楊洛婷爸爸不敵病魔離逝 貼合照悼亡父：你永遠係我心中嘅英雄

楊洛婷丁父憂。

前港姐楊洛婷（Rabeea）爸爸因病於加拿大離世，今日（1月11日）於IG發文公布消息。

楊洛婷（Rabeea）爸爸不敵病魔離逝。

楊洛婷貼合照念亡父。

楊洛婷指爸爸永遠是她心中的英雄。

楊洛婷上載與亡父從小到大的合照，發文悼念：「今日，我想用一啲時間紀念我爸爸，佢真係我嘅偶像。佢堅持嘅力量同決心令我深刻明白到抗逆力同努力嘅重要性。

從我細個開始，我爸爸就教曉我乜嘢叫做賺錢養家。佢日日都努力工作，為我哋提供一切需要。佢嘅智慧就好似我生命中嘅指路明燈，總係鼓勵我去追求我嘅夢想，無論嗰啲夢想睇落幾咁冇可能。佢教導我明白信念、自信同追求目標團火幾重要，所以Tanya同Tristan嘅中間名係Faith（信念）同Hart（心）。佢留低嘅教誨永遠都會存在，提醒我哋要滿懷愛心同決心，繼續為我哋嘅夢想而奮鬥。

我爸爸有著令人難以置信嘅求生意志，勇敢面對每一個挑戰，仲激勵住周圍每一個人。我好感激佢能見證我大學畢業、婚禮同四個孫出世。25年前，因為佢開始健康唔好，我曾經以為佢冇機會同我哋見證呢啲時刻。我會永遠記住佢嘅教誨，珍惜我哋一齊嘅每一刻。



呢個世界上冇人可以比我爸爸更細心，佢嘅計劃同指導真係無人可比。佢為我哋日後生活精心撰寫嘅手寫天書，將會係我遵循嘅珍貴路線圖。我承諾會好好照顧媽咪，分享佢俾我哋嘅愛，守住個家，就好似佢所希望咁樣。

Daddy，你話你嘅遺憾係養大咗一個同你一樣堅強嘅女兒，乜都要靠自己，但其實我做你個女真係好驕傲，更加驕傲嘅係——你係我嘅爸爸。您永遠係我心中嘅英雄。我對您嘅思念真係無法用言語表達，但您嘅精神會永遠伴隨住我，喺我所做嘅一切中繼續存在。」

會永遠記住爸爸的教誨。

楊洛婷已飛返加拿大。

前港姐亞軍楊洛婷（Rabeea） 與樂隊 Dear Jane 主音黃天翱（Tim） 向來是圈中模範夫妻，2014年結婚後育有一對子女，一家四口幸福美滿，形象健康又討好。不過，最近卻有網民在 Threads 爆料，直斥二人「呃飲呃食」，更狠批為「乞兒夫妻」，即刻掀起網上熱議！

向來是圈中模範夫妻

形象健康又討好

該網民上載兩人合照，留言指他們愛「投訴換優惠」，更聲稱：「呃折頭！呃甜品！呃車飛！」甚至疑似還原餐廳爭拗情景，爆指黃天翱為了一碗 $18白飯跟侍應及經理理論，最後「成功免單」，因而被形容「當請乞衣食」。

有網民留言指他們愛「投訴換優惠」

爆指黃天翱為了一碗 $18白飯跟侍應及經理理論

此PO掀網上熱烈討論

事件曝光後，有網民留言狂踩二人，亦有人力撐楊洛婷，讚她一直專業敬業、性格nice，認為事件只是「誤會一場」。

面對外界熱議，楊洛婷接受傳媒訪問時就大方回應，指自己未有深究，強調：「其他人寫咩都無所謂，我一切從心出發，朋友同合作多年的同事都知道我為人如何。」語氣相當淡定，似乎無意再將風波放大。