莊端兒（Xenia）舉行歷時只有五分鐘的記者會，回應近日前男友張致恆（Steven）「偷食」台妹Doris一事。對於再被爆與有婦之夫的戀情，她未有正面回應：「我只會回應我想答嘅問題。」
莊端兒拒回應戀上有婦之夫的傳開
提到事情發展至如此地步，莊端兒感到好可惜：「畢竟感情係我哋兩個人嘅事，佢錯咗佢已經認咗錯，我哋亦都正式分手，我已經原諒咗佢，我希望事情可以告一段落，希望無論係我定張致恆，都可以搵到自己嘅幸福」，又指事件加上工作發生的事令她更加大壓力。
莊端兒表示事件令她感到大壓力。（本網記者攝）
Xenia完成記者會後打算離開，提到有人爆料指她08年與有婦之夫Peter的戀情，她指：「不要將其他人嘅喜好走嚟問我回應。一直以嚟人哋問我感情，我就叫人哋問我工作，到我上咗C1，你哋問我工作，我又叫返你哋問我感情嘢。」記者再追問她是否曾有過一段婚姻：「我唔方便講。唔好將人哋所爆嘅嘢加喺我身上，要我去回應。（影響你同Steven關係？）我只會回應我想答嘅問題，我同Steven嘅關係……」工作人員即時拉她離開，再問她有何打算，她謂：「之後嘅事，之後再算。」整個記者會過程只約五分鐘。
莊端兒被工作人員拉離現場（TungStar圖片）
