英皇團拜｜歐陽震華加盟半年感刺激 泳兒領軍當大師姐祝酒

楊受成率領英皇藝人團拜！

英皇娛樂昨晚（2月6日）舉行新春團拜晚宴，集團主席楊受成博士率領旗下藝人包括：泳兒（Vincy）、歐陽震華、女團VIVA、周家怡、溫碧霞（Irene）、陳國邦、楊天宇（Angus）、曾傲棐（Arvin）、艾妮（Elly）、洪助昇（Aiden）、黎展峯（Andy）、黃明德（Dark）、阮雅（Bonnie）、海兒（Hedy）、黎峻（Kenneth）及朱天（Justin）出席，加上霍汶希（Mani）助陣，星光熠熠。

英皇娛樂舉行新春團拜晚宴。

英皇眾同門藝人難得相聚，大家都把握機會合照，去年由英皇電影開拍的《破．地獄》大收一億六千多萬，成香港史上最強電影，老闆楊博士眼光獨到，更即場舉行抽獎環節，氣氛熱鬧。

集團主席楊受成博士

而去年簽約英皇娛樂的歐陽震華，首次參加公司的新春團拜，他說：「好開心，因為我好多年冇參與類似嘅活動，以前喺TVB好似冇呢個環節，團拜就有，但一齊食飯就冇。」歐陽震華指最興奮的是入了新公司後，做了一些他從沒做過的事，「第一年入公司，舊年六月開始到而家過咗半年，我覺得呢半年好刺激，刺激嘅係我做咗啲以前咁多年都冇做過、或者冇人搵我做過、甚至係自己冇諗過我會做到嘅事。」

大合照

歐陽震華口中所說的，是參與了內地歌唱節目 《聲生不息》 ，「初初我都覺得好似唔係好關我事，呢個節目唱歌嘅個個都係樂壇天花板，但公司話關我事，因為嗰一集係講港劇主題曲，所以好適合我呢個身份上去，因為我實在拍太多港劇啦！」他坦然當時十分緊張，「我怕失禮公司、失禮香港演員。一唱完我問公司同事有冇走音，佢哋話冇，我唱歌冇乜嘢技巧，只係真心演繹一首歌俾觀眾聽。」至於蛇年願望，歐陽震華說：「希望大家都身體健康，日日都開開心心，最重要係冇疾病、冇戰爭。」

歐陽震華參與了內地歌唱節目 《聲生不息》 。

而今次領軍當起大師姐的Vincy則說：「我今年比較主動，即刻衝出去派利是，同埋我屬狗，今年行運！哈哈。」日前推出新歌《無糖可樂》的Vincy，在團拜晚宴上全程用「無糖可樂」祝酒，趁機宣傳新歌，非常醒目。

Vincy日前推出新歌《無糖可樂》。

《萬千星輝頒獎典禮2025》即將舉行，各獎項競爭已進入白熱化階段。憑藉在台慶劇《新聞女王2》中飾演「嘴賤」Kingston深入人心的黃宗澤（Bosco），順利躋身「最佳男主角」十強，成為本屆視帝大熱之一。

《萬千星輝頒獎典禮2025》視帝之爭激烈，憑《新聞女王2》中「嘴賤Kingston」一角成為大熱的黃宗澤（Bosco），獲一眾圈中好友拍片終極力撐。

繼早前親身現身旺角街頭零距離拉票後，Bosco的一眾圈中好友近日亦紛紛拍片，為他作「終極力撐」。其中，好友歐陽震華的「另類稱讚」最為搶fo，Bobby與Bosco於2006年曾合作劇集《賭場風雲》，劇中兩人飾演兩兄弟，感情要好，對於Bosco從未攞過視帝十分驚訝，誓要出力撐「細佬」封視帝。

他在片中笑著狠批Bosco在劇中的演出：「卑鄙無恥、下流賤格，加上俊朗嘅外表，簡直就係『衣冠禽獸』！」語出驚人後，他隨即大笑補充：「係真心讚㗎！證明佢做得夠好，個角色先咁入骨！」一番「以罵代誇」的幽默力挺，盡顯兩人老友鬼鬼的深厚情誼。

胡定欣、鍾嘉欣、吳啟華及苗僑偉等亦紛紛表態支持。

吳啟華

而苗僑偉則點出其角色成功關鍵在於「把口夠賤」，將「賤」與「帥」完美融合。

同樣出鏡力撐的胡定欣則笑著直言選擇毫無懸念：「有得揀咩？梗係Bosco啦！」而久未與Bosco合作的鍾嘉欣亦隔空表態，不僅表示一定投Bosco，更力撐道：「我覺得視帝佢應該一早攞啦！」言辭間充滿對好友演技的絕對肯定。

此外，吳啟華簡單直接以「梗係我好兄弟Bosco啦」表達支持；而前輩苗僑偉（三哥） 則從角色角度分析，指Bosco理所當然是視帝大熱：「當然係大熱！《新聞女王2》Kingston，排隊都應該排到佢啦，因為佢把口夠賤！」精準點出「嘴賤Kingston」一角之所以成功俘獲觀眾，正在於黃宗澤將角色的「賤」與「帥」完美融合，塑造出令人又愛又恨的獨特魅力。究竟這位獲全城好友力撐的「衣冠禽獸」，能否最終奪得「最佳男主角」殊榮？未投票的觀眾記得把握在12月28日晚上11時59分前投票，結果將在1月4日頒獎典禮之夜揭曉。

鍾嘉欣更直言：「視帝佢應該一早攞啦！」

歐陽震華（Bobby）的「另類稱讚」最為搶fo，他笑指Bosco在劇中：「卑鄙無恥、下流賤格，加上俊朗嘅外表，簡直就係『衣冠禽獸』！」