「TVB御用有錢佬」黃子雄再簽無綫 解決膊頭傷患困擾重出江湖

黃子雄期待接拍更多劇集！

經常被形容為「TVB御用有錢佬」的演員黃子雄 ( Geoff )，近日重投TVB成為旗下藝人，銳意繼續拍攝不同的劇集，不擔心繼續演有錢佬角色，最重要是發揮演技，為觀眾帶來歡樂。Geoff入行多年，在《愛‧回家》中飾演「查生」查嘉澤角色最為深入民心，近日他再次復出，已經拍攝《OPM》及《虛擬情人》兩劇準備出街，不少觀眾都非常期待，不過Geoff偏偏不慎受傷。

黃子雄重投TVB。

黃子雄經常被形容為「TVB御用有錢佬」。

兩劇準備出街。

Geoff接受訪問時表示，一直熱愛運動的他曾經拉斷膊頭位置的棘上肌，當時未有接受手術，打算自然康復，沒想到近年做運動時右膊頻繁整傷，「年輕大就真係唔可以由佢自然好，膊頭痛足兩個星期，朋友介紹我去LIGHTMAC Wellness綜合痛症治療中心，佢哋用科學數據幫我分析情況，發現原來右邊膊頭發炎情況都幾嚴重。」為免痛楚患症將來影響拍攝工作，Geoff乖乖接受10次療程，包括用衝擊波消炎、干擾波放鬆肌肉等，膊頭痛的情況已經有明顯改善，「LIGHTMAC Wellness 嘅整骨唔係亂嚟，脊醫真的逐節脊椎檢查是否移位，非常科學化而且專業可靠。而家我健身當然都會就住啦，不過起碼我知道下次再痛，我就識得搵佢哋幫手！」Geoff透露現時身體痛症已經解決，期待接拍更多劇集，跟電視觀眾再次見面。

黃子雄解決膊頭傷患困擾。

重出江湖！

黃子雄膊頭痛足兩個星期，在朋友介紹下去LIGHTMAC Wellness綜合痛症治療中心治療。

「廚壇魔術師」楊尚友（Christian）主持飲食資訊節目《東方表行 Take Your Time 呈獻︰老友記》，今晚（19日）九點半TVB Plus（82台）播映最後一集。

Christian推介西環一間燒味店，燒鵝做到皮脆肉嫩。

Christian幫手醃製燒鵝。

今晚（19日）楊尚友（Christian）繼續在西環覓食，推介一間燒味店，該店憑一碗燒鵝髀瀨粉賣到街知巷聞，更連續多年成為米芝蓮必比登推介店。Christian認為「斬料」是香港一樣很重要的食物，可謂「由細食到大」，所以每一位香港人都是燒味專家。

今集介紹的燒味店可以分成兩個階段︰老店跟新店，老闆吳先生在舊舖接手姨丈的燒臘店時，燒味是靠別人供貨，直到搬到現在的新舖，他才扚起心肝炮製自家出品，他解釋說︰「因為焗住要自己做，嗰時連燒爐要用咩溫度先燒得最靚都唔知，咪慢慢燒日日試囉，試唔啱就掉。燒腩仔都係呢幾年先爆得靚，之前都唔識點爆。因為我真係無師傅，亦無人問只有上網睇。」

香港人由細食「斬料」到大，所以人人都可以是燒臘專家。

西環名物之一的燒鵝髀瀨粉。

吳先生想起當初開店，以為只是手板眼見功夫，每日傻到去別人店偷師學斬料，到正式埋砧板才知難，他笑說︰「開頭真係好慘，做到頂唔順走返去揸的士，老婆惟有請師傅頂我個位。初頭睇姨丈做真係以為好易，心諗佢攞啲貨返嚟斬都咁多客，實無問題啦。」事與願違舊客見換了老闆便調頭走，吳先生無奈說︰「直情30蚊嘅機會（幫襯）都唔畀我，一路做到無晒意氣，瞓唔到又喊，嗰時先知真係咁難。」好在吳先生有一位賢內助堅持及撐下去，兩夫妻努力下成功殺出血路，有了現時的光景，吳先生自豪說︰「以前姨丈啲客到而家只佔二成左右，其餘都係自己儲返嚟嘅新客。」

該店的燒腩仔及叉燒同樣出色。

老闆吳先生直言能撐到現在，全靠身旁的賢內助。