李龍基再落男兒淚 未婚妻每日贈一信 患難見真情

李龍基於節目中真情剖白感動梁思浩。

73歲李龍基日前驚喜現身於梁思浩主持的YouTube頻道《娛樂好好玩》，李龍基於節目中談及正在還押中的未婚妻王青霞（Chris Wong），再次落下男兒淚。

李龍基成梁思浩主持的YouTube頻道《娛樂好好玩》的首集嘉賓

王青霞（Chris Wong）因涉逾期居留虛假文書等6罪由今年2月起被捕，還押期間李龍基風雨不改去探監，李龍基坦言事情一發生時，猶如世界末日，一星期都瞓唔安食唔落，身體消瘦。又指未婚妻王青霞曾透過梁思浩節見捐棺，而梁思浩亦即指﹕「咁佢一定無事！」。

李龍基與Chris的感情事經常成焦點

未婚妻曾透過梁思浩節目捐棺

李龍基曾公開表示不再對未婚妻的事件作出任何嘅評論，但今次到節目做嘉賓，完全是受到Chris的鼓勵，她指﹕「思浩好幫你㗎，你快啲，要做好啲呀」。而李龍基亦提到現時Chris每日寫一封信畀自己，二人患難見真情，說時不禁哽咽兼眼眨淚光。

提到Chris每日一信，李龍基眼泛淚光

梁思浩今日凌晨（13日）於IG出po表示：「12號 (昨晚) 第一集直播就破了YouTube首播人數紀錄，亦都破咗最快訂閱記錄，多謝全球網民嘅支持，多謝我兩位好拍檔 #楓燧道長 及 #梁銨庭」而昨晚首集的神秘嘉賓，就是近期娛樂新聞的話題人物李龍基。梁思浩特別答謝李龍基說：「特別多謝我嘅嘉賓李龍基哥哥，你嘅真情剖白，你嘅眼淚，感動了我！祝福您早日如願以償。」

梁思浩指基哥真情剖白，感動了他

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（12月16日）主題為「電台靈異經歷」請來資深廣播人周國豐擔任嘉賓，大談電台的靈異事件。

嘉賓周國豐大爆電台靈異故事。

周國豐透露入行經過，原來跟講鬼故有關，他笑說︰「其實係同一年參加唱歌同DJ比賽入行， DJ比賽贏咗。DJ除咗考即時反應，有一個天才表演環節，10個參賽者9個揀唱歌，我梗係唔咁傻，所以揀講鬼故。」周國豐講鬼故技巧，跟年幼時爸爸離世的經歷有關，他說︰「我8歲時爸爸就離開咗，係腦癌所以病情好急轉直下，幾個月就走咗。佢彌留當晚，接到醫院電話通知，叫屋企人儘快嚟。」

嘉賓周國豐大爆電台靈異故事。

當家人鎖好門準備離開時，屋內電話再響起，接過電話電話卻沒有回音。經過一輪擾攘後，一行人由家住的九龍城徒步數分鐘往父親入住的醫院，當行到一條必經的十字路口時，他們被眼前景像嚇呆，周國豐補充說︰「嘩！發生咗交通意外，如果無聽個電話，發生意外就係我哋。」各人深信是周爸爸保佑。

嘉賓周國豐大爆電台靈異故事。

從事廣播業多年的周國豐，耳聞不少電台靈異傳聞，他說︰「某電台三樓有好多傳聞，你知做通宵節目凌晨兩點做到6點，公司文職人員都已經走晒，每次做節目都要上三樓攞唱碟。有一次有位同事拎唱片時竟然聽到打字機聲、又試過見到有人坐喺office，轉頭就唔見咗。」他透露每間直播室都有本記事簿，記錄做節目時發生的特別事項，不時就會有人寫「直播室有鬼」。周國豐分享DJ行內的禁歌，除眾所周知的《夜夜痴纏》，還有光良、品冠的作品《掌心》。原因是《掌》的MV有靈異事件，所以被禁。

DJ行內有幾首禁歌不能播。

另一首是日文歌《風之谷》，試過有DJ凌晨播這首歌時，在走廊見到有小朋友行過，之後電台不成文規定不准再播此歌。講到最恐怖的一首，要數到匈牙利歌曲《Gloomy Sunday》，他說︰「傳聞聽完之後會自殺，所以到而家都唔敢聽。」此外，節目中思浩提到草蜢主唱的《寶貝對不起》原來有鎮魂的作用，他說︰「上海有一間百貨公司意外死咗好多人，公司老闆為咗鎮住啲怨靈，所以由朝到晚都播呢首歌，播足十年。呢首就係草蜢嘅《寶貝對不起》。」思浩表示下次出埠入住酒店，為求心安不妨播這首歌。

DJ行內有幾首禁歌不能播。

DJ行內有幾首禁歌不能播。