音樂會經典情歌融化樂迷 「華納三寶」張天賦陳蕾洪嘉豪同台成焦點

網上不少樂迷「猜測」歌單，華納三寶同台呼聲最令人期待！

華納唱片動員12個歌手樂隊單位參與《Katch Our Life WARNER! GO!》將於2月15日舉行，Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders 施展渾身解數，勢要炸裂亞博舞台！而網上不少樂迷「猜測」歌單，華納三寶同台呼聲最令人期待。

MC張天賦

陳蕾

洪嘉豪

雖然音樂會餘下個多月時間，但期間橫誇農曆新年，眾人「度期」綵排甚有難度，洪嘉豪笑言新春期間將聯同華納仝人「洗劫」Dear Jane 主音Tim及低音吉他Jackal : 「因為結咗婚嘅同事唔係好多個，仲要阿Jackal哥新婚，一定要比佢感受『派利是』嗰種喜悅」

與洪嘉豪老友鬼鬼嘅陳蕾就話想「閉關」，練歌之餘亦為來年搵靈感：「因為過去一年都好忙，冇咩時間可以喺屋企靜吓，可以把握機會喺屋企寫歌找數，又可以靜吓諗吓未來嘅方向！今次呢個騷好多Medley要唱，記極多嘅歌詞之餘，仲要好多舞台嘅走位，隨時難度高過自己嘅演唱會。」

Dear Jane

Gareth.T湯令山

Kiri T

早前眾人齊集公司玩遊戲，要畫出歌手心中嘅型像，洪嘉豪抽中畫師妹moon tang，他笑言「三秒鐘」畫完，事關對方「太細粒」輕易完成！Gigi張蔓姿就將陳蕾變成「士多啤梨」眼，仲話對方台上永遠都係發光。眾人畫功都好「獨特」，唯獨Nice@Dear Jane畫Zpecial成員煒賢最神似，將對方肌肉表露無遺！

Gigi張蔓姿

Gordon Flanders

Lewsz

MC張天賦就話為咗呢個騷唔敢鬆懈，揚言戒油過農曆新年：「因為平時過年好多油炸嘢食，但係呢個騷同新年太近，我怕食太多會影響聲帶，所以今年就『清清地』過年。（呢次騷最特別邊部份？）自己個部分梗係唔講啦，聽聞所有女歌手會跳舞，Dear Jane 同Zpecial仲會Cross Over！（三寶同台？）大家幻想吓啦，到時咪知囉。」

Dear Jane主音Tim就話同班兄弟「日日見」，過年期間想「抖一抖」：「其實除咗Dear Jane啲成員之外，其他歌手同事都因為School Tour日日見，所以過年不如陪吓老婆同仔女啦！今次呢個騷好多新嘅『組合』出現，到底邊個會夾邊個都仲未知，不過我地Dear Jane夾咩人都得，到時有音樂自然好High！」

moon tang

Zpecial

Nancy Kwai歸綽嶢

VISA x MTR present《KATCH OUR LIFE WARNER! GO!》
日期：2025年2月15日（星期六）
時間：晚上8時15分
地點：亞洲國際博覽館 Arena
演出單位：Dear Jane、陳蕾、洪嘉豪、MC張天賦、Gareth.T湯令山、Gigi張蔓姿、Kiri T、moon tang、Zpecial、Lewsz、Nancy Kwai歸綽嶢、Gordon Flanders

【獨家優先換領日期及時間】PayKool Visa Platinum卡 12月23日早上10時
【公開換領日期及時間】Katch Plus 會員 12月23日下午2時 | Katch 會員 12月23日下午6時
【換領平台】只限Katch網站( https://online-ticketing.katch.com.hk/kol/warnergo ) *KatchApp將不開放換領
【換領詳情】
1.⁠ ⁠以12,500會籍Katch Point(價值HK$1,250)換領 — ZONE A/B門票乙張 (門票位置隨機，已包括HK$70票務手續費)
2.⁠ ⁠以9,500會籍Katch Point(價值HK$950)換領 — ZONE C/D 門票乙張 (門票位置隨機，已包括HK$70票務手續費)
【換領數量】每位會員最多換領8張門票
【換領成功後】門票於活動舉辦前大約一星期前，以順豐到付寄到換領時填寫的順豐編號（只限香港順豐站或順豐智能櫃）

商業電台主辦《PURDORI呈獻2025年度叱咤樂壇流行榜頒獎典禮》，將於2026年1月1日晚上7時假亞洲國際博覽館ARENA盛大舉行。為配合今年主題「難先要你做」，叱咤903DJ聯同一眾歌手走訪不同中學，進行一連四場《PURDORI呈獻2025年度叱咤樂壇流行榜頒獎典禮》 之「難先要你做」校園巡演。歌手聯同中學生合力完成各項「百人挑戰」，在艱巨的過程之中， 以無比的堅持與決心，不斷突破及挑戰自己，實踐「難先要你做」的精神!

叱咤903Woody聯同洪嘉豪日前走訪林大輝中學，進行商業電台主辦《PURDORI呈獻 2025年度叱咤樂壇流行榜頒獎典禮》之「難先要你做」校園巡演第三站。

洪嘉豪化身「難題諮詢師」為同學解答難題，分享其歌手路上所遇到的挑戰，向學生分享如何透過努力提升自己，跨越不同的難關。

叱咤903 Woody聯同洪嘉豪日前走訪林大輝中學，進行《PURDORI呈獻2025年度叱咤樂壇流行榜頒獎典禮》之「難先要你做」校園巡演第三站，重頭戲是洪嘉豪領軍「百人挑戰」之「百腳 傳球」—— 洪嘉豪與99位學生在草地球場上，合共100人挑戰來回傳接足球，並由洪嘉豪負責射門。在挑戰過程中，99位學生分成左右兩列，洪嘉豪從中間展開傳球，眾人默契十足，全神貫注地配合傳球。當洪嘉豪射入終極一球，全場爆發出熱烈掌聲與歡呼聲，盡顯團隊合作與堅持不懈的精神。洪嘉豪笑指終於明白今年叱咤主題「難先要你做」的真正意思:「最『難』係要記住傳波傳到邊個同學仔，有啲同學仲要整蠱我，做假動作扮傳波，扮交又唔交!」

洪嘉豪現場獻唱《下世愛你》時，學生們高舉特別為嘉豪準備的應援大字報，場面熱烈。

洪嘉豪、Woody與林大輝中學全場師生大合照，並一同大叫今年叱咤口號「難先要你做」。

在「難題咨詢室」環節，同學們向洪嘉豪親自發問難題，其中一題問及洪嘉豪如何渡過「空白期」， 洪嘉豪坦言:「緊係練吓歌、寫吓歌，增值吓自己，我係樂壇上將勤補拙嘅歌手。其餘時間我主要會畀自己放鬆，例如去打機、踢波等，唔做同事業有關嘅事。」隨後，洪嘉豪亦向在場逾200位學生獻唱歌曲《下世愛你》，學生們高舉應援大字報，場面熱烈。洪嘉豪深深感受到同學們的 熱情:「呢度嘅同學仔係我去咁多學校活動入面最熱情。因為我喺學校門口落車，都未行到入去學校，已經聽到好瘋狂嘅尖叫聲。」

嘉豪與Woody在林大輝中學草地場準備「百人挑戰」之「百腳傳球」。

洪嘉豪領軍「百人挑戰」之「百腳傳球」前進行熱身。

洪嘉豪亦分享其歌手路上所遇到的挑戰，勉勵同學如何調整心態面對難關:「我係超級理性嘅天蠍座，所以面對覺得『難』嘅事，我會追溯原因。你要問自己考試壓力係來自咩?可能係升學、 屋企人嘅期望、同學之間嘅比較、對前路迷惘等，當你搵到答案嘅時候就可以減輕壓力喇!」他 亦以自身經驗為例續說:「其實我面對大型表演仍然會好緊張。例如年頭叱咤頒獎禮係冇綵排，而且全香港人喺電視機前面睇住。我嘅做法係喺腦海預演一次上台嘅情景，幻想觀眾反應，令自 己有心理準備，同樣做法都可以應用喺令你覺得緊張嘅場景。」

洪嘉豪領軍「百人挑戰」之「百腳傳球」—— 與99位同學在草地場上挑戰100人來回傳接足球，並由洪嘉豪射入終極一球。

有關商業電台主辦《PURDORI呈獻2025年度叱咤樂壇流行榜頒獎典禮》之詳情，敬請密切留 意叱咤903電台宣傳廣播、商業電台網站www.881903.com、my903.com、「my903.com 商業電 台」Facebook 及「cr881903」Instagram之最新消息。

洪嘉豪、Woody與林大輝中學99位同學成功挑戰「百腳傳球」，發揮叱咤主題「難先要你做」的精神！