何沛珈： 「只要係角色需要都應該要去做！」
由王心慰（Amy姐）監製，戴德廣編審的《大灣區航空日本仙台航線呈獻：異空感應》，本星期一至五晚8時30分翡翠台播出結局篇。
點擊看圖輯
何沛珈劇中飾演陳家樂的助理。
農曆正月初六拍後巷棄屍戲。
雖然環境衛生欠佳，但何沛珈直言為配合角色需要並不介意。
死狀觸目驚心。
首拍動作戲意外撞到頭。
何沛珈唔怕曱甴老鼠喺正隔籬。
何沛珈話：「我覺得只要係角色需要都應該要去做，就算隔籬有曱甴老鼠我都唔會怕。」
何沛珈劇中飾演陳家樂的助理。
農曆正月初六拍後巷棄屍戲。
雖然連環殺手楊醫生（李頊珩飾）於第22集被燒死，但昨晚（25日）播出的第23集，竟再有新的連環殺手出現！劇情講述有兩名夜歸女子先後慘遭扑頭殺害，其中一名死者更是Dr. Fong（陳家樂飾）貼心助理Ada（何沛珈飾）。經警方及Dr. Fong連番調查，終鎖定疑兇為介乎25-35歲的的士司機，特徵則為身上的灰色外套。
雖然環境衛生欠佳，但何沛珈直言為配合角色需要並不介意。
死狀觸目驚心。
嚴寒當街凍水淋頭沖洗血漿 首拍動作戲意外撞到頭
昨晚何沛珈（Roxanne）飾演角色Ada死狀頗為觸目驚心，慘遭棄屍後巷兼整張臉都是血。Roxanne接受tvb.com訪問時，笑言除了化屍體妝花了不少時間，當街洗掉血漿的經歷亦令她十分難忘：「因為要黐大量道具血漿喺塊面度，所以拍完之後要喺條街度即刻洗番乾淨佢。嗰時雖然係冬天，條街又冇熱水，但我都照攞凍水洗走啲血漿先。」Roxanne透露這次亦是她第一次拍攝動作場面，並不小心意外撞到頭：「雖然武術指導有喺現場教我點做，可惜我蠢，第一take就撞到個頭，起咗層樓喺個頭度。（冇乜後遺症嘛？）係有少少Wing wing地，不過都好快冇事。監製Amy姐第二日仲特登打嚟問我有冇事，嚇親佢真係唔好意思。」
首拍動作戲意外撞到頭。
Roxanne補充謂，相關場口不但在凌晨時分拍攝，而且還是在農曆正月初六當日拍攝。這次其實亦是Roxanne首次身處後巷坑渠邊拍戲，雖然環境衛生欠佳，但Roxanne為配合角色需要並不介意：「雖然要瞓地下，個環境都幾污糟吓，但身為演員，我覺得只要係角色需要都應該要去做，就算隔籬有曱甴老鼠我都唔會怕。」Roxanne又笑言導演聯絡她演出時，一再向她強調Ada角色的死亡「重於泰山」：「冇你嘅死，又點會帶得出之後仲有新嘅連環殺手？你嘅死好重要。」問到有否留意「了解中」的阮浩棕的演出，Roxanne笑言：「佢做得好好，堅係好癲，不過呢排都冇見過佢，如果下次見到佢，要讚吓佢。」
何沛珈唔怕曱甴老鼠喺正隔籬。
何沛珈話：「我覺得只要係角色需要都應該要去做，就算隔籬有曱甴老鼠我都唔會怕。」
