提起哥哥的窩心，陳太一度硬咽！
金牌經理人兼製作人陳淑芬（陳太）接受新城知訊台台長程凱欣和麥卓華主持的《原來生活好快樂》訪問，曾為哥哥張國榮擔任經理人，與梅艷芳及張學友等巨星合作無間的陳太，縱橫演藝界50年，見證了香港演藝界的光輝歲月。為了紀念入行50周年，陳太不惜工本在澳門倫敦人綜藝館舉行《陳淑芬．星星相識50年．紀念展》，與大家一齊見證半個世紀以來香港樂壇的發展及輝煌。展期本來由3月20日5月19日，反應相當熱烈，徇眾要求下紀念展宣布延期再延期，由6月30日延至7月28日，陳太在節目中表示：「今次真係終極一次，希望大家把握最後機會嚟睇。」
陳太形容這個紀念展是香港樂壇歷史見證，跟大家回顧她入行50年的歷程，包括曾參與製作的大型演出項目，以及半世紀以來香港流行音樂文化及演唱會行業進程，「呢50年，香港娛樂圈畀我好多機會，好多人陪伴我，合作又好開心，到依家仲喺呢個行業，仲服務大家，我覺得好感恩。」展品當中，一半是哥哥的物品，「哥哥喺我心目中同演藝生涯佔好重位置，我同佢識於微時，好似一個戰友咁，展覽有個張國榮專區，好多謝唐鶴德先生借咗好多哥哥珍藏、服飾，仲有哥哥喺樂壇、影壇攞過嘅獎項。」
點擊看圖輯
陳淑芬接受新城《原來生活好快樂》程凱欣、麥卓華訪問。
陳太不惜工本在澳門倫敦人綜藝館舉行《陳淑芬．星星相識50年．紀念展》反應相當熱烈，徇眾要求下紀念展宣布延期再延期，由6月30日延至7月28日。
陳淑芬接受新城《原來生活好快樂》程凱欣、麥卓華訪問。
陳太和哥哥及很多藝人情如家人，皆因陳太對他們都付出最真誠和真心，「哥哥成日講，除咗我唔係姓張，佢唔係姓陳，其實我真係好似佢家姐，我都當佢係細佬，其他藝人做訪問都有講，原來佢哋都當我係屋企人，我知道之後覺得好欣慰。」提起哥哥的窩心，陳太一度硬咽，程凱欣讚陳太是位重情重義、剛柔並重的鐵娘子。
陳太不惜工本在澳門倫敦人綜藝館舉行《陳淑芬．星星相識50年．紀念展》反應相當熱烈，徇眾要求下紀念展宣布延期再延期，由6月30日延至7月28日。
陳太跟一班天王巨星合作無間。
跟一班天王巨星合作無間，陳太指他們的共通點都十分勤力，堅持自己理想，程凱欣問她誰要求最高和難服侍？陳太笑言：「係兩樣嘢，難服侍同要求高係分開，哥哥都算係追求完美嘅人，有啲人要求高，但又難為到身邊人同自己，佢嘅要求有機會脫離現實，但呢個係冇錯嘅，冇呢啲要求，又push唔到身邊人去做，最重要係體諒同包容，你對自己要求高OK，但唔可以諗到天馬行空迫人去做，又不顧安全問題，咁又唔可以。」
陳太亦分享早年帶哥哥和梅艷芳去英國登台的難忘事，「當年我哋係去戲院做，因為好多華人喺嗰邊，佢哋又有好多人開餐館，要等佢哋收咗工先開騷，所以啲騷係凌晨12點先開騷。」開騷未必穩賺，陳太並不介意蝕錢，只求做得好：「就算有冇錢賺，都一定都做好佢，起碼有個口碑，好似哥哥嘅紀念活動，我哋只係想做好一件事，令觀眾開心。」
憶故人張國榮鐵娘子一度硬咽！
詳細節目內容，請留意7月11日，早上9-10時，新城知訊台《原來生活好快樂》「自主人生」環節，重溫網址：https://www.metroradio.com.hk/MetroInfo/
一連五場的林子祥 x 葉蒨文《白頭到老WE ARE ONE世界巡迴演唱會 – 香港站》昨晚（10月9日）於紅磡香港體育館正式開鑼，不少好友及圈中人包括：朱玲玲及丈夫羅康瑞、兒子林德信及太太Candace、吳浩康及太太郭思琳、狄波拉、陳淑芬、賈樟柯導演、蔡一智、陳潔靈、車婉婉、關心妍及丈夫楊長智等，都有前來捧場。
林子祥×葉蒨文時隔27年後，再度舉辦一連五場《白頭到老WEARE ONE世界巡迴演唱會》 首場個唱，昨晚（9日）開鑼。
Sally晒馬甲線狂跳13分鐘！
今次演唱會是阿Lam林子祥及Sally葉蒨文兩位樂壇巨匠送給樂迷最深情的禮物。從青絲唱到白首，歷盡高山低谷，人生最美好的時光都有樂迷同行。阿Lam與Sally將音樂與人生感悟毫無保留分享予知音人。演唱會主題「白頭到老」不僅是兩人婚姻的寫照，更是他們與樂迷之間跨越數十載的音樂約定。在長達三小時的演出中，二人不時與台下互動，言談間充滿對樂迷的感激之情。
Sally演唱會服飾由有「香港演唱會服裝之父」的本地設計大師Tomas Chan 及Kenneth Chan 操刀。而阿Lam的服裝則由他自己親自包辦。華麗卻不浮誇的設計完美契合阿Lam的型格風範與Sally的優雅氣質，每套戰衣皆為兩位巨星度身訂造，在經典中見新意，華麗得來又不花巧，完全符合阿Lam跟Sally的個人風格。
演唱會主題「白頭到老」不僅是阿Lam與Sally婚姻的寫照，更是他們與樂迷之間跨越數十載的音樂約定。
阿Lam唱《海闊天空》感觸落淚。
演唱會一開場已經掀起高潮！阿Lam與Sally攜手飆唱《敢愛敢做》、《200度》、《十分十二吋》等經典快歌，瞬間點燃全場氣氛。Sally更率領二十六位成人與小童舞蹈員連續跳唱十三分鐘，全程面不改容，唱跳期間更驚喜露出結實馬甲線，fit爆身形引來全場尖叫聲，將現場氣氛推向高峰。
二人各自solo環節同樣精彩，阿Lam多首代表作撼動人心，包括《千億個夜晚》、《真的漢子》及《這一個夜》等，而Sally的《祝福》、《珍重》、《信自己》等的演繹，繞樑三日。眾所周知兩人作品向來高難度，但他們依然中氣十足，完美演繹每粒音符，讓樂迷聽得如癡如醉。阿Lam的《男兒當自強》氣勢磅礴，盡顯鐵漢柔情；Sally的《祝福》溫婉動人，勾起無數集體回憶。更難得的是，兩位樂壇前輩在演唱時仍保持巔峰狀態，高音鏗鏘有力，轉音流暢自然，實力派風範表露無遺。多首經典金曲更引發全場大合唱，包括《憑着愛》、《數字人生》、《分分鐘需要你》等，現場氣氛溫馨熱烈。
Sally在台上分享感受：「呢個世界冇嘢重要過愛。」
保持巔峰狀態！
演唱會亦充滿感人時刻，阿Lam在唱出《每夜唱不停》及《海闊天空》前，感性地說：「我唱咗咁多年歌，都望唔清楚你哋個樣，我而家想睇吓係乜嘢人聽我啲歌。」期間唱到哽咽，感觸落淚。唱完後，他說：「我見到你哋啲樣㗎啦，祝你哋每一位一千個夜晚都咁開心。」除此之外，其中一個環節是二人向父母致敬。演唱《藍天》前，Sally說：「呢首歌對我嚟講好重要，係教我點樣信自己，終於知道係咩意思啦，就係我親愛的媽媽……我又唔可以講太多，因為我一講呢就要出嚟，但係阿Lam講咗一句，我哋入咗呢行咁多年，我哋嘅媽咪Daddy永遠都係坐喺前面，但係而家佢哋去咗第二個世界坐第一個位，喺呢度致向敬佢哋，呢首歌我想送俾我媽咪，教我點樣去愛人同愛自己。」接着阿Lam說：「多謝你哋嚟呢度，不過我同沙麗最大最大嘅粉絲，都係我哋嘅Daddy媽咪。我Daddy好早就唔喺度，睇唔到我嘅演唱會，我媽咪差唔多由頭睇到落尾，不過而家佢都同我Daddy去咗一樣嘅地方啦，所以喺呢度唱呢隻歌俾佢哋。」然後二人唱出《追憶》、《單車》及《空櫈》。
朱玲玲及丈夫羅康瑞前來捧場。
陳淑芬與狄波拉
賈樟柯導演
最後Sally在台上分享感受：「我哋發覺去到我哋呢個年紀， which is唔係好大啫，一剎那眨吓眼就過㗎啦喎，突然間白頭到老，但係我哋發現最緊要一樣嘢，就係一個愛字，呢個世界冇嘢重要過愛，所以我哋呢個show，就係獻出好多愛，唔淨係我同阿Lam，係要俾全部嘅心機送俾你哋好多好多愛，喺呢度要再俾你哋一個大愛，要表示有幾愛你哋。」
這場充滿感動與驚喜的音樂盛宴，將還有連續四晚繼續在紅館發光發亮，讓樂迷見證這對樂壇傳奇與樂迷白頭到老的真摯情誼。
林子祥×葉蒨文時隔27年後，再度舉辦一連五場《白頭到老WEARE ONE世界巡迴演唱會》 首場個唱，昨晚（9日）開鑼。
