不少港人去日本玩都喜歡自駕遊，但人生路不熟，在外地開車就更加要小心。日前有名港女在北海道自駕遊時不慎撞車，幸好無人傷，但港女稱對方竟在「咩事都冇刮痕都冇」的情況下仍報警處理，令她相當不滿，這番言論引來網民怒批。
很多港人喜歡到北海道自駕遊。 Unsplash 圖片
指如香港發生「無咩事大家各自走先」
點擊看圖輯
很多港人喜歡到北海道自駕遊。 Unsplash 圖片
該名港女在社交平台發佈限時動態，指自己在日本自駕遊時「唔小心跣呔（胎）」而撞到前面的車輛，而被撞的車主相信是當地人。她不滿地表示竟在「咩事都冇刮痕都冇」的情況下，對方仍報警處理「真係古板守規矩」，又指如意外發生在香港，「無咩事大家各自走先」。
網上圖片
雪地開車以致跣胎發生意外
從相片所見當地冰天雪地，意外有可能因為在雪地開車以致跣胎而發生。
示意圖。設計圖片
網批：慣咗喺香港hit&run
雖然港女只是發佈限時動態，但卻被網民瘋狂截圖鬧爆，其中不少人都批評事主自己先最離譜嗰個「影衰香港人」、「OnXX，撞X咗點會咩事都冇」、「慣咗喺香港hit&run，冇撞到散晒等如冇事？」、「家醜不出外傳，手車X喺外國撞車再po上網應該得香港人做得出」、「報警備案都有問題？人哋就係見你外國人更加怕咗你」、「無文化，自己對落人地車尾，仲好意思聲大夾惡」、「唔報警租車會冇保險，條女租車時有冇聽書？」、「女司機+香港人，你有咩期望？」
示意圖。《家有喜事2020》劇照
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
