「最蠢奸角」范泰帥可憐身世曝光！
由陳耀全Andy監製、張世昌編審的《馬百良安宮牛黃丸呈獻：痞子無間道》，逢周一至五晚八點半翡翠台播映，主要演員有周嘉洛、陳瀅、朱敏瀚、JW王灝兒、車婉婉、曹永廉、麥美恩、黃子恆、韋家雄、何泳芍等。
點擊看圖輯
泰帥對思朗一見鍾情，原本二人婚後幸福快樂。
可惜最後因為西門丁離間，二人反目和離兼成為冤家，思朗更是見親泰帥都好䒐䒏。
泰帥向費仁（周嘉洛飾）大爆可憐身世。
原本泰帥仲對於自己轉做細作、前途無限好期待。
麥美恩飾演嘅角色情緒其實好複雜，佢都好多悲痛同有口難言嘅Moment。
西門丁好奸！
泰帥好可憐。
仲親眼見到自己老婆同個女畀個衰人搶咗。
泰帥對思朗一見鍾情，原本二人婚後幸福快樂。
可惜最後因為西門丁離間，二人反目和離兼成為冤家，思朗更是見親泰帥都好䒐䒏。
泰帥向費仁（周嘉洛飾）大爆可憐身世。
西門丁＝袁雨就？陳少邦被懷疑是終極Big Boss
繼前晚一集大玩「忠變奸」震撼梗，昨晚（3月7日）一集的《痞子無間道》改走感人路線，而悲劇主角，竟然是一直傻傻更更、自封「我真係好壞架」的「最蠢奸角」范泰帥（黃子恆飾）。原來當年范泰帥因為對思朗（麥美恩飾）一見鍾情，有二世祖唔做走去學堂跟思朗一起考捕快；但因天資有限，泰帥仕途黯淡；期間西門丁（陳少邦飾）因為看中思朗，竟以升官利誘泰帥加入細作行列，並安排他打劫方便轉換身份。不過原來一切只是西門丁離間思朗及泰帥的詭計，泰帥根本不是甚麼正式的細作，一切只是西門丁利用泰帥在壹將宮城收集對自己有利的情報，並令思朗對變壞的泰帥徹底死心轉投自己懷抱，認真離譜。對於這位「TVB御用奸人」陳少邦去到古裝劇依然奸得出位，網民表現相當肉緊，更有人猜測西門丁之前是詐死，其真正身份是整套劇的終極Big Boss袁雨就，網民：「會唔會西門丁佢詐死，去了壹將宮城做就公，最後係大Boss？」並直指有感他就是箭射高勳（陳榮峻飾）、令其昏迷不醒的真兇：「好期待高勳醒番講出一切！」而對於黃子恆，網民則寄予無限同情：「睇到想喊，泰帥真係好悲慘！」、「泰帥真係好慘，老婆仔女都被搶埋」，並期待高勳醒來後為泰帥平反！
原本泰帥仲對於自己轉做細作、前途無限好期待。
麥美恩飾演嘅角色情緒其實好複雜，佢都好多悲痛同有口難言嘅Moment。
西門丁好奸！
其實除了黃子恆，麥美恩的角色亦相當立體！思朗雖然表面兇悍、凡事只有佢說了算、絕對冇彎轉；但其實惡形惡相、唧都唔笑背後相當柔情，除了明顯對泰帥口硬心軟、念念不忘外，對於蠻不講理的失智母親萬千霞（馬海倫飾），思朗亦是百般忍讓及照顧，絕對是口硬心軟代表。問到角色成日硬繃繃、兼講嘢經常聲大大又一輪嘴會否很虛耗Energy，麥美恩接受TVB.COM訪問時坦言秦思朗對她來說，是十分寶貴的角色：「因為佢好代表到現今一啲事業型女性。佢由童年開始到做咗高級捕長，當中經歷太多苦，所以佢不得不硬淨咁面對外面嘅人，佢所有嘢都要一個人撐住。今次個角色好玩咗，因為佢為咗個人目的可以好不擇手段，有一種亦正亦邪嘅感覺。而以我之前拍兩套古裝嘅經驗，其實我個人越少面部表情同動作，個氣場就會越強。另外因為平時我做mc show都識得用丹田發聲，所以要訓話同埋鬧人嗰啲場口唔會話好辛苦。」麥美恩續指思朗在結局周將會遇到更多驚天動地的大事件：「到時我會有好多豐富情感嘅發揮。」
泰帥好可憐。
仲親眼見到自己老婆同個女畀個衰人搶咗。
