Skip to Content Facebook Feature Image

亮相BBO做重量級嘉賓勁派「雞湯」 甘比自揭經營小店原因

娛圈事

亮相BBO做重量級嘉賓勁派「雞湯」 甘比自揭經營小店原因
娛圈事

娛圈事

亮相BBO做重量級嘉賓勁派「雞湯」 甘比自揭經營小店原因

2024年05月13日 10:00 最後更新:10:03

甘比透露鈎織工作室內好多「屎形」精品是同鄭秀文有關!

混血肥仔(曾達恩)主理的多媒體頻道BBO(Black Box Office)繼早前請來古天樂(古仔)作客旅遊真人騷《尋泰記》,最近再邀請另一重量級嘉賓亮相訪談節目《地球人生活指南》,她便是香港女首富甘比(陳凱韻)!節目中,甘比讓混血肥仔先後踩入她銅鑼灣的鈎織工作室和門市「搞搞震」,不但親自傳授鈎織技巧,更分享了有關經營小店的窩心點滴。

更多相片
甘比亮相BBO節目《地球人生活指南》擔任嘉賓。

甘比亮相BBO節目《地球人生活指南》擔任嘉賓。

工作室裏面有大量可愛鈎織擺設,原來同Sammi有關。

工作室裏面有大量可愛鈎織擺設,原來同Sammi有關。

混血肥仔發現甘比親手製作的鈎織袋定價比想像中便宜。

混血肥仔發現甘比親手製作的鈎織袋定價比想像中便宜。

甘比用心教混血肥仔鈎織。

甘比用心教混血肥仔鈎織。

邊教邊派「心靈雞湯」。

邊教邊派「心靈雞湯」。

混血肥仔用心織袋。

混血肥仔用心織袋。

混血肥仔學鈎織過程搞笑。

混血肥仔學鈎織過程搞笑。

甘比分享學習鈎織的原因。

甘比分享學習鈎織的原因。

甘比分享了不少經營小店的窩心點滴。

甘比分享了不少經營小店的窩心點滴。

混血肥仔到甘比鈎織店門市參觀。

混血肥仔到甘比鈎織店門市參觀。

甘比透露門市朝早10點開門是想一班媽媽能夠在送完子女返學後,有機會排解情緒及建立存在感。

甘比透露門市朝早10點開門是想一班媽媽能夠在送完子女返學後,有機會排解情緒及建立存在感。

甘比亮相BBO節目《地球人生活指南》擔任嘉賓。

甘比亮相BBO節目《地球人生活指南》擔任嘉賓。

觀看相關影片按連結:https://youtu.be/Etn5K2ZCXso?si=iXiiN-JJgtLJCv87

甫到達工作室,混血肥仔就發現裏面有大量可愛鈎織擺設,當中更有不少是「屎形」精品,甘比向一臉好奇的混血肥仔解畫:「嚿屎其實有段古,我好朋友,其實係Sammi(鄭秀文),叫我織嚿屎就大受歡迎!其實屎喺日文叫『unko』,同好運發音好似,日本年青人好鍾意做一個屎形狀嘅手勢,其實係祝福嚟。」

工作室裏面有大量可愛鈎織擺設,原來同Sammi有關。

工作室裏面有大量可愛鈎織擺設,原來同Sammi有關。

除了有趣擺設之外,工作室亦有不少加上「Handmade By Kimbee」小牌的鈎織手袋,混血肥仔一度以為它們售價不菲,但一睇價錢牌即忍不住說「比我想像中平好多喎」,甘比分享箇中原因:「開頭開鋪頭嘅時候,啲同事就成日話『唔得㗎,你織要賣貴啲』,我成日都好同佢哋好爭拗嘅,我就覺得大家都織到嘅,就一定要同大家一樣嘅價錢。」

混血肥仔發現甘比親手製作的鈎織袋定價比想像中便宜。

混血肥仔發現甘比親手製作的鈎織袋定價比想像中便宜。

甘比在工作室身兼多職,既是老闆,又是買手,更是其中一位導師,自言以前性急的她就指自己現在是名有耐性的導師:「好急,好急,好鍾意好急,但係我放慢咗喇,其實我除咗自己急之外,我曾經覺得自己迫害其他人,逼到其他人都好急,但係有一刻我醒咗喇,我就覺得如果我追嗰個人,我追佢嘅時候可能只係快三分鐘啫,咁我就唔好逼佢喇。」而她教授混血肥仔鈎織的過程中除了盡顯耐心一面,還展示了充滿愛心的一面,邊教邊向對方派「心靈雞湯」:「做人要識轉彎,要轉膊」、「每個人都好有創意,你唔好以為自己嗰個好核突」。

甘比用心教混血肥仔鈎織。

甘比用心教混血肥仔鈎織。

邊教邊派「心靈雞湯」。

邊教邊派「心靈雞湯」。

混血肥仔用心織袋。

混血肥仔用心織袋。

教授期間亦有不少搞笑對答,例如混血肥仔發現自己織出來的洞比正常大後,甘比向他解答原因:「因為你手鬆,我哋手緊啲,咁我唔問你借錢好冇?」引來混血肥仔回應:「都好難喇!」搞到兩人忍俊不禁。

混血肥仔學鈎織過程搞笑。

混血肥仔學鈎織過程搞笑。

問到學習鈎織的原因,甘比坦言與兒子劉仲學有關:「疫情咪online school嘅,我冇嘢做咪拎兩支嘢咁織,無端端我個仔有一日就話『媽媽,我呢要兩嚿嘢』,我心諗『死喇,呢個唔係織,係鈎喎』,咁我就唔知點算好,跟住終於搵到有賣呢類毛冷嘅地方,但係就唔明點樣鈎,問嗰個阿姐可唔可以教我,佢話『唔得,我唔可以教你』,我直情想喊,後尾咪自己上網同搵人教睇圖再自己學囉。」

甘比分享學習鈎織的原因。

甘比分享學習鈎織的原因。

另外,甘比也有分享一件教班的難忘事:「有個媽媽嚟上堂,我就多口問佢嘢,佢話佢織畀個女,我問佢『得一個女呀?』,佢就無端喊晒口同我講,『唔係呀,兩個女』,『咁你織埋畀細女』,跟住佢就細細聲做口形話『佢唔喺度,佢走咗』,佢喺度喊,我又忍住喊。佢走嗰時我就攬住佢,拍拍佢,我就送咗啲嘢畀佢個女,因為佢第一次織唔係咁靚,我就將我嗰個畀埋佢。」

甘比分享了不少經營小店的窩心點滴。

甘比分享了不少經營小店的窩心點滴。

拜訪完工作室,混血肥仔都有落到門市觀摩,過程中甘比透露門市朝早10點開門,是想一班媽媽能夠在送完子女返學後有機會排解情緒,以及建立存在感:「我以前係阿嫲湊大,我就喺屋企見到我阿嫲㗎咋,佢一係就送我返學,一係就去街市買餸,冇喺其他地方帶見過佢,因為佢好忙,所以其實好多婦女係冇存在感,佢嘅存在感就係源自於家庭,但係如果你有一個地方畀佢hea、畀佢做嘢,咁咪好好囉。」混血肥仔聞言之後直呼感同身受,想起了長輩背後的犧牲:「因為我都係嫲嫲湊大!」

混血肥仔到甘比鈎織店門市參觀。

混血肥仔到甘比鈎織店門市參觀。

甘比透露門市朝早10點開門是想一班媽媽能夠在送完子女返學後,有機會排解情緒及建立存在感。

甘比透露門市朝早10點開門是想一班媽媽能夠在送完子女返學後,有機會排解情緒及建立存在感。

Tags:

甘比

往下看更多文章

甘比浸大講座分享行善得著 鼓勵年青人積極裝備自己 以輕鬆心情解難

2024年04月18日 14:13 最後更新:04月19日 00:42

華人置業集團行政總裁暨劉鑾雄慈善基金信托人之董事劉陳凱韻女士(劉太/甘比)日前出席香港浸會大學題為《小事大意義》講座,與眾嘉賓和校內師生分享其在公益事務上的經驗和得著,藉以鼓勵年青人!講座反應熱烈 ,吸引了不少同學和教職員參加。

華人置業集團提供圖片

華人置業集團提供圖片

劉太表示集團去年捐出總額達 2,000萬人民幣予中國兒童少年基金會「春蕾計劃」,資助 3,000名女童完成求學夢,而在捐款之餘,今次她亦帶同女兒親赴四川山區探訪,了解當地情況。

華人置業集團提供圖片

華人置業集團提供圖片

四川山區生活條件有限,不少女童未能得到升學機會,劉太憶述:「 有女生因為家庭環境未能讀中學 ,她明明喜歡讀書,因擔心加重家庭負擔, 只好對爸爸說討厭升學。」而透過捐款,正好令她們有機會繼續學習,是次探訪就正如一趟「尋愛之旅」, 劉太感動地說:「即使與她們素未謀面,但過程很有愛令人感動。」

另外,配合政府《青年發展藍圖》的青年宿舍項目「仲學舍」於去年啟動,為青年人提供租金低至每月 3,000港元的宿位。位於「仲學舍」底層的餐廳「秀樺廚房」,則是由劉鑾雄慈善基金與非牟利慈善機構「愛.傳遞」合作的。餐廳以社企形式運作,為自閉症人士提供在職培訓,發揮所長。餐廳則是劉太的大女兒的名字命名的,劉太表示希望餐應可以提供更多機會,讓自閉症人士可以多與人接觸。

華人置業集團提供圖片

華人置業集團提供圖片

此外,劉太還將個人對釣織的興趣,融入社區服務。她早前成立了致力推廣鈎織文化的 Happy Yarn聯同「仲學舍」的年輕租戶,親手製作頸巾予有需要長者,還幫不少婦女發展興趣, 她更表示:「 鈎織為不少主婦和母親朋友的生活帶來樂趣,我有幾位朋友都靠鈎織治好情緒病,實在是非常好的療癒活動。」

華人置業集團提供圖片

華人置業集團提供圖片

劉太最後鼓勵一班準備踏足社會的青年人,她說: 「 我都經歷過剛踏出社會的迷茫階段,大家要非常勤力裝備自己 。」她憶述以前剛任職娛樂版記者,除了娛樂版之外,每天都會讀遍所有其他版面 。 「有些資訊你今天覺得沒用或與自己不太相關,但隨著你對世界認識加深,日後就會有幫助。」

華人置業集團提供圖片

華人置業集團提供圖片

她還勉勵大家成長路上難免會有困難,放鬆心情面對是非常重要:「你控制不到外在環境,但你可以控制你的心境。 心情不好的時候,對所有事情都提不起興趣;相反學會以輕鬆的心態,面對難題時都能積極面對。」

華人置業集團提供圖片

華人置業集團提供圖片

你 或 有 興 趣 的 文 章