人生真係好奇妙。
有「亞洲鬼王」之稱的梁思浩近日宣布將為TVB新台主持靈異版《東張西望》，曾中四次六合彩的梁思浩小時侯是一名窮小子，曾被父母遺棄，加入娛樂圈前曾任勞動工作，現時身家暴漲的他不時出入高級酒店、趁有能力做慈善派飯，同時亦感嘆人生奇妙。
梁思浩現時主持靈異直播節目而人氣高企
他不時派飯幫助有需要的人
梁思浩自爆每星期都要出入3次尖沙咀五星級半島酒店開會，他寫﹕「人生真係好奇妙！因為兒時好窮，連廉價餐廳食一個聖誕餐嘅機會都沒有。曾經喺電視上面見到呢個地方，一個遙不可及嘅地方！幻想如果將來長大能夠喺呢度食到餐飯就威水喇！真係發夢冇諗過，而家一個星期最少有三日喺呢個地方開會、食飯，甚至喺度住！為2025超大項目努力！人生就是這樣，有夢想的人，便能夢想成真！我要活出不一樣的燦爛人生！」
自爆經常出入半島酒店
梁思浩曾受訪時透露，「我細個窮，我唔覺得有幾羞愧。窮唔係一件醜嘅事。」加入TVB後，梁思浩曾一年接282 個騷，可是04年因被無綫炒魷，一個契機下投資開甜品店「聰嫂」賺近過億，曾中過四次六合彩二獎，梁思浩表示很早已財務自由，現在的他除節目外，亦有不同生意，但他認為「越成功越要低調。」
梁思浩17歲加入TVB
王晶縱橫演藝圈數十年，合作過的女藝人稱為「晶女郎」，當中有不少傳過緋聞！
由梁思浩、黃紫恩（Jojo）及黃耀英主持，TVB Plus（82台）開台重頭戲及首個靈異直播一小時節目《直播靈接觸》，昨晚（22日）播出一集主題是「電影圈靈異事件」，請來嘉賓導演王晶及奇門遁甲張芯熏師傅現身說法。
昨晚（22日）嘉賓導演王晶。
王晶
導演王晶相信有「前生冤孽」，試過為此放棄原則。
昨晚（22日）一集請來導演王晶擔任嘉賓，入行多年拍過不少類型電影，當中包括鬼片。他自爆一個拍鬼片原因，他笑說︰「鬼片成本低效益大，好多人鍾意睇，我哋乜嘢收得就拍，蝕本機會低。」梁思浩提到王晶講過曾被已故動作巨星傅聲亡靈纏身，王晶解釋話︰「嗰時拍《花心大少》同阿叻、汪禹、傅聲好老友，成日一齊玩。傅聲撞車出事時仲拍緊我套新戲，拍咗7日。」之後王晶打算請教一位玄學女師傅，如何處理未拍完的電影，豈料傾了幾句之後就被師傅打發走。事後有友人向王晶表示「師傅話傅聲跟住你，仲滿面鮮血」，王晶心諗難度好友有事要交托，但再想深一層認為不可信，他表示有見過傅聲最後一面，無面部傷痕︰「一樣咁靚仔，點會滿面鮮血啫。」
奇門遁甲張芯熏師傅講前世冤孽，有機會帶到下世或下下世。
節目中思浩提到跟已故鬼才霑叔黃霑合作主持《城市追擊》，茶餘飯後霑叔慨嘆前世冤孽，王晶不諱言亦遇到類此情況︰「我會覺得其實係『前生冤孽』，因為我其實好有原則、好硬頸嘅人。但為咗某個人，覺得就算犧牲一切，放棄底線都值得。」他直言這個人是自己前生冤孽。思浩追問是否願意為對方放下一切時，王晶直言︰「我相信都放下咗好多。」王晶最後覺醒因為霑叔前車可鑒，他說︰「霑叔嘅例子係一塊鏡警醒咗我，我醒係因為睇到佢，霑叔咁叻都咁樣，我無佢咁叻，所以我早啲放手，當然點都會痛。」王晶縱橫演藝圈數十年，合作過的女藝人稱為「晶女郎」，當中有不少傳過緋聞。
「紅衣女鬼」真實身份為藝人彭翔翎。
彭翔翎入行7年多，昨晚是首次擔任主持。（IG圖片）
彭翔翎「還陽」現真身，獲大批網民留言支持。
此外，節目另一亮點是「纏繞」多時；經常在《直播靈接觸》節目中出現的紅衣女鬼終於現真身。網民一直關注這位女鬼真實身份，有人估是港姐出身的陳懿德，謎底打開女鬼是藝人彭翔翎。村長梁思浩表示因為女鬼「表現」出色，所以還陽三日，並接替放假的黃紫恩（Jojo）擔任主持。彭翔翎出場時講到扮鬼感受，她說︰「多謝觀眾，全靠你哋留意紅衣女鬼角色，得到你哋鼓勵我先有得『還陽』。」她表示做女鬼可以一邊聽住節目進行，一邊加插動作增加節目氣氛，感覺非常好。彭翔翎登場後吸引大批網民讚靚女，有留言表示「女鬼默默做好自己本份，努力得到回報」、「超鍾意紅衣女鬼」、「加集數」、「做長壽節目」。彭翔翎加入無綫接近8年，一路以拍劇為主，今趟是首次擔任主持。
