有的哥在的士群組發文，抱怨早前在碩門邨幫同行執手尾的經歷，仲一度嬲到祝佢「今日鋪鋪29蚊」！
同行稱不懂去銀禧花園
樓主在facebook群組「的士司機資訊網Taxi」發文，指自己要幫相中的士「執手尾」。他表示，自己當時朝早駛經沙田碩門邨時，前方有的的士司機聲稱不懂去附近的銀禧花園，令乘客要改搭樓主的士。樓主心有不忿指，「仲要我幫你執手尾？你係唔係有病呀？你擺碩門邨預咗食雞腳㗎啦，祝你今日開工到收工鋪鋪29蚊呀」。
FB圖片
到銀禧花園路程約為3公里
由沙田碩門邨到銀禧花園路程約為3公里，車資約40多元。樓主指，當時見廣東道有客，「算順路就算」，未有和前車吵架，但不滿指「擺得沙田如果想出城就撳apps啦」。
示意圖
網民建議提醒乘客投訴
帖文一出就十分惹議，網民指「司機唔識我都開Google帶佢」、「當個客話帶路，就話要交更」、「有冇落車罵佢？」；更有留言建議樓主提醒乘客可以投訴前車司機疑拒載，樓主稱已提醒乘客，「叫咗，不過好多諗住唔想多事」。
示意圖
行家咁評論
亦有行家留言笑指，「碩門去火炭都雞腳？畀我直頭當雞髀咁食呀，快靚正4草嘢」、「唔識唔肯定冇乜信心咪開導航囉，我夠唔係路路識啦」，認為該司機「影衰個行業」，「你揀客咪去啲山頂呀，唔好去埋啲街坊位啦，借用唔識路咁就趕客落車，佢去迪士尼你佢會唔會識唔識去呀」。
示意圖
故意拒載可被扣10分
的士記分制已於今年9月22日實施，涵蓋11項與的士司機相關的行為，其中若的士司機拒載將被記10分，2年間被記滿15分首次可被停牌3個月，其後每次6個月，其中濫收車費、故意拒載、沒有採用最直接而切實可行的路綫駛往目的地可被扣10分。
網傳影片，3位大媽在收銀台前上演激烈爭住埋單的場面，手機付款碼準備就緒，個個爭住叫「我嚟！我嚟！」。其中一位看似搶先成功付款，但之後卻有反轉，有眼利的網民更看出當中玄機。
目擊者在社交平台發帖
樓主在社交平台Threads上傳短片並發帖，留言指「真係誇X張，完全目中無人，直接喺我面前表演MMA。我企喺後面好似以為我有防護罩咁，真係呆Ｘ咗」。
大媽搶付藥油錢超激烈：我嚟
影片可見，3位大媽在收銀台前「爭位」，搶住為藥油付款，「得得得得得得」、「唔好唔好唔好」、「我嚟我嚟我嚟」、「呢度呢度」此起彼落。
大媽搶付藥油超激烈：我嚟！當事人帖文截圖圖片
搶先掃碼以為贏晒
然而，看似先掃碼成功的大媽，其實只付了最靠近收銀員的那1盒藥油，其餘5盒較遠的藥油，反被後上的大媽成功搶付。
看似先掃碼成功的師奶，其實只付了最靠近收銀員的那1盒藥油。當事人帖文截圖圖片
她在片中向店員說「唔係唔係，你掃我吖嘛真係」、「後面5支俾我」，最後成為爭埋單的最大贏家。
最後成為爭埋單的最大贏家。當事人帖文截圖圖片
網民看穿：假爭俾錢
不少網民對這種「MMA式」爭付行為感到反感，覺得「阻住後面客人」、「好擾民」，更直言「咁想俾錢，不如叫佢連你份一齊俾晒啦」。
不過眼尖網民則看穿這是「假爭俾錢」，直呼「扮嘢扮到爛」、「假到爆」、「其實個個都不想俾」。有網民一針見血，「十幾二十蚊就爭得要死，幾百蚊就即刻縮」、「小錢爭住俾，大錢就無影」、「試下幾千蚊睇下仲爭唔爭，純粹演戲！」。
眼尖網民則看穿這是「假爭俾錢」，直呼「扮嘢扮到爛」。當事人帖文截圖圖片
小額消費上刻意表現人情味？
有人分析，可能心裡想着「可能兩個都唔想俾之後食飯嗰餐」，於是在小額消費上刻意表現人情味，大額時卻自動退縮。
網民抨擊：其實為咗面子
不少網民抨擊這種文化，「超討厭呢種爭俾錢文化，明明係假慷慨，其實為咗面子！」、「收起嗰啲無謂面子啦」、「撞到樓主咁多下，換成我即刻開口鬧佢哋」、「叫佢哋閃開一邊慢慢打啦，後面好多人排隊」、「我之前試過被5個師奶圍住爭俾錢，爭住買一把指甲鉗，我企定定等佢哋完事」。
