Windy：「希望你哋啲麻煩都彈開。」
詹天文（Windy）昨日（8月13日）到新城廣播接受譚玉瑛（阿譚）、何基佑及麥皓兒主持的《QK玉瑛室》訪問，宣傳新歌《麻煩彈開》，Windy特別送上彈彈波給一班主持，寓意歌名的「彈」字，她又指：「希望你哋啲麻煩都彈開。」
詹天文（Windy）接受《QK玉瑛室》訪問。
現年18歲的Windy被問到是否遇到多麻煩事？她直言：「都幾多吓，人生中好多麻煩，會有人或事，有啲人磁場夾唔到都會麻煩，不過我盡量都會去面對，唔會逃避。」
Windy宣傳新歌《麻煩彈開》。
阿譚又問到Windy有甚麼擇偶條件？Windy表示要陽光、樂觀及高自己一個頭，但她強調：「當真正鍾意一個人時，呢啲要求都可能會冇咗。」再問Windy有沒有遇過難忘的追求者？她自爆在剛過去的七夕收到男同學的表白，「我同佢喺學校冇乜講過嘢，佢仲話鍾意咗我好耐，又寫咗大段嘢畀我，有少少嚇親。」
Windy透露自己的擇偶條件。
不過Windy已極速婉拒對方，「我好明確同佢講對佢冇感覺，同埋想專注事業同學業，佢有覆我，但我冇睇。如果同一個人一齊，我要有足夠感覺，而唔係試吓。」
Windy與譚玉瑛合照。
詳細節目內容，請重溫8月13日，下午3-4時，新城知訊台《QK玉瑛室》節目，網址：https://www.metroradio.com.hk/MetroInfo/
WindyYumi身穿白色短款禮服現身紅地氈，希望可以俾大家仙氣的感覺！
全城矚目選美盛事《2024香港小姐競選》今晚（9月15日）假將軍澳電視廣播城舉行決賽，無綫「聲夢小花」鍾柔美（Yumi）以及詹天文（Windy）身穿白色短款禮服現身紅地氈，Yumi透露作為開場嘉賓希望呢套服裝可以帶給大家一種「仙氣」的感覺。
「聲夢小花」鍾柔美（Yumi）以及詹天文（Windy）身穿白色短款禮服現身紅地氈（本網記者攝）
Windy表示今次將會第一次唱港姐主題曲的live：「之前都係錄歌所以都覺得特別興奮，而且到現場就會覺得好宏偉，所以覺得好開心。」與JW 王灝兒的組合Yumi覺得好有趣：「我就冇乜同JW老師合作過啦，而且今次嘅任務好重大，自己細細個就開始睇香港小姐，所以覺得好榮幸（唱主題曲）！」Yumi認為同JW合作學習到好多嘢：「JW老師唱歌好釋放，佢亦都教我點樣去放啲，唱得夢幻啲。」
王灝兒聯同「聲夢小花」鍾柔美（Yumi）、詹天文（Windy）攜手獻唱港姐主題曲《Proud To Be A Woman》（本網記者攝）
三人組合好新鮮（本網記者攝）
Windy升讀位於廣州的星海音樂學院，她表示已經去報道但是要到9月23號才正式開學：「我依家已經將宿舍用品買好曬，但係仲未開始住，所以我會過多兩日再返學校。」亦透露自己不需要軍訓，所以心情好好：「見到佢哋係操場上面暴曬都好辛苦，如果自己經歷嘅話應該都會曬黑幾個度先翻嚟。」佢透露將會入住六人宿舍：「我覺得幾好，而且環境都算偏大，個人空間都好足夠。」Yumi就表示聽日先開學：「所以其實我係好緊張，我未知道學校嘅狀況係點樣，但係我都會去努力，我緊張識新嘅人同新嘅環境讀書。」
Windy升讀位於廣州的星海音樂學院，她表示已經去報道但是要到9月23號才正式開學（本網記者攝）
Yumi表示有同炎明熹Gigi取經點樣適應大學環境：「佢都有like我嘅Story，都有傾過啲tips但係我唔記得咗。」Windy則表示因為同Gigi讀嘅大學唔同，相處方式同環境都會唔同，所以就冇特等去問佢，但係都有同佢傾計。
Yumi表示有同炎明熹Gigi取經點樣適應大學環境（本網記者攝）
Chantel、Windy及Yumi上月推出合唱的跳唱新歌《CYA》，而Windy當中的造型遭網民嘲笑似哪吒，而Windy回應：「其實自己睇到都笑咗，因為我覺得批評都係一件好事，同埋網民對我有一種評價都係好事，而且我都想多啲嘗試唔同嘅造型，唔想將自己框在一個舒適圈入邊，我覺得審美好主觀嘅，大家覺得唔好睇唔緊要，我都會嘗試更多唔同嘅造型！」Windy亦表示其實自己好鍾意呢個造型，估唔到大家會有呢個諗法，不過都會繼續做更多的嘗試！
Windy當中的造型遭網民嘲笑似哪吒
