陳永馨攬日韓混血型男遊沙灘

馬來西亞歌手陳永馨（Melody）早前來港拍攝新歌《愛只為你寫》MV，與日韓混血型男拍攝時雞啄唔斷，拍攝期間攬着對方遊沙灘。

陳永馨攬着日韓混血型男拍攝新歌《愛只為你寫》MV。

Melody憑參加《中國好聲音》一炮而紅。她日前為第一首派台歌《愛只為你寫》來港拍攝MV。歌曲描述一個很單純、很簡單的愛情故事，導演以六十年代愛情故事為背景，找來日韓混血型男川崎真之介（Shinn）當MV男主角，分別於山頂公園、中環碼頭、赤柱沙灘取景。

陳永馨與日韓混血型男拍攝新歌MV。

陳永馨與日韓混血型男拍攝新歌MV。

二人雖是首次見面，甫見面便雞啄唔斷。Melody表示本來驚會尷尬：「點知一開始介紹時，就click到，哈哈。我哋乜都講，又講church，原來佢都係基督徒。」導演指二人「好鬼夾」，像識了十幾廿年一樣，好多時連想給他們指導都已經不需要，笑言「好似阻住佢哋咁」。

陳永馨及川崎真之介首次見面便雞啄唔斷，連導演都指二人「好鬼夾」。

雖然MV拍了十三個小時，但Melody依然精靈活潑，一點也不覺得辛苦，原因是因為Shinn：「導演要影我哋彈結他、唱歌，我哋好似jaming section，自己玩自己唱咁囉。同Shinn個chemistry好好，導演睇到呢個feeling都覺得好，就直接action拍咗，所以MV入面大家係好自然。」而眾多拍攝場景中，Melody坦言最愛山頂公園：「因為我好鍾意草嘅味道，覺得好清香，我鍾意大自然，好free，而且又有個靚仔喺我旁邊呢！」

陳永馨坦言最愛山頂公園，因為好鍾意草的味道。