劉家豪大讚旦哥演活了「佳叔」一角！
鄭丹瑞（旦哥）和盧慧敏（Amy）主演溫暖小品電影《得寵先生》上映第二周，好口碑不絕。昨日（12月7日）旦哥好友連炎輝包場，邀請資深電視劇監製劉家豪與太太梅小青、1986年合作主持《勁歌金曲》的盧敏儀，以及羅蘭、余慕蓮、吳麗珠、譚玉瑛、黃允財、李龍基、杜燕歌等老友記捧場。開場前旦哥親自招待並入場謝票，他坦言最開心邀請到前輩劉家豪入場，為自己初入行拍劇被嫌「戲屎」平反，果然散場後劉家豪大讚旦哥演活「佳叔」，令他折服。
點擊看圖輯
旦哥好友連炎輝包場。
劉家豪與太太梅小青、盧敏儀、羅蘭、余慕蓮、吳麗珠、譚玉瑛、黃允財、李龍基、杜燕歌等老友記捧場。
旦哥自言與劉家豪有段恩怨。
劉家豪為旦哥的演技大平反。
羅蘭姐為Amy打氣。
大合照
Amy與導演兼編劇李志偉參與由「香港盲人輔導會」舉辦「口述映像」場次。
Amy建議無論甚麼人仕都可以去感受口述映像。
大合照
旦哥好友連炎輝包場。
劉家豪與太太梅小青、盧敏儀、羅蘭、余慕蓮、吳麗珠、譚玉瑛、黃允財、李龍基、杜燕歌等老友記捧場。
旦哥到戲院謝票，他在台上說：「今日好多前輩嚟捧場，最開心見到劉家豪先生和小青姐（太太梅小青），我同家豪哥有段恩怨，所以特別點名邀請佢嚟睇戲。話說我入行喺『麗的電視』接到一個劇本《新大丈夫》，演林嘉華細佬。當時由劉家豪編導，我拍咗三集之後冇再接到劇本。劇組哋話我太高，『麗的』布景太矮，成日穿崩，我信咗！」旦哥追問後真相大白，他說：「佢哋話：『劉家豪話你啲戲屎呀！』呢件事擺咗喺度幾十年。」劉家豪在觀眾席上大叫「平反平反」。
旦哥自言與劉家豪有段恩怨。
劉家豪為旦哥大平反：「阿旦真係一個勵志故事，當年表現得唔好，但佢發奮圖強，天天向上，到《得寵先生》我折服，佢嘅演出令我嘆為觀止，完全唔係以前鄭丹瑞嘅演法，唔會覺得佢係鄭丹瑞，只覺得佢係『佳叔』。佢犧牲好多，佢對狗狗有敏感，我都經歷過，佢能夠跨越呢關去演『佳叔』，下咗唔少苦工，衷心祝福《得寵先生》大賣！」
劉家豪為旦哥的演技大平反。
而羅蘭姐拖住Amy打氣，問她：「成套戲真係好感人，好好睇。拍嗰陣辛唔辛苦呀？夏天喎！」Amy受寵若驚，說：「少少，但睇到拍出嚟成果就好值得，好善良嘅電影！」
羅蘭姐為Amy打氣。
大合照
此外，Amy昨日與導演兼編劇李志偉參與由「香港盲人輔導會」舉辦「口述映像」場次，她全程閉目，透過耳機聽專人口述，期間多次抹眼淚，事後坦言感官更敏感和細膩，更感動。她說：「我第一次欣賞口述映像，感覺好特別，雖然我眼嘅感官閂咗，但其他感官更敏感，電影配樂、所有好細微嘅聲音、演員嘅呼吸，作為觀眾係會有另一個層次，更豐富，好特別。因為合埋眼睛，只靠耳朵去聽、去感受，會更深刻，聽到更細微。而作為演員，我會聽到自己用聲、停頓位、節奏，係一個好特別嘅學習渠道。」
Amy與導演兼編劇李志偉參與由「香港盲人輔導會」舉辦「口述映像」場次。
初次感受口述映像，Amy坦言之前有不少疑問，「入場前戲院會派發一個單邊耳機和接收器，從耳機聽到專人旁述，另一邊冇戴耳機嘅耳仔就聽現場電影原聲。我會建議無論甚麼人仕都可以去感受口述映像。」她、李導和飾演外籍女婿的陳俊利完場謝票時，觀眾表示感謝電影公司製作《得寵先生》口述映像，讓更多人欣賞好電影，亦有觀眾表示劇情感人，尤其是與導盲犬一同生活的觀眾感受更深。
Amy建議無論甚麼人仕都可以去感受口述映像。
大合照
