文凱玲籌備3月中婚禮　與未婚夫西貢農莊拍攝婚紗照曬火辣身材

文凱玲婚照曝光，低胸婚紗盡騷34D傲人上圍！

現年41歲的「晶女郎」文凱玲（Connie）早前宣佈與拍拖五年的IT才俊的外籍男友Jason結婚，3月中正式成為人妻，早前公開過大禮相，28日這對新人發布甜蜜唯美婚照，相當恩愛。

公開過大禮照

宣布與拍拖五年的外籍男友Jason結婚

豪晒12對龍鳳鈪，而且其他金器、禮品

文凱玲早前忙於宣傳的TVB劇《狀王之王》，近日終於有時間籌備3月中舉行的婚禮：「過大禮之後就去影婚紗相，揀左影樓同西貢一個農莊拍攝，農莊個度有歐陸風情，有羊咩咩玩，仲有沙灘與藍天白雲，而且係私人地方，唔會有好多人望住你影相。我哋嘅婚禮進入直路喇，忙完《狀王之王》宣傳後，就密鑼緊鼓搞緊3月中嘅婚禮，多得各方專家同朋友幫手，籌備得好順利。」相中所見，文凱玲穿上兩款低胸婚紗，大晒34D性感身材，她與未婚夫Jason的婚照中，有許多配角羊羊的出現，而餵羊時更拋出3吋事業線火辣指數爆燈。

文凱玲最近在新劇《狀王之王》中飾演「三娘」。

演技獲得網民讚賞。

甜蜜笑容

郎才女貌

在影樓及西貢農莊取景

造型性感

拋出3吋事業線

穿上Deep V婚紗

文凱玲仍猶有餘悸！

41歲「晶女郎」文凱玲（Connie）7月初在IG貼出一家三口的拖手照報喜，宣布囡囡IYLA平安出世，大晒幸福！但原來Connie生產時並不順利，囡囡比預期早出世，出世時只得4磅，Connie早前也有在IG分享早產經歷。

「晶女郎」文凱玲（Connie）今年白色情人節正式成為人妻。

當日滿身金器貴氣出嫁！

文凱玲7月初誕下囡囡IYLA。

Connie表示當日覺得BB的反應與平日有分別，便立即趕到急症室做檢查：「本來預產期係七月尾，但係BB已經出咗世個半月，經歷完一段手忙腳亂嘅時期，終於有時間靜靜地寫一篇長文同大家分享。當晚覺得BB比平時郁動少咗好多，就去咗急症室，諗住確認一下BB冇問題就可以安心瞓覺，結果直接住院做咗一連串檢查，成晚冇瞓之後醫生就同我講要即刻開刀😳準備開刀嘅時候，真係好驚好擔心，幻想咗好多可能會出現嘅問題同情況🥺 好在BB好健康，出世嘅時候仲喊得好大聲！」

在囡囡出世前數天，文凱玲剛好趕及拍攝孕照。

文凱玲囡囡已經一個半月大。

面對突如其來提早生產，Connie坦言手足無措：「喺醫院嘅時候大部份媽媽隔離都有BB，而我只有自己一個，一到夜晚嘅時候感覺特別失落😭。到我可以出院嘅時候，BB仲要繼續留喺醫院，明明生完但係冇得帶BB返屋企感覺好奇怪，之後一段時間我有時都會以為BB仲喺我個肚裏面🥺計劃之中嘅坐月係我會乖乖地留喺屋企養好身體，因為BB早咗出世，啱啱搬完屋箱都未拆，BB啲嘢都未準備，所以變咗每日忙住執屋、買嘢同埋泵奶再拎去醫院睇BB。」直到囡囡回家後，Connie變得更忙碌：「BB返咗屋企之後每一日雖然好忙，但係好開心，成日攬住望住佢都覺得唔夠，為BB健康快樂長大繼續努力。」

文凱玲生產時並不順利，囡囡比預期早出世，出世時只得4磅。

文凱玲憶突發剖腹開刀仍猶有餘悸。

而作為新手媽媽的Connie，表示暫階段只會接簡單工作，希望可多花時間見證囡囡的成長：「IYLA喊聲好大聲，感覺她是好有中氣既健康BB。因為喂人奶，而IYLA晚上特別活躍，所以未有足夠休息及保養自己身體。」