胡楓出席佘媽飯局屈請食飯？與佘詩曼拍片互動笑唔停

娛圈事

胡楓出席佘媽飯局屈請食飯？與佘詩曼拍片互動笑唔停

2024年10月18日 20:00 最後更新：23:46

二人的互動好有愛～

49歲的視后佘詩曼是圈中出名的孝順女，與媽媽Lily自感情非常好，而佘媽亦與不少圈中人熟絡，並不時大宴親朋，近日她就設宴請老友食大餐，坐上客之一胡楓（修哥）就拍片分享到社交平台，但卻被佘詩曼公開屈請食飯？！

點擊看圖輯

佘詩曼與媽媽Lily自感情非常好。

佘媽與不少圈中人熟絡，並不時大宴親朋。

修哥分享出席佘媽飯局的影片。

影片截圖

修哥指茶粿是佘媽親手做！

影片截圖

修哥在「小紅書」分享出席佘媽飯局的影片，並留言：「今天好開心，總算見到我們的新聞女王-佘詩曼，阿佘的媽媽經常請我們大家一起吃飯，而且她做的飯我都非常喜歡吃。聽聞阿佘又要准備拍新劇喇！希望她可以過得越來越好啦！」

片中，修哥坐在佘詩曼旁邊說「今晚點解咁多人啊？就係阿佘媽請客啦......我相信找數嘅就梗係阿佘啦！」佘詩曼聞言即扮驚訝道：「乜唔係你請咩？」又裝作「走先」的模樣，修哥亦笑言：「嘩吓！我都未介紹你，你就開聲囉！我請冇所謂，最緊要佘詩曼開心㗎啫！」

之後，修哥問佘詩曼為何之前與佘媽聚會都不見她，佘詩曼笑言：「因為如果我平時唔去做嘢呢，佢就請唔到呢餐飯啦！因為要去搵錢！」修哥即指佘詩曼搵的都是「大茶飯」，佘詩曼否認，並反應極快地拿起一個茶粿表示：「係大茶粿啊！」

修哥再問佘詩曼正在忙什麼，佘詩曼就透露早前要到處飛出席活動、拍節目等，手上亦有劇本，但仍未開拍，而今個月就有時間陪媽媽。修哥又大讚佘詩曼套套劇收視都很高，佘詩曼即笑問：「你有冇睇㗎？」修哥說：「有！點會冇啊，《新聞女王》」，阿佘又笑說：「好彩你講得出！」語畢二人都忍不住大笑，修哥更指她是「鬼靈精」！

最後，修哥問佘詩曼平時會否經常打電話畀媽媽，佘詩曼直言：「梗係有啦！」但修哥複述一次：「梗係有呀？」阿佘笑住扮嬲說：「你覺得我講大話呀？」修哥即解釋：「唔係講大話，而係我覺得你幾孝順啊！唔係幾孝順，係好孝順！」二人的互動相當有趣！

往下看更多文章

TVB頒獎禮2025｜佘詩曼第四度榮登視后寶座感覺似發夢：真係好多謝大家嘅欣賞！

年度盛事《澳娛綜合呈獻：萬千星輝頒獎典禮2025》於周日晚（1月4日）假澳門上葡京綜合度假村—上葡京綜藝館隆重舉行，佘詩曼繼去年憑《新聞女王》「Man姐文慧心」一角成為三料視后後，今年再次憑《新聞女王2》奪得大灣區視后及最佳女主角，更打破自己紀錄，第四度榮登視后寶座！

佘詩曼直言好開心，好像在做夢一樣，亦好多謝大家支持她和《新聞女王》，「真係好多謝大家嘅欣賞！」提到今年表現仲激動過上年，她表示：「因為真係好難，每一次攞獎其實都係一件好難好難嘅事，因為有好多人一起角逐啦，其實個個人都係好比心機做、個個人都係付出咗好大嘅努力、個個都係捱更抵夜唔夠瞓、個個都日曬雨淋，咁點樣可以喺呢度攞一個獎？獎就得一個係唔係一個？咁所以其實每一次攞獎對我嚟講都係一件好值得鼓勵嘅事，同埋可以令到我更加有推動力去做好啲。」

提到出爐最佳女配角王敏奕特別感謝她，因為有她才會有「劉艷」這個角色，佘詩曼表示：「其實佢唔使多謝我，因為佢自己本身係一個好專業嘅演員，我記得《新聞1》嘅時候，佢係第一個俾我覺得佢第一日拍就已經係嗰個角色，咁所以我對佢嘅印象好深刻，同埋我亦都有同佢講過我好欣賞佢，因為佢係做足功課嚟嘅，咁所以佢係應得嘅。」她又大讚拍檔黃宗澤將「Kingston古肇華」這個角色演繹得淋漓盡致，得獎是實至名歸！

提到傳聞有指會開拍電影版，佘詩曼直言未收到消息，如果有好的劇本都會接拍。她希望之後可以可以拍一些不用化靚妝、著靚衫、set靚頭，而且要去高級地方的角色，希望可以做一些比較貼地或者是關於民心、反映社會現實的角色。

問到有沒有時間休息，佘詩曼笑言沒有，明天已經要拍攝拍廣告了，過年前都不會拍劇，因為想盡量抽時間陪媽媽，並透露媽媽現時身過狀況OK，會經常出街，而且心情都好好，新年計劃和媽媽去旅行。

提到曾志偉宣布卸任總經理一職，佘詩曼笑言他們平日經常會見，所以不會不捨得他，「見到佢唔使成日咁勞累，我哋都開心嘅，因為其實做高層好難㗎嘛，我哋要返工，又要有咁多重大嘅決策，其實我覺得壓力都會好大，所以我哋見到佢話退休啦，或者係返返去做佢嘅電影又好，我哋都覺得好好，支持佢。」佘詩曼又笑言自己和曾志偉一樣不喜歡早起，所以自己都做不了高層，而且日日要早起其實都是一個精神負擔和壓力！

你或有興趣的文章

胡楓出席佘媽飯局屈請食飯？與佘詩曼拍片互動笑唔停