黃宗澤上節目大談歷年緋聞真假 自爆被傳有富豪包養

Bosco被傳緋聞傳到怕。

大灣區視帝黃宗澤近日曝光率極高，忙於四圍宣傳新戲《紮職3》。日前，他與周勵淇（Niki）到網上節目《絲打圍爐》做嘉賓，仲大談多個緋聞。

Bosco近日忙於宣傳新電影

黃宗澤（Bosco）與周勵淇（Niki）相識多年，二人首次合作為TVB劇集《天幕下的戀人》，Bosco被問到有否追求過Niki，Niki即否認，並指自己不是Bosco杯茶，二人更沒有傳過緋聞，所以能夠成為好朋友。

二人於2006年首次合作

節目中主持人娟姐抽出多個關於黃宗澤緋聞的問題，黃宗澤不諱嫌地逐個擊破，包括與蔡潔的緋聞，他馬上否認：「梗係冇啦！我同佢係好friend。」不過聽到與蔡一傑的緋聞，Bosco聽到拗晒頭，毫無頭緒二人有傳過緋聞。另一位主持人唐詩詠聽後即指，很多緋聞是無中生有，然後Bosco即自爆曾經有記者問他是否給富豪包養，他直言：「我心諗如果係就好啦！唔使咁辛苦，所以係假嘅，我都唔識佢。」

堅稱與蔡潔只是很好的朋友

Bosco更講到明自己是不婚族，對生小朋友更有少少抗拒，所以喜歡Bosco的女孩子要有心理準備。

講到明係不婚族

昨晚（12月24日）平安夜，旺角街頭迎來了一位「準視帝」入圍黃宗澤（Bosco），憑着《新聞女王2》嘴賤Kingston 一角，入圍《萬千星輝頒獎典禮2025》「最佳男主角」十強。Bosco現身旺角街頭拉票，吸引大批粉絲及途人聚集圍觀，場面熱烈；粉絲又紛紛高呼視帝，令Bosco笑言「好尷尬」，而好友戴祖儀更驚喜現身，一邊支持Bosco，一邊不忘為自己拉票，幽默稱是「謀朝篡位」。

黃宗澤現身旺角街頭拉票。

戴祖儀驚喜現身。

開心合照。

Bosco在平安夜特意抽空現身旺角，向市民及粉絲派發應援物品。他受訪時表示，感謝粉絲在節日仍陪伴支持，並特別提到近期劇集《新聞女王2》因播畢時間接近頒獎禮，加上角色「夠賤夠衰」，至今仍保持話題性。他衷心感激監製給予演出機會，以及同事在平安夜仍協助宣傳。

黃宗澤

被問到有否信心奪得「最佳男主角」，Bosco謙遜說：「未必係最有信心，實有幾個角色你係覺得好正嘅，希望佢攞，但攞唔到都冇辦法。」他透露自己心中的經典角色包括「跛Co」，並認為每位候選人機會均等，因觀眾投票難以預測，而自己的三票將投給林保怡、羅子溢及自己。

黃宗澤

對演繹反派角色，觀眾似乎感到新鮮服落，讓Bosco思考是否該朝「賤人」方向發展：「我都唔知如果真係憑呢個角色攞咗視帝，會唔會以後淨係做賤嘅角色。」現場派發的應援物中，一款印有Bosco「夠衰夠賤」表情的壓力球成為焦點。Bosco說：「創意來自fans，但表情是自己特意挑選。」Bosco不忘感謝無綫高層樂易玲，笑言早年獲獎時忘記公開感謝她，今次已準備好將她列為首個感謝對象。對於未來拉票計畫，他表示將繼續透過訪問及網上盡力宣傳。

黃宗澤