利物浦主場登陸太古城 陳蕾洪嘉豪名宿前展球技

洪嘉豪自稱「屯門黃金右腳」。

太古地產與利物浦足球會首次攜手合作，共同打造橫跨中港兩地、引人入勝的「Welcome to Anfield – The LFC Experience」沉浸式足球盛會。緊隨廣州、成都兩場精彩體驗後，今個八月終於登陸最終站 — 香港的太古城中心！由2024年8月3日至9月1日期間，太古城中心二樓中庭及中橋將利物浦主場晏菲路球場帶到大家面前，與球場各個標誌性位置打卡。場內更有三大足球主題互動遊戲、期間限定紀念品店，讓球迷得到猶如置身當地的超現實體驗，以不一樣的方式感受傳奇球場的魅力。

（左起）史米沙（Vladimír Smicer）、科拿（Robbie Fowler）、貝加（Patrik Berger）、太古地產零售業務（香港）副董事梁雅儀小姐、陳蕾、洪嘉豪

利物浦名宿科拿（Robbie Fowler）、貝加（Patrik Berger）及史米沙（Vladimír Smicer），與身為利物浦球迷的洪嘉豪與陳蕾親臨太古城中心「Welcome to Anfield – The LFC Experience」現場

昨日（8月1日），利物浦三位名宿「上帝」科拿（Robbie Fowler）、中場重炮貝加（Patrik Berger）及「伊斯坦布爾之夜」功臣之一史米沙（Vladimír Smicer）親臨太古城中心「Welcome to Anfield – The LFC Experience」現場，與身為利物浦球迷的洪嘉豪與陳蕾一同進行簡單而隆重的揭幕儀式，並且大玩足球遊戲，切磋球技。

三位名宿與身為利物浦球迷的洪嘉豪與陳蕾大玩足球遊戲，切磋球技

熱愛足球、自稱「屯門黃金右腳」的洪嘉豪，面對三位名宿亦毫不怯場，大膽上陣展現球技。洪嘉豪：「我望落唔緊張，但其實今日嘅緊張程度，係繼上次紅館演唱會之後嘅最高級別。有邊個球迷可以喺自己鍾意嘅球隊名宿面前踢返兩腳，甚至係同佢哋比賽？係我，仲有陳蕾，真係有種夢想成真嘅感覺。我成日話自己係『屯門黃金右腳』，今日起請大家叫我『世界級屯門黃金右腳』，因為我係『喺世界級球星面前嘅屯門黃金右腳』！」

熱愛足球、自稱「屯門黃金右腳」的洪嘉豪，面對三位名宿亦毫不怯場

洪嘉豪：由今日起請叫我「世界級屯門黃金右腳」

同樣身為利物浦球迷的陳蕾，為準備與名宿比賽而進行連日特訓，做好準備。陳蕾：「我連續好多晚都落場踢波，試吓唔同腳法同走位，計吓計吓都有差唔多十場，愈踢愈好，成績都見得人啦！」洪嘉豪：「你自己落場踢？」陳蕾：「係呀，我自己開個League踢呀，電子足球game。」

陳蕾：為咗同名宿對決　我連日秘密練兵

陳蕾於遊戲大膽上陣展現球技

洪嘉豪與陳蕾較早前獲邀親赴英國利物浦主場晏菲路球場參觀，完成球迷朝聖之旅。今日來到太古城中心「Welcome to Anfield – The LFC Experience」，驚嘆場地還原度。陳蕾：「辛奇利閘門Shankly Gate、球員更衣室、KOP看台真係做得好有氣氛；頭先見到有球迷拎住『You Will Never Walk Alone』嘅球隊毛巾影相，好正！」洪嘉豪：「係有啲唔同嘅，因為呢度有冷氣嘛，可以舒舒服服打卡。今次喺太古城中心影完，祝大家下次可以去晏菲路現場睇波！」

洪嘉豪與陳蕾較早前獲邀親赴英國利物浦主場晏菲路球場參觀，完成球迷朝聖之旅

陳蕾驚嘆場地還原度

陳蕾：「辛奇利閘門Shankly Gate、球員更衣室、KOP看台真係做得好有氣氛」

洪嘉豪：「係有啲唔同嘅，因為呢度有冷氣嘛，可以舒舒服服打卡。」

二人相當興奮

洪嘉豪與陳蕾一同在球場各個標誌性位置打卡

商業電台主辦《PURDORI呈獻2025年度叱咤樂壇流行榜頒獎典禮》，將於2026年1月1日晚上7時假亞洲國際博覽館ARENA盛大舉行。為配合今年主題「難先要你做」，叱咤903DJ聯同一眾歌手走訪不同中學，進行一連四場《PURDORI呈獻2025年度叱咤樂壇流行榜頒獎典禮》 之「難先要你做」校園巡演。歌手聯同中學生合力完成各項「百人挑戰」，在艱巨的過程之中， 以無比的堅持與決心，不斷突破及挑戰自己，實踐「難先要你做」的精神!

叱咤903Woody聯同洪嘉豪日前走訪林大輝中學，進行商業電台主辦《PURDORI呈獻 2025年度叱咤樂壇流行榜頒獎典禮》之「難先要你做」校園巡演第三站。

洪嘉豪化身「難題諮詢師」為同學解答難題，分享其歌手路上所遇到的挑戰，向學生分享如何透過努力提升自己，跨越不同的難關。

叱咤903 Woody聯同洪嘉豪日前走訪林大輝中學，進行《PURDORI呈獻2025年度叱咤樂壇流行榜頒獎典禮》之「難先要你做」校園巡演第三站，重頭戲是洪嘉豪領軍「百人挑戰」之「百腳 傳球」—— 洪嘉豪與99位學生在草地球場上，合共100人挑戰來回傳接足球，並由洪嘉豪負責射門。在挑戰過程中，99位學生分成左右兩列，洪嘉豪從中間展開傳球，眾人默契十足，全神貫注地配合傳球。當洪嘉豪射入終極一球，全場爆發出熱烈掌聲與歡呼聲，盡顯團隊合作與堅持不懈的精神。洪嘉豪笑指終於明白今年叱咤主題「難先要你做」的真正意思:「最『難』係要記住傳波傳到邊個同學仔，有啲同學仲要整蠱我，做假動作扮傳波，扮交又唔交!」

洪嘉豪現場獻唱《下世愛你》時，學生們高舉特別為嘉豪準備的應援大字報，場面熱烈。

洪嘉豪、Woody與林大輝中學全場師生大合照，並一同大叫今年叱咤口號「難先要你做」。

在「難題咨詢室」環節，同學們向洪嘉豪親自發問難題，其中一題問及洪嘉豪如何渡過「空白期」， 洪嘉豪坦言:「緊係練吓歌、寫吓歌，增值吓自己，我係樂壇上將勤補拙嘅歌手。其餘時間我主要會畀自己放鬆，例如去打機、踢波等，唔做同事業有關嘅事。」隨後，洪嘉豪亦向在場逾200位學生獻唱歌曲《下世愛你》，學生們高舉應援大字報，場面熱烈。洪嘉豪深深感受到同學們的 熱情:「呢度嘅同學仔係我去咁多學校活動入面最熱情。因為我喺學校門口落車，都未行到入去學校，已經聽到好瘋狂嘅尖叫聲。」

嘉豪與Woody在林大輝中學草地場準備「百人挑戰」之「百腳傳球」。

洪嘉豪領軍「百人挑戰」之「百腳傳球」前進行熱身。

洪嘉豪亦分享其歌手路上所遇到的挑戰，勉勵同學如何調整心態面對難關:「我係超級理性嘅天蠍座，所以面對覺得『難』嘅事，我會追溯原因。你要問自己考試壓力係來自咩?可能係升學、 屋企人嘅期望、同學之間嘅比較、對前路迷惘等，當你搵到答案嘅時候就可以減輕壓力喇!」他 亦以自身經驗為例續說:「其實我面對大型表演仍然會好緊張。例如年頭叱咤頒獎禮係冇綵排，而且全香港人喺電視機前面睇住。我嘅做法係喺腦海預演一次上台嘅情景，幻想觀眾反應，令自 己有心理準備，同樣做法都可以應用喺令你覺得緊張嘅場景。」

洪嘉豪領軍「百人挑戰」之「百腳傳球」—— 與99位同學在草地場上挑戰100人來回傳接足球，並由洪嘉豪射入終極一球。

有關商業電台主辦《PURDORI呈獻2025年度叱咤樂壇流行榜頒獎典禮》之詳情，敬請密切留 意叱咤903電台宣傳廣播、商業電台網站www.881903.com、my903.com、「my903.com 商業電 台」Facebook 及「cr881903」Instagram之最新消息。

洪嘉豪、Woody與林大輝中學99位同學成功挑戰「百腳傳球」，發揮叱咤主題「難先要你做」的精神！