Jeremy李駿傑破格演繹《Villain》MV 一改形象變身惡棍

Jeremy新歌鼓勵大眾以惡制惡面對逆景！

李駿傑（Jeremy）在最新作品《Villain》中一改形象，MV中以惡棍造型示人，而且更叫大家有樣學樣！究竟是怎樣的一回事？

李駿傑（Jeremy）推出新歌《Villain》。

在MV中，Jeremy一改形象變身惡棍。

新歌鼓勵大眾以惡制惡面對逆景。

Jeremy搞笑表演：「 我今日好壞呀！」

Jeremy以惡棍形象示人，原來用心良苦！Jeremy道：「今年推出嘅個人單曲《唯美本尊》同埋《TOXIC!》，都叫大家強壯自己嘅心靈，今次用上Villain惡棍嘅形象，係好想大家喺面對負面嘅事情嘅時候，會用惡棍嘅心態去面對：『你哋蝦蝦霸霸，我唔驚你哋㗎！』係咁樣去面對佢哋，令到自己開開心心，可以做到自己想做嘅嘢，然後enjoy自己生活，同時面對好多唔同嘅難題。」為了配合歌曲主題，Jeremy在MV中當然要化身一名惡棍！Jeremy搞笑介紹：「 我今日好壞呀！今次造型比以前再多啲唔同感覺，第一次用headband，又有唔多正經嘅西裝，仲有格仔恤衫，都係有別於自己以前MV造型，喺造型上係有新嘅挑戰，同埋唱法上都想再有少少壞感覺，希望有啦！」其實這個七彩繽紛的造型，十分配合即將舉行的《MATCHICAL LIVE 2024》演唱會，Jeremy亦率先透露：「《Villain》係會喺MATCHICAL呢個show首次獻唱，首歌咁colourful，同個show都好夾，相信到時會有唔同嘅色彩出到嚟，好期待到時唱俾大家聽。」

其中一幕是用上一部被煎皮拆骨的私家車。

曳仔Jeremy！

《Villain》會在MATCHICAL演唱會首次獻唱。

說回MV，今次其中一幕是用上一部被煎皮拆骨的私家車，Jeremy回憶道：「MV用上一部爛咗嘅車，又同dancers做mood shot一齊玩，呢件事好chill好搞笑，因為拍嘅時候唔知要喺架車度做啲乜，咁咪大家feel下啦，好似係咁喎，玩下啦 ，但出嚟效果好似係好壞嘅感覺。」

平時的Jeremy，總予人乖仔感覺，被問到日常生活中甚麼時候是最壞，Jeremy坦言：「我平時冇乜壞嘅moment，化妝之後最壞，因為要做嘅表演都好壞，所以化妝後係最壞嘅。」想見識曳仔Jeremy，就要loop多幾次《Villain》喇！

惡棍造型好爆呀！

TVB小花陳若思（Amber）近日在社交平台分享擔任婚禮姊妹的相片，意外曝光與人氣男團MIRROR成員李駿傑（Jeremy）同場。相中二人並排而立，手貼手合照，關係看似相當熟絡。

TVB小花陳若思（Amber）參加婚禮。

同MIRROR成員李駿傑（Jeremy）一齊做姊妹。

原來，這對「跨台組合」早有淵源。翻查資料，二人均畢業於明愛元朗陳震夏中學，年紀相約，被指大有可能是同學關係。這次Jeremy現身姊妹團，顯示兩人私交甚篤。

揭二人神秘關係。

陳若思於2020年參選港姐後加入TVB，近年參演《新聞女王》等劇。Jeremy則透過《全民造星》加入MIRROR。兩人雖分屬不同電視台，但難得的同框合照，仍引發網民熱議這場驚喜的「校友重逢」。

Jeremy與陳若思原來是中學校友。