏志恒、丁文俊、古淖文、譚輝智、顏米羔、黃劍文、劉威煌、黃博、占士丁丁、古祖兒等數十位好友力撐，足證Ramon人緣極佳。

羅啟豪

羅啟豪

近日大埔宏福苑大火牽動全港市民的心，Ramon特別偕主辦單位、演唱會全體工作人員以及歌迷會「豪吧」送上祝福，連同演唱會收益，合共捐出六位數字予相關援助基金，現場亦設置捐款箱，觀眾非常踴躍支持，主辦單位代表「星傳文化娛樂」表示，希望在這個艱難時刻一起出一分力，帶來實際的援助；演唱會開首，Ramon透過大熒幕呼籲觀眾進行一分鐘默哀儀式，衷心希望受影響人士，身心都早日康復，同時為火警中死者家屬和傷者，致以最深切的慰問，並向所有救災救援的市民、消防員、警員、醫護員致敬。

相隔兩年，Ramon再舉行個人演唱會，以法國童話《小王子》引發靈感，主題為《在你和故事之間》，出場安排別具心思，Ramon突擊現身台下觀眾席，走遍場內不同角落，深情演繹《漣漪》、《畫出彩虹》、《當愛已成往事》、《聽海》等動人金曲，瞬間令全場歌迷投入其中，Ramon說：「⁠我跟導演Jacky說，希望今次演唱會可以拉近與觀眾的距離，將舞台伸延到觀眾席，因為我想大家感受到，在座每⼀位都是故事裏的⻆⾊，每一⾸歌曲、每⼀句歌詞，希望得到大家的共鳴。」

羅啟豪

羅啟豪

選曲上亦帶來驚喜，Ramon抽取不同故事的精華養分，以多種曲風詮釋真實情感，如初試演繹搖滾版《開到荼靡》、《冷戰》及《發現》，encore部分又精心編排《垃圾》、《無賴》、《爛泥》與《死性不改》組曲，Ramon罕有唱出頹廢氛圍，每字每句皆有畫面，扣人心弦，Ramon表達曲中意：「我想藉此提醒⼤家，沒有⼈是完美的，有時會自覺⽐垃圾更垃圾、犯的錯⽐無賴更無賴，甚至自以為爛泥扶唔上壁，但只要能夠改過，⽤⼼做好每⼀件事，每⼀個人都值得被愛，就像我也不是完美，但我會⽤⼼唱好每⼀⾸歌，希望⼤家感受得到！」Ramon更首次獻唱從未曝光的《有天做證》國語版《畫中密碼》與全新單曲《月球上的藍玫瑰》，讓在場粉絲先聽為快。

Ramon的用心，可見於為今次演唱會努力練習鋼琴，第⼀次公開⾃彈⾃唱《天變地變情不變》，獲得如雷掌聲和應，Ramon笑言：「看到我在台上⾃彈⾃唱，最開⼼的應該是爸爸，⾃從十三歲考獲八級古典鋼琴後，近年已沒再繼續彈琴，爸爸知道我喜歡唱歌，⿎勵我⾃彈⾃唱，但⼀直沒有信⼼，到今次演唱會令我有動⼒去練習，所以我相信最開⼼⼀定是爸爸，感謝他多年來的裁培與⿎勵。」憑歌寄意，Ramon特別借樂迷點唱《單車》，送給摯愛的爸爸。

羅啟豪