張佳添讚李金凱唱粵語歌「唔會差過羅啟豪＋譚輝智」！
《香港何濟公止痛退熱散呈獻：中年好聲音3》由車婉婉擔任主持，逢周日晚8點翡翠台播映。評審團除了固定班底肥媽、張佳添、周國豐外，還有音樂女神海兒和陳曉東擔任嘉賓評審。
點擊看圖輯
李金凱獻唱《飛花》演出耀眼。
音樂情人鄭子誠用靚聲帶觀眾進入《中年3》20強競賽。
張佳添讚金凱歌聲好溫暖，冧晒呀！
陳曉東讚金凱把聲好聽。
周國豐踢爆金凱搞喊車婉婉個「水煲」！
占士丁丁花足一個整月時間苦練《愛是永恆》。
肥媽話好似見到張學友唱歌咁。
張佳添讚占士丁丁粵語發音唔錯，就算唔睇歌詞都聽到唱乜。
陳曉東話呢幕似神父喺教堂行出嚟，感覺好似去咗領洗咁！
劉洋
黃博
李金凱獻唱《飛花》演出耀眼。
音樂情人鄭子誠用靚聲帶觀眾進入《中年3》20強競賽。
張佳添讚金凱歌聲好溫暖，冧晒呀！
本周日（3月9日）播出的一集是20強晉身16強一對一PK賽下半場競選，主題為「那些年我們聽過95年至04年的電台歌曲」，舞台繼續化身為電台直播間，並邀來音樂情人鄭子誠用靚聲帶觀眾進入《中年3》20強競賽。本集出戰參賽者及歌單如下：阮慧珊《留低鎖匙》、李金凱《飛花》、占士丁丁《愛是永恆》、善玥澄《唯一》、陳溢光《活著VIVA》、劉洋《一千個傷心的理由》、何平秋《（你沒有）好結果》、黃博《我的愛》、羅逸軒《仍然是最愛你》及任永健《小城大事》。
陳曉東讚金凱把聲好聽。
周國豐踢爆金凱搞喊車婉婉個「水煲」！
周國豐踢爆李金凱搞喊車婉婉「水煲」
本集雲集多位向來較高分的參賽者，當中有「中3天使」之稱的李金凱，本回獻唱《飛花》相當耀眼，張佳添無論對金凱的格子套裝造型，抑或其感情演出均好評如潮：「呢套格仔衫著得你好靚仔，你企喺台上有種星味散發出嚟。」續讚金凱每次演出，總會溫暖觀眾的心：「一路聽，冧晒！你好識揀歌，好識揀發揮到『到底李金凱嘅靈魂是甚麼』，呢啲歌恰到好處。第一屆有靚聲嘅羅啟豪，而第二屆有將廣東歌發揮得淋漓盡致嘅譚輝智，你唱粵語歌真係唔會差過佢哋。」東東讚：「好鍾意佢唱歌嘅感覺，唔係為傷心而賣傷心，反而係笑住嚟唱，你會感覺到佢所有情感都從內心直接出嚟，加上聲音特質，一開口已非常好聽。」周國豐則踢爆金凱搞到「車婉婉嘅水煲著咗」：「呢個正正就係李金凱最厲害嘅地方。」
占士丁丁花足一個整月時間苦練《愛是永恆》。
肥媽話好似見到張學友唱歌咁。
至於在香港區賽區百強競賽憑《李香蘭》人氣急升的占士丁丁，本回繼續選唱張學友的經典歌曲，獻唱《愛是永恆》獲得評審們不俗評價。擁有英國血統、不懂廣東話的占士丁丁，透露花足一整個月時間、付出最大努力苦練歌曲，尤其在發音、感情、情緒和了解歌曲故事上。肥媽對於占士丁丁的演出，直言「睇到張學友（唱歌）」，她說：「通常話你唱嗰個人嘅歌，千祈唔好似佢，但對佢唔可以用呢個。因為佢唔識廣東話，佢唯一要學呢隻歌要唔停咁聽張學友，我希望4個評判唔好彈佢似張學友發音！」張佳添指：「佢啲長音有自己拖發，同學友唔似，雖然有啲口音，如合埋眼唔睇歌詞，完全聽到佢唱乜，一個月苦練係paid off嘅。」相反，東東似乎對占士丁丁「不太歌劇化」的版本有意見：「以比賽嚟講，我會用過癮兩字去形容。原本屬於opera歌曲，但佢又唔係完全opera，開頭教堂背景好似見到個神父出咗嚟來，感覺好似去咗領洗咁！」東東再度戲癮大發，模仿唱聖詩的情境，引爆笑彈。
張佳添讚占士丁丁粵語發音唔錯，就算唔睇歌詞都聽到唱乜。
陳曉東話呢幕似神父喺教堂行出嚟，感覺好似去咗領洗咁！
此外，劉洋和黃博分別獻唱《一千個傷心的理由》和《我的愛》演出同樣值得關注，有人獲讚「享受緊一個表演者嘅表演咁」，亦有人獲讚「完美到頂唔順」，想欣賞兩大唱將的精彩演出？密切留意本周日晚播出的《中年好聲音3》。
劉洋
黃博
