成功轉行！
曾主持無綫資訊節目「全線大搜查」的何慕詩自2009年退出娛樂圈後，就完成咗華麗轉身，搖身一變成為專業性治療師，月入高達10萬港元！
早期曾為無綫電視主持
何慕詩畢業於美國波士頓大學傳播學院，主修電影與電視，在娛樂圈發展平平。她坦言，做公眾人物感到壓力，於是決定追尋另一條路。當時她對醫學深感興趣，睇好性治療行業發展潛力，決心到澳洲悉尼大學修讀「性健康輔導治療」碩士課程，最終成功打入性治療領域。
決心轉行做性治療師
何慕詩現時服務涵蓋性別認同、婚姻輔導同性心理健康等，專注透過談話療法同心理治療，幫助客人面對並解決問題。每次輔導每小時收費約1200至1500港元，每星期只開工3至4日，每日最多接待4組個案。
每星期開工3-4日，好多時間做運動
她亦曾遇過客戶提出「口手並用」的不當要求，甚至收過不雅照片同訊息，對此佢表示相當冒犯。
坦言曾被一些語言和不雅照冒犯
「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。
Christian推介西環一間燒味店，燒鵝做到皮脆肉嫩。
Christian幫手醃製燒鵝。
今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。
今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」
香港人由細食「斬料」到大，所以人人都可以是燒臘專家。
西環名物之一的燒鵝髀瀨粉。
吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」
該店的燒腩仔及叉燒同樣出色。
老闆吳先生直言能撐到現在，全靠身旁的賢內助。
