廣東話博大精深，又幽默搞笑，一個詞排序唔同，意思可以南轅北轍。近日網上瘋傳一張食店招牌名，引起網民熱烈討論，究竟間舖頭叫「正粉腸」定「腸粉正」？原來由左至右讀，或由右至左讀，意思相差好遠。
網上圖片
有網友話，一般而言，橫排中文由左至右讀，所以這間舖頭應該叫「正粉腸」，好似鬧緊人咁，但是另有網友則話，中文傳統由右至左讀，所以這間舖頭應該叫「腸粉正」，此食店名字就正好推銷自己的食物好「正」。
網友們剝完一輪花生後仍未有結果，有眼利網友給了點線索：「畀招牌上嘅『足料」（兩隻字）出賣咗」，因為如果「足料」二字由左至右讀，那麼該招牌應該叫「正粉腸」才對，但有網友又不同意，因為「料足」意思都通。
無論如何，如此生鬼港式招牌已成功吸引網民眼珠，帖文短短一日內已獲最少逾千個讚，似乎網友們都給「生鬼」廣東話考起，有網友高呼︰「廣東話真係博大精深！」另有多網民都話如果少時有這類教材，自己學中文都會更有心機。