福祿壽訓練學院 ｜吳兆麟晒朱古力腹肌跳唱《第四晚心情》掀高潮 資深「扮郭富城專業戶」彭建豪獲激讚「比郭富城更郭富城」

吳兆麟同彭建豪今集表演相當出眾！

由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，明晚（26日）八點半翡翠台播出第七集。

吳兆麟今集表演相當搶焦。

彭建豪扮咗20年郭富城後，能否更上一層樓？

本集Professor Fuk（阮兆祥）、Professor Luk（王祖藍）及Professor Sau（李思捷）三隊繼續接受第三輪訓練主題 -「生死對決」。本集內容是第二回合「１對１扮嘢對決」，三組輪流自行挑選一名藝人作為扮嘢主題，然後向指定組別下戰書進行1對1PK賽，本回合繼續保留導師或學員助演部分。負責第二回合評分的是現場觀眾及專業評審伍仲衡。由於祖藍在上一集的第一回合對決贏到開巷，節目一開始即遭祥師兄抵死寸爆：「我睇你好得幾耐。」祖藍聞言亦爆笑指自己「贏分數失民心」，並謂就連化妝姐姐亦認為他「贏得冇道理」。

祥師兄向祖藍隊下戰書，對決題目係郭富城。

祥師兄向祖藍隊下戰書，對決題目係郭富城。

扮足20年郭富城嘅彭建豪，感恩有三位好拍檔一路以嚟陪住佢出席大小演出，佢仲話今次得佢一個嚟TVB參加扮嘢真人Show，心入面甚是感觸。

扮足20年郭富城嘅彭建豪，感恩有三位好拍檔一路以嚟陪住佢出席大小演出，佢仲話今次得佢一個嚟TVB參加扮嘢真人Show，心入面甚是感觸。

昔日三位好拍檔都有拍片為彭建豪打氣，場面感人。

思捷力撐彭建豪扮足20年郭富城唔係技窮：扮得似就係扮得似
第二回合由Team Fuk先行自定「扮嘢對象」，為了收復失地，祥師兄派出最強武器、有20年扮演郭富城經驗的彭建豪出戰；而祥師兄選擇的PK組別，則是全隊零郭富城模仿經驗的Team Luk。在二十年扮演生涯中以跳唱為主的彭建豪，是次轉型挑戰深情慢歌《我為何讓你走》，順道獻給三位陪伴了自己20年的「天王」拍檔—嘉傑（黎明模仿者）、楊彥偉（張學友模仿者）及梁德華（劉德華模仿者）。建豪感性地說：「以前我哋係四個人一齊去內地好多電視台錄節目，可能大家都有一定年紀，有自己各自嘅家庭同工作，依家我自己一個人嚟TVB，心裏面好感觸。」與郭富城有90%相似的建豪深情獻唱完畢後，還大派勵志熱血bite：「希望大家會記住我個名，我係歌手彭建豪。」場面感人。

伍仲衡大讚彭建豪「比郭富城更加郭富城」。

伍仲衡大讚彭建豪「比郭富城更加郭富城」。

伍仲衡大讚彭建豪「比郭富城更加郭富城」。

伍仲衡對彭建豪表演亦讚不絕口：「我喺電視睇完你，就好想睇呢個節目，你比郭富城更加郭富城，我相信得一個人可以PK到你，就係郭富城。」思捷聞言亦力撐建豪：「可能有人話：『唓，佢扮咗二十年啦，扮嚟扮去郭富城。』扮得似就係扮得似，你扮嚟睇吓吖，你係最似嗰個。」

思捷都對彭建豪加以肯定。

思捷都對彭建豪加以肯定。

祖藍傳授「致勝錦囊」：要用明星停頓位
面對強敵，祖藍派出外形及聲線均與郭富城爭一截的吳兆麟（Alan）應戰，而Alan唯一模仿郭富城信心位，就是自己的「狂野之城冬菇頭」。不過經過祖藍連日來用心調教，逐個動作細節執到足之外，更向Alan大派「致勝錦囊」：「唔好加太多嘢，加太多你變得好忙。大家搏係搏你個樣似過另外嗰邊嗰位郭富城，咁你嗰啲位一定要畀個空間佢出嚟（要畀鏡頭影到個樣），你要有個明星停頓位。」

祖藍認真調教Alan。

祖藍認真調教Alan。

自摸＋震波＋扭腰擰臀震撼全場
不過Alan的殺食位豈止如此，跟足城城《第四晚心情》經典裝束出場的他，大晒超強胸肌及「朱古力腹肌」，加上一對超結實兼壯健的大髀，還未開跳已經震撼全場。本身有拉丁舞底子的Alan，雖然跳唱流行曲經驗欠奉，但配以地獄式日練夜練，成功憑超強「舞」功及body一鳴驚人，加上大量自摸、單眼、震胸及扭腰擰臀動作，全場尖叫及歡呼聲不絕於耳，絕對有能力與「扮郭富城專業戶」彭建豪一決高下。就連出名閹尖的伍仲衡亦讚不絕口：「你真係跳得好好，我略嫌有少少似鴨，好輕微架啫，尤其是你嗰幾吓（邊說邊扭腰擰臀），好似想人塞錢落你個褲咁，郭富城唔會咁架嘛。如果你能夠再收番嗰少少哩，就係舞台王者，依家就鴨店王者喇。」爆笑全場。

Alan嘅表演，無論硬件同軟件嘅表現都相當出色。

Alan嘅表演，無論硬件同軟件嘅表現都相當出色。

Alan嘅表演，無論硬件同軟件嘅表現都相當出色。

伍仲衡雖然好欣賞，但略嫌Alan其中一個動作有啲鴨味，仲即場示範，笑到祖藍直頭成個頭樁落張枱度。

兩位「郭富城」到底邊個贏？

本集另一個對決題目為Team Luk自選的「劉德華」，應戰組別為Team Sau，出戰學員分別為撞樣九十年代劉德華的陳柏曦，及撞樣八十年代劉德華的蔡景行，二人分別表演《天若有情》及《鹿鼎記》，當中Team Sau更出動「人海戰術」增加勝算。想知「兩代華仔」戰況，密切留意明晚播出的新一集《福祿壽訓練學院》。

陳柏曦

蔡景行

廖偉雄闊別17年再臨無綫大玩「笑聲拍板」，分享扮嘢心得感嘆扮嘢很難：「每年可以出好多個小生，但起碼十年先可以出到一個笑匠」

由阮兆祥、李思捷、王祖藍主持的扮嘢真人Show《象牙世家古象牙工藝品呈獻：福祿壽訓練學院》，本周日晚（16日）一集Professor Fuk（阮兆祥）、Professor Luk（王祖藍）及Professor Sau（李思捷）三隊學員繼續進行「命運對決」、以抽簽形式進行一對一扮嘢對決，勝方直接進級，敗方直入危險區。本輪對戰形式特別之處是，學員本輪表演必須是海選後從未於舞台上表演過的，是次賽果由現場觀眾投票及專業評審江美儀及火火評分決定。

焦點圖片

本集登場嘉賓、是與盧海鵬同樣以「扮嘢」馳名的廖偉雄（燦神），為表敬意，祥師兄、祖藍及思捷除了以燦神不同經典扮嘢造型亮相、齊齊向燦神送上「福祿壽訓練學院榮譽博士」榮銜之餘，更分別向燦神其中三個經典表演項目致敬，包括蔡燶華《蝕到空虛》、張惡榮《燦神》（原裝為《掃墓》），及以超經典乜太Look獻唱當年經典搞笑節目《笑星救地球》同名主題曲及片尾曲《Charlie Charlie Chit Boom Boom》Medley。三人表演完畢後，又齊齊衝到台下邀請燦神上台，燦神上台後即拿出當年紅極一時的「笑聲拍板」為眾人「加持」，當中自稱是乜太及《笑星救地球》鐵粉的祖藍開心大叫謂：「願望成真，終於可以畀『笑聲拍板』拍到頭！」

燦神因乜事搞到眼濕濕？

重現乜太金句「咁就為之very good喇」引爆集體回憶

與福祿壽及現場眾學員打成一片的燦神，事後認真又謙虛地分享扮嘢心得，期間還技巧地重現了乜太其中一句金句「咁就為之very good喇」：「你要扮嗰個人嘅特點，盡量將佢放大，如果見到旁邊嘅人笑緊，你就放得更大，如果冇人笑嘅話，就轉第二條橋再嚟過，總之要不停變同不停變，咁就為之very good喇！」燦神還不忘感性謂：「喺演藝入面其實模仿係基礎，當你懂得扮嘢時，你就可以做到唔同嘅角色，因為你知道點去加強。演藝界每年可以出好多個小生，但係起碼十年先可以出到一個笑匠，唔係容易架，所以希望福祿壽能夠培育多啲新人。」

乜太真係好經典架

今集內容絕對豐富，皆因除燦神以外還有六個表演，分別是彭建豪扮「臨時MJ」獻唱《Billie Jean》、趙亮昭扮「流以達」獻唱《活佛Viva》、林樂熙一人聲演13種不同聲音的「大自然的奇妙旅程」、郭浩皇的「李奇約會奇遇記」、黃建東扮「So健康」獻唱《從不喜歡孤單一個》加《沒有季節的火花》Medley，及馮彥中扮「虛志安」上演「我愛Sammi演唱會」。六個表演之中，以彭建豪的表演最有驚喜，扮足20年郭富城的他一洗「Aaron味」挑戰扮MJ大晒舞功及唱功。為了扮得神似，彭建豪專誠找來在內地有「翻版MJ天花板」之稱的好友李威一對一貼身教學 日練夜練，更練到爆甲見紅！雖然彭建豪如此認真，但仍克服不了自己的最大缺點—不純正英語發音，於綵排期間數度令導師祥師兄皺晒眉：「佢啲英文係地板嘅水平。」最終彭建豪出動奇招化解致命危機，到底是甚麼？雖然有著致命缺點，但彭建豪在台上演繹的完美MJ神髓、舞姿再加經典Moonwalk，成功俘虜全場觀眾及兩位專業評審的心，美儀睇到拍爛手掌謂：「你啲英文唔係一個障礙，我淨係掛住睇你跳舞，都冇留意你唱乜。你呢個唔係好正嘅英文，反而係另一個亮點。」火火則謂：「你打氣硬功，我係非常之欣賞！」

李思捷化身張惡榮獻唱《燦神》（原裝為《掃墓》）。為咗表達誠意，製作組連剪接同特效都同當年嘅《掃墓》MV似到十足十。

祖藍以乜太Look獻唱《笑星救地球》+《Charlie Charlie Chit Boom Boom》Medley。

「笑聲拍板」一出，大家都好興奮。

燦神分享扮嘢經兼大拋感性bite。

彭建豪綵排期間落足心機兼困難重重，睇吓祥師兄嘅表情！

唔講真係睇唔出係大家認識嘅彭建豪。

唔講真係睇唔出係大家認識嘅彭建豪。

唔講真係睇唔出係大家認識嘅彭建豪。

美儀姐睇到勁興奮。

當佢聽到彭建豪練到爆甲

美儀姐好驚訝

祥師兄喻黃建東：Less is More

另黃建東對於要扮演蘇永康大嘆很難，皆因自己唔夠Chok：「阿公係Chok同型，呢方面唔係我擅長。佢哋要我收番啲，但收得嚟又要放，但唔係嘩～嗰種放，係裏面嗰種鬆，我覺得今次好大挑戰。」祥師兄則語重心長謂：「今次成唔成功，就睇佢可唔可以做到less is more。」出名搞鬼的黃建東，扮演蘇康期間不忘搞搞震，竟於演唱中途無厘頭拿出紅蘿蔔，並以其重現蘇康經典跌咪事件，笑爆全場。事後火火及江美儀異口同聲大嘆東東表演夠衰格，美儀笑言：「係好笑嘅，佢某啲衰格真係好鬼衰格，好乞人憎。」

黃建東坦言扮蘇永康好大挑戰。

思捷雖然係隔籬Team，但佢都教東東點解扮蘇康最似，關鍵竟然將個可字發音成「屙」。

一支紅蘿蔔就惡搞到蘇康嘅經典跌咪事件，係有啲唸頭。

到底咩事令到美儀姐同火火都覺得東東好「衰格」呢？