193倒車撞婆婆 AK籲駕駛者要注意安全

AK：「睇到193今次事件，我都提醒自己要小心，攰就唔好揸車。」

MIRROR副隊長江?生（AK）今日（8月22日）出席美妝品牌活動，講到ERROR成員郭嘉駿（193）日前揸法拉利倒車撞跌婆婆的事件，AK表示已交司法部處理，不便評論太多：「我知道193好緊張事件，做咗好多處理工作，我會發訊息關心佢。」

AK今日（22日）出席活動被問到193倒車撞婆婆事件。

他表示不便評論太多，覺得駕駛者要注意安全，大家過馬路亦要看清楚路面情況。

AK覺得駕駛者要注意安全，大家過馬路亦要看清楚路面情況：「我當年考到牌都試過撞花車身『交過學費』，睇到193今次事件，我都提醒自己要小心，攰就唔好揸車。」

AK坦言今次看見193的事件也會提醒自己小心。

193被網友於「香港突發事故報料區及討論區」FB群組中，踢爆他是一條車Cam片的男主角，片中拍到一架紅色法拉利，向後倒車期間不慎撞跌一名婆婆，婆婆隨即跌落地。

事後193在IG承認此事，重申婆婆拒絕送院，亦表示不需要報警及賠償。

另外，最近剛完成個人演唱會的的他，透露MIRROR即將錄新歌，預計中秋節前登場，及後會錄小組歌曲，希望在10月萬聖節推出。

他再三強調撞到人後，第一時間停車並落車慰問對方，絕非不顧而去。

組合ERROR成員郭嘉駿（193）日前到新城廣播接受葉文輝（啤梨）主持的《梨事會》錄音訪問，193去年因「跑車事件」引發輿論風波，他在訪問中透露事件發生後事業陷入低潮，更驚爆自己出現創傷後壓力症候群（PTSD）症狀。

193郭嘉駿接受新城廣播《梨事會》訪問。

193直言購買跑車是為了實現童年夢想，並強調這是靠自己努力賺取的成果：「我自從返到香港出嚟做嘢之後，冇問過屋企攞一分一毫，我覺得自己好努力得到呢啲嘢，實現自己夢想覺得好好。所以我真係好想喺呢個年齡用我嘅錢去買一架車，如果我等到50、60歲先買，已經唔係嗰個感覺，我年輕時擁有過，我對得住自己。」

事件發生後，193痛定思痛，將跑車賣掉，「我擁有過就已經好叻，但以後唔好咁招搖，招搖一次就夠。」可是，情緒仍受到衝擊，事業亦陷入低潮：「係有啲驚，有PTSD（創傷後壓力症候群），覺得好sad，好似全世界都喺到講，我覺得自己錯咗，但你改變唔到，只能夠認錯，每日都匿喺屋企，工作又取消晒，最重要係嗰種無力感，真係發生咗，你認一百次錯都改變唔到。」

193與主持人葉文輝

後來他親自填詞寫了一首歌《Keep Walking》作自我療癒，「我發覺我聽番自己嘅詞，個人都正面咗，有時會有人DM我，話我首歌啲歌詞鼓勵到佢，幫到人我覺得無憾。」

193剖白「跑車事件」後遺症。

193在訪問中主動提及，從小是新城廣播的忠實聽眾，童年時期經常於深夜躲在被窩偷聽啤梨主持的《卡拉O！BABE》，他憶述：「媽咪叫我瞓覺，我就喺床上偷偷哋聽。」他坦言當時已幻想終有一天都要打來點唱，但因性格害羞而未有實行。

對於入行初衷，193表示：「純粹覺得主持賺到錢……我覺得我有個外形，高高大大，我又會講英文，廣東話都OK，做一個正常嘅MC好似好合情合理。」未料參加《全民造星》後，人生走向完全不同。

驚爆患PTSD陷人生低潮！

今年是ERROR成軍七週年，193回應關於團隊關係的提問時坦言：「當然有爭執，尤其係初出道，大家四個唔同嘅個體，突然間要困埋一齊，係會有好大嘅分歧，所以初時成日嗌交。」但經過多年磨合，現在反而想見一輩子，「大家都知道你底線係咩，會互相遷就，好似情侶咁。」

詳細節目內容，請留意12月9日，下午6:00 – 7:00，新城知訊台《梨事會》節目，網址：
https://www.metroradio.com.hk/MetroInfo/