灣仔兩餸飯推「堂食40蚊嘆放題」 奶茶素菜白飯任飲任食 網民：抵喎！

近年兩餸飯開到成行成市，每間價錢相差無幾，質素就見仁見智，由於競爭激烈，老闆都會嘗試在菜式或宣傳上花心思，希望招徠更多顧客。日前有網民就發現灣仔一間兩餸飯店，竟然推出「40蚊嘆放題」吸客，引來熱議。

FB圖片

40元任飲凍/熱奶茶 素菜白飯任加

日前網民在「香港兩餸飯關注組」發文，指日前想去食個下午茶，路經灣仔軒尼詩道一間兩餸飯店，發現「又有新搞作」。由他上傳的相片所見，店外貼出宣傳告示指正推堂食放題，價錢40元，可任飲凍/熱奶茶、素菜無限添加、白飯任裝！

FB圖片

樓主笑讚：咩都無限添加，幾好

他更笑說「唔知個老闆細細個夢想係咪開放題，但係就開咗間三餸飯」更讚到「咩都無限添加，最後埋單40元，幾好」由他上傳第另一張相中可見，一盒飯有四樣餸，其中兩樣蔬菜可能因是無限添加，所以裝到滿滿的。

FB截圖

網民：抵喎，啱我呢個飯桶

帖文引來大批網民熱議，不少網民大讚店舖有諗頭，「呢間睇黎終於夠飽」、「免素菜真好」、「抵喎，啱我呢個飯桶，搵日去幫襯」、「我都成日食呢間 都幾多選擇 又大碟」等。

FB圖片

網民質疑：素菜任添加，肉類免問

不過有網民就認為只是宣傳技倆，直指「堂食座位好少，即係受惠人士有限」、「如果好多客時班阿姐得唔得閒幫你添食」、「素菜任添加，肉類免問」。

興趣班並非小朋友專利！滿大街琳瑯滿目的興趣班，可能總有一班係為你而留！近日有網友就仔細研究工聯會的興趣班目錄，爆笑稱「睇完成個課程目錄，好似去咗趟奇幻之旅咁！」

網上圖片

有網友近日瀏覽工聯會課程目錄，發現竟然有「第七感研習班」，課程簡介聲稱技術由蘇聯耗資過億元研發，目的是「運用結構和意志力在任何想要知的資訊區域自由游走」，更指「身在蘇聯境內也可以遙視美國軍機的內部情況」。

網上圖片

這個索價530元、共五課的超能力班很快掀起網民熱議：「真心想知有咩人會讀？」、「人係香港，學完仲要特登去蘇聯試吓work唔work」、「要唔要着套黄金聖衣上堂？」。還有疑似舊生現身說法，分享十年前上過類似課程嘅奇幻經歷。

示意圖片

該位網民憶述當年導師「男人大叔衣著都寒酸」，課堂上教「用精神力估牌」，又指去賭場「只能用幾次要走」。

網上圖片

隨住第七感班爆紅，網民又挖出工聯會更多經典奇班，其中「懷才不遇自救法」索價150元，3小時的課程，聲稱教「如何去發展自己的才能、如何去 創造機會」以及「找到被人賞識的方法」。網民戲稱報讀「自救」課程「先收個150」，「工聯會真係可以 話係濟世為懷」。

以上除了兩大奇班，網民指工聯會過往還開辦過「六合彩致富」和「氣質形體儀態班」，不少網友直言工聯會課程種類廣泛到 「真係好多奇怪怪嘅班」、「睇完成個課程目錄好似去咗趟奇幻之旅咁！