Skip to Content Facebook Feature Image

港男見地盤工「長腳蟹山」當午餐自認「輸9條街」 網笑:搵錢多過金融才俊

社會事

港男見地盤工「長腳蟹山」當午餐自認「輸9條街」 網笑:搵錢多過金融才俊
社會事

社會事

港男見地盤工「長腳蟹山」當午餐自認「輸9條街」 網笑:搵錢多過金融才俊

2024年06月09日 12:30 最後更新:06月12日 16:41

港男目睹三名貌似地盤工人的男子食午餐,枱上竟擺著一碟「長腳蟹山」,港男自愧不如直認「輸9條街」。網民指相比金融才俊「地盤佬仲好搵」。

FB照片

FB照片

地盤工人一人一隻長腳蟹當午餐

該港男於Facebook群組「香港街市魚類海鮮研究社」上載照片,顯示一行三人貌似是地盤工人的男子在油塘四山街熟食市場的一個大牌檔內享用午餐,桌上放有一碟「長腳蟹山」,目測至少有三隻長腳蟹,一人一隻當午餐,非常之「豪」!樓主自愧不如直認「大牌檔食個午餐都要輸佢9條街」。

FB照片

FB照片

網民指地盤工作收入可觀

帖文引熱議,不少網民指地盤工人的收入並不低「睇落似係燒焊佬,呢啲師傅級隨時兩千幾一工,賭場馬仔都一萬幾千上落啦,食餐飯幾千蚊落樓有幾閒啫」、「唔好以為係得啲金融才俊西裝友先搵到錢,其實地盤佬仲好搵,仲捨得洗錢呀」、「做地盤的話,最小3~5萬一定有,肯做嘅8~10萬都大有人在」、「唔出奇,手仲可能帶住勞,釘板佬4/5000蚊日常有」。

Getty圖片

Getty圖片

亦有人認為「辛苦搵來志在食」

不少人也表示理解,他們都喜歡用美食犒賞自己「你唔好睇小地盤佬好識食㗎,佢哋搵得錢嚟志在洗」、「做得好辛苦,梗係要食餐好,地盤佬日常」、「辛苦揾來至在食,十個有九個都係咁諗」、「同我人生宗旨一樣,搵食搵食,搵完啲錢就係要食架啦」、「做到地盤打理以上,呢d事係日常」。

大排檔鄰近海鮮批發市場 價格相宜

有網民指該處的海鮮價格相宜「熟食大排檔隔離有批發海鮮,檔主拎到平貨都正常」、「油塘魚類批發市場隔離大排檔,小紅書號稱香港最平海鮮檔。龍蝦長腳蟹批發隔籬就係,好多剛剛死特別平」、「直咗既西/南澳龍蝦、長腳佢地經常咁賣,無特別啦,我都親眼見過好多次」、「在這裹食唔會太貴,檔主買隔離海鮮批發市場剛死或慢爪貨比市價平好多,平買平賣」。

unsplash示意圖

unsplash示意圖

帖文來源:Facebook群組「香港街市魚類海鮮研究社

往下看更多文章

3大媽西灣河快餐店霸位嘆冷氣食自家餸呼喝職員 奇葩行為引公審

2024年07月18日 12:30 最後更新:15:49

有網民到西灣河大家樂用餐時,目睹三位大媽霸位嘆冷氣,由下午茶坐到晚餐,更自帶餸菜開餐,又將花生殼撒滿枱兼呼喝職員。網民看不過眼拍照公審迅速成網上熱話。

FB截圖

FB截圖

三大媽快餐店霸位嘆冷氣 自備外來食物

該網民於Facebook發上載照片,事發地點為西灣河太安樓的大家樂,照片可見有三名大媽正在開餐,但細心一看枱上有兩隻不屬於大家樂的碟。樓主指她們由下午茶時間一直坐到晚餐嘆冷氣,更「自己帶魚嚟,再加個自己炒嘅餸,坐出面嗰個買個最平嘅飯,叫加飯就可以3個人食」。

花生殼滿枱 呼喝職員

樓主又斥責她們「食花生食到成張枱都係殼」,職員好言相勸:「小心唔好跌落地下,已經掃地3次」,其中的白髮大媽更惡言相向:「叫經理炒咗你嗱,你咁老冇人請你!」職員不甘受辱反駁:「阿哥係埋面,你叫佢即刻炒我吖,睇吓有冇人做嘢吖!」樓主亦立即助攻「讚阿姐做得啱,唔係呢度食物,仲要服侍你執埋垃圾!」

FB圖片

FB圖片

網民揭三人是慣犯

帖文一出即被多次轉載,不少網民斥她們是慣犯「上次嚟都見到佢哋,幾個人就霸兩、三張枱,袋又一個位,放個杯又一個位,好多人捧住個餐都搵唔到位,但佢哋視而不見」、「慣常見到這幾個惡毒老乾婆,坐近門口窗戶的都同樣自私霸道」、「試過夜晚去食,見到其中一個人坐左係四人位,我見隔籬嗰張四人枱有位就坐洛去,個亞婆話個位有人黎緊,甘我就再搵過位,到我食完望返轉頭,都係得佢一個人霸住另外張枱唔比人坐,由頭到尾一個阿婆霸住兩張四人枱」。

FB截圖

FB截圖

三人屢勸不改 同經理投訴都冇用

有網民質疑為何經理不出頭,樓主則回覆表示「其實唔止投訴比店經理知,甚至係區域經理都試過,區域經理話會親自落舖,只係好幾日,跟著就打回原形。唔係公審啲長者,而係正如呢度都有人講認得呢班人係霸枱黨,係唔比人坐,就算你坐落去,只有得個嘈字,因為周圍都係佢哋啲人,每個人都想舒服食佢每一餐,我都係長者,我都想揾到一個位坐底食飯啫,你如果住在西灣河,你可以用時間試吓落去睇兼食嘢啦!」

FB截圖

FB截圖

帖文來源:Facebook

你 或 有 興 趣 的 文 章