姚子羚自爆經常被催婚壓力爆煲嬲到拍枱。
無綫推出全新辯論形式綜藝節目《今晚乜都拗》，由出名轉數快的森美擔任主持，並邀請一眾牙尖嘴利兼富有邏輯思維的藝人、包括林盛斌、商天娥、蕭正楠、吳若希、陳敏之、陳曉華、麥玲玲、戴祖儀、陳懿德及胡蓓蔚等組成「包拗團」，就每集的貼地「拗題」進行正反討論，之後再由40位來自不同界別的觀眾／專業人士組成「包拗谷友」，選出最終支持正反哪一方。
點擊看圖輯
姚子羚講到手舞足蹈。
但佢同孔德賢個VS好似好斯文咁。
到底支支同豹嫂邊個講真話、邊個講大話呢？
梁競徽講講吓仲激動到企起身添。
第二集氣氛勁熱鬧。
糖妹用自身經歷去引證唔畀家用嘅人都可以好孝順。留意番，現場大家係Jot晒notes咁去辯論，好認真。
孔德賢對住鄭衍峰完全唔留手。
曾展望到底講咗啲咩令森美咁欣賞？
呢一集啲「包拗谷友」都好搞笑同好Informative。
陳曉華都幾直腸直肚，仲好真情流露添。
蕭正楠使唔使咁冧呀。
位位嘉賓都好牙尖嘴利。
到底係咩搞到敏之同陸浩明要講啲咁嘅嘢。
玲玲師傅同阿Bob針鋒相對。
姚子羚講到手舞足蹈。
但佢同孔德賢個VS好似好斯文咁。
到底支支同豹嫂邊個講真話、邊個講大話呢？
梁競徽講講吓仲激動到企起身添。
第二集氣氛勁熱鬧。
《今晚乜都拗》頭兩集嘉賓分別為姚子羚、胡蓓蔚、支嚳儀、孔德賢、梁競徽及王梓軒、陳敏之、糖妹、朱凱婷、孔德賢、鄭衍峰及曾展望，兩組藝人分別就「今時今日，男人定女人壓力大啲？」及「出嚟做嘢，唔畀家用算唔算唔孝順」兩大議題進行激烈辯論，站在認同女人壓力較大一方的姚子羚，搞笑地以自身「慘痛」經歷做論據，相當爆笑，子羚七情上面地說：「未結婚有未結婚嘅壓力大，成日畀人問我幾時結婚？！幾大壓力呀！」子羚又指自己不斷被標籤「剩女」、「中女」甚至「大嬸」，說時還忍不住激動拍枱，真情流露。至於全程嘴gel gel、有理冇理乜都要賴落老公單立文度的胡蓓蔚，則大爆支嚳儀一度壓力大至找她喝酒：「佢搵我出去飲酒，飲到唔知幾時呀！」支支聞言即反對謂：「你約我架」，並笑言可拿出電話紀錄做證！
糖妹用自身經歷去引證唔畀家用嘅人都可以好孝順。留意番，現場大家係Jot晒notes咁去辯論，好認真。
孔德賢對住鄭衍峰完全唔留手。
曾展望到底講咗啲咩令森美咁欣賞？
呢一集啲「包拗谷友」都好搞笑同好Informative。
第二集的「家用」主題惹來更激烈辯論，同為後生仔的孔德賢及鄭衍峰更一度進入對質狀態！認為唔畀家用唔算唔孝順的鄭衍峰，指由於做藝人使費大，故此頭五、六年入行時一直沒能給父母家用，並忍不住大嘆：「我真係畀唔到！」孔德賢聞言先拋出一句：「吓？100/200都畀唔到？」之後再追加一句：「你好多錢架喎！」至於曾展望則成功憑一句說話突破盲腸，獲出名要求高的森美大哥瘋狂直豎姆指大讚，到底曾展望說了甚麼？第二集就連「包拗谷友」的言論亦相當精彩，有從事會計師的谷友認為，培養給父母家用習慣有助訓練子女理財，更有谷友大拋書包解釋何為真正的「24孝」，花生指數與資訊性兼備。
陳曉華都幾直腸直肚，仲好真情流露添。
蕭正楠使唔使咁冧呀。
另無綫官方社交網亦播出了《今晚乜都拗》精華宣傳片，雖然只有短短兩分鐘，但已經妙語連珠，除了有連森美大哥都驚艷、由陳敏之說出口的「子宮唔等人」，還有陳曉華真情流露大談擇偶條件：「我唔開心，咁呢餐飯會留下一個好差嘅印象，就算嗰個男仔畀幾多錢我，我都唔鍾意佢！」蕭正楠則再度拋直球晒愛妻面：「單獨同女性出街食飯？唔係佢唔畀，而係我唔想！」引來全場掌聲，麥美恩更露出一副超級陶醉樣；另外同樣口齒伶俐的玲玲師傅與林盛斌（Bob）亦會針鋒相對，玲玲師傅直指阿Bob是出軌樣，想知被逗得樂開懷的Bob會如何反擊？密切留意全新節目《今晚乜都拗》。
位位嘉賓都好牙尖嘴利。
到底係咩搞到敏之同陸浩明要講啲咁嘅嘢。
玲玲師傅同阿Bob針鋒相對。
