懶理老公舊情史 富貴林夏薇笑住幫襯街邊檔

近排林夏薇老公莫贊生被爆情史，但莫太回應話「每個人都有過去，冇咩好介意。」有老公錫又有錢又靚嘅林夏薇無受報道影響，行過街邊檔仲笑笑口買30蚊就有交易嘅頭箍，好知慳識儉呀。

當日傍晚，一身白同孭住粉紅Chanel袋嘅林夏薇同女友人去銅鑼灣行街，途經全街都是檔口嘅渣甸坊，望兩望就行入去，見到擺賣頭飾嘅檔口即停低，好認真咁望住掛喺牆嘅頭箍。

藍色頭箍盛惠30蚊，好抵。

揀揀吓又摸吓口唇，唔使幾分鐘就揀到心頭好，埋單30蚊，笑住俾錢嘅莫太都不知幾開心。老公舊情史？莫太都唔係第一次拍拖就嫁俾莫生啦。

林夏薇喺街邊檔揀頭飾揀到好投入，仲不時摸吓口唇。

林夏薇買嘢時動作多多。

唔使15分鐘就買完頭箍，莫太同友人飄住走。

去年七月，林夏薇下嫁身家逾20億嘅金融才俊莫贊生，隨即入住老公位於山頂柯士甸山道，市值逾10億的的獨立屋，榮升闊太令不少大台姐仔好葡萄。不過莫贊生早前忽然被爆舊情史，指莫生曾力追陳慧琳、鍾嘉欣但追唔到，又同過Donut前成員Caroline拍拖3年，男方好愛Caroline。更指莫太嘅愛犬原來係老公同舊愛嘅「定情狗」。

莫贊生、林夏薇 (資料圖片)

林夏薇經常晒命，睇吓佢屋企個私人泳池幾大幾靚。

不過林夏薇出口護夫，「我同老公識咗好耐，每個人都有過去，唔使諗咁多，亦冇咩好介意。」至於「定情狗」，林夏薇答得小心：「養狗要有愛心，而且隻狗最黐我。」完美KO，可以Close File。

陸劇《大生意人》開播後熱度急升，榮登全網熱度榜首，累計播放量突破2.5億。其中，客串演出的林夏薇飾演慈禧太后，日前亮相即引熱議。網民大讚她眼神充滿火藥味，演技到位，與男主角陳曉相隔十五年再合作，默契不減。

由陳曉主演、林夏薇客串上陣的陸劇《大生意人》熱度登頂。

林夏薇演慈禧太后。

林夏薇坦言接演慈禧感興奮，開拍前特意在家穿花盆底鞋練習近月，連放狗亦穿上，獲好友陳曉大讚專業。她亦指今次首次以普通話原音演古裝，心情緊張，幸片場遇舊友，迅速投入角色。劇集口碑收視雙贏，被評為稀缺商戰題材，全員演技在線。

同樣畢業於中央戲劇學院的林夏薇和陳曉日前現身直播，暢談合作感受。

林夏薇眼神獲網民大讚充滿火藥味！