早前在美國慶祝39歲牛一的伍允龍（Philip），日前偕男友人現身尖沙咀一運動舖。成個生日月，Philip緋聞女友阿劉佩玥(Moon)因忙拍新劇，全程無影，力證男神努力事業外，仲好乖仔專一！
伍允龍澄清道：「我和劉佩玥只是朋友。」 （網上圖片）
早前，無線熱播劇《城寨英雄》創收視新高，帶挈埋劇中主角大受歡迎，其中拍電影響朵的功夫小子伍允龍Philip，首次跳入視圈，即憑「貓仔、龍成虎」一角升呢男神兼成功入屋，更與劇中女友「柯德莉」(劉佩玥飾)疑似撻着。
點擊看圖輯
更多相片
伍允龍澄清道：「我和劉佩玥只是朋友。」 （網上圖片）
大隻仔伍允龍man爆出巡，手瓜粗過大髀加埋個酒窩，冧死女。
伍允龍畀錢其間，一直專注睇波，好入神。
日前，伍允龍帶徒弟齊齊出席多倫多影展，睇完首映又做訪問，躋身國際。
伍允龍憑真功夫在《龍之誕生》中演活一代傳奇李小龍一角，備受讚賞。
日前晚上8時，Philip偕男友人去尖沙咀shopping。黑衫牛仔褲波鞋的大隻仔，專睇運動衫褲，閒逛十五分鐘，即有收穫。其間有女fans興奮搵「貓仔」集郵，他態度友善O氹到班fans好開心。之後男神排隊畀錢，手瓜起的他一邊把玩斜孭袋、一邊睇電視播放的足球片段，睇到入晒神。最後碌卡找數，男神與友人去附近食飯醫肚，再獨自返家。
對於與緋聞女友劉佩玥的關係，Philip強調說：「好多謝大家投入『柯德莉』和『龍成虎』的關係，證明我哋演技和套劇非常成功。但其實我哋真真正正只係朋友。之前宣傳、訪問，我哋因為太投入而玩得顛又放，呢種關係我已經好開心，好滿足。我係單身，感情事等神安排啦！現階段只專心努力工作。」
大隻仔伍允龍man爆出巡，手瓜粗過大髀加埋個酒窩，冧死女。
伍允龍畀錢其間，一直專注睇波，好入神。
日前，伍允龍帶徒弟齊齊出席多倫多影展，睇完首映又做訪問，躋身國際。
伍允龍憑真功夫在《龍之誕生》中演活一代傳奇李小龍一角，備受讚賞。
