陳凱琳自認慈母 爆鄭嘉穎教仔做家務賺零用錢

Grace透露嘉穎育兒方面比她嚴肅。

藝人陳凱琳（Grace）與媽咪劉惠嫺（Connie）結伴到新城接受李有毅和兒子李國煒主持的《Ben同Benson Chur到行》訪問，Grace作為三個兒子的媽咪，同時又是藝人和KOL，而老公鄭嘉穎的演藝工作亦十分繁忙，對於如何分工照顧兒子？Grace透露嘉穎育兒方面比她嚴肅，自己則是慈母。

陳凱琳（Grace）與媽媽接受新城《Ben同Benson Chur到行》訪問。

Grace表示：「佢（老公）都唔想做衰人嘅，但做媽咪永遠都係慈母，所以佢就變咗呢個角色，不過我哋都有個共識，有啲嘢唔可以太鬆，例如過馬路一定要拖住，我哋就會較嚴肅去教小朋友，因為關乎危險，我哋就會統一啲。」Connie則大爆三個孫仔精力旺盛，但性格大相逕庭，「大孫仔好活潑，佢見到乜就會聯想到第二樣嘢，個人好有公義；二孫仔好鍾意砌puzzle，佢上嚟我屋企會坐埋一邊自己砌；最細嘅孫仔成日周圍走，又要搵我隻貓，又鍾意淋花，好活躍。」

訪問期間，Grace反客為主訪問媽咪：「你覺得你做咗婆婆之後，會唔會比照顧我時縱容咗呢？我見到有少少，但可能係我偏見！」Connie直言自己不敢縱容，她說：「因為我好想同你同嘉穎嘅步伐差唔多一致，盡力去適應你哋家庭嘅家規同教訓，小朋友咳唔畀食甜嘢，我真係唔畀，我好合作。」Connie補充：「我唔想去混亂你哋嘅思維，同埋你哋點會去害自己小朋友，一定係畀最好，一定有原因先咁做，咁我唔使明白，我去配合就好。」

陳媽媽盼與女兒女婿步伐一致！

Grace指自己非常樂意成為一位母親，但最重要調整好時間，盡量每件事都做好，嘉穎亦經常提醒她，「佢話做人唔可以咁貪心乜都做晒，反而一樣一樣做先可以做滿分。我老公價值觀方面非常好，從小就畀啲仔知道錢唔係必然，係要賺返嚟，喺屋企我哋會比啲家務佢哋做，例如執碗或揼吓骨，畀一兩蚊佢哋，唔係攤大手板就會有錢。」

Grace自認是慈母。

Grace亦希望家中3位公子將來可以互相幫助，兄弟情永不變，「佢哋打交係必然，但打還打，希望佢哋會愛惜對方，將來哥哥或細佬需要幫忙，都要盡量去幫，因為佢係你嘅家人，呢個愛係無可取替。」

節目到尾聲，Grace送上一首《Dancing Queen》給媽咪，而Connie則送《Amazing Grace》給愛女，她稱：「佢出世時又奀又瘦，只得4磅幾，住暖氣箱住咗三個月，我記得護士抱佢出嚟時，佢塊臉發光，我覺得好graceful，即刻加咗英文名叫Grace，所以佢嘅出生係好amazing。」

Grace希望家中3位公子兄弟情永不變。

詳細節目內容，請留意3月1日，晚上11時 – 凌晨1時，知訊台《Ben同Benson Chur到行》，網址：https://www.metroradio.com.hk/MetroInfo/

已有一段時間沒推出新歌的陳松伶（松松），今早接受新城知訊台程凱欣、麥卓華主持《原來生活好快樂》節目訪問，分享首日派台的最新歌曲《松伶》。

陳松伶接受新城《原來生活好快樂》訪問。

《松伶》張與辰作曲、陳少琪填詞
松松透露新歌的內容是以她的歷練為主題，形容是嘔心瀝血之作。歌曲由張與辰作曲、陳少琪填詞。她與少琪原來是北京的鄰居，二人相當熟絡。她笑說：「我跟少琪說了一些他不知的故事，傾電話傾了兩小時，講到我都不能再講了，怕再講下去會有情緒。結果掛線後，我又再發了廿條語音訊息給他。他寫歌詞後自己都眼濕濕，因為寫的除了是我的故事，很多人聽到都能代入。每個人的人生都會有跌宕，但其實有好多隻手撐住你，放棄只是自己抉擇，這首歌提醒大家要找回生命的力量。」

左起：麥卓華、陳松伶、程凱欣

觸動心靈的其中一句歌詞「人未長高已經看懂人生」
主持人問松松人生的最低潮，她笑言不能公開，要「飲了酒私下講」才可以。但她覺得最觸動心靈的其中一句歌詞就是「人未長高已經看懂人生」。 被問到錄音時有沒有情緒上湧？松松哈哈大笑說：「我都是一個經驗豐富的老演員，知道錄音室每小時都計錢，為了自己不要出事，都有努力控制住。而且錄音前，我已將隻歌融化了，最初一看到歌詞就喊，聽十次、廿次、三十次都喊，足足一個月，到喊完時，一個理性的我就走入錄音室，但都錄了三天。」

陳松伶新歌《松伶》首日派台。

「魔鬼老公」令她由70公斤變56公斤
松松最近返港錄音，會留三、四個月，但她跟老公都有默契，兩星期要見一次，平時亦保持視像通話。提到狀態越來越Fit，她笑言因為有位「魔鬼老公」，每天都會叫她去健身房。他們不吃早餐，只飲咖啡，在個多小時後才吃蛋及牛肉、澱粉，並多吃藜麥、小米。她由兩年前的70公斤，減至現在的56公斤。

舞台演出　挑戰音樂劇
另外，訪問中松松被問到會否再拍劇？她透露明年會演出音樂劇，覺得於舞台上呈現會少很多瑕疵。舞台上她可以演廿六歲至六十歲都可以，但在鏡頭前就未必做到。

真情流露觸動人心！