近日有港爸發文指，早前帶B女入餐廳食飯，就在轉身找酒精搓手液其間，突然聽到茶壺跌落聲。結果B女被熱水淥成二級燒傷入院。事後餐廳的解釋令人不滿，事件曝光，網民紛紛討論責任誰屬！
港爸本打算「安頓一下自己」
據港爸在IG限時動態中描述，當晚他們帶B女去完Playgroup後，到一間餐廳吃晚飯。他們告知服務員有BB車，並被安排入座。當時B女仍在BB車內，媽媽去了洗手間，而港爸則「開始安頓一下自己，只係放低個袋，擰轉頭，諗住搵酒精搓手液」。
示意圖
突然，他聽到茶壺蓋跌落的聲音，並感到熱水濕透襪子，回頭一看，發現B女手拿茶壺，下半身已被熱水淋濕。港爸立即將BB車拉到空位，「我即刻叫佢（服務員）拎鉸剪，剪褲，然後入廚房，用凍水沖傷口，打999 call白車。」
B女二級燒傷 餐廳咁樣講
B女下半身遭熱水淥傷，送院被診斷為二級燒傷。事後，港爸在帖文中hashtag涉事餐廳，並引述服務員的說法：「壺水一開始就放咗係度，放咗係BB車，伸手可及既位置。」他對此表示不滿，並在後續帖文求網民推薦有處理二級燒傷經驗的醫生，以及分享消除燒傷疤痕的方法。
社交媒體截圖
網民激辯責任在何方
事件在社交平台引發熱議，網民對責任歸屬意見不一。有網民認為餐廳應確保危險物品遠離小朋友，「店家都有責任令危險物品遠離小朋友/BB，但最大責任一定係顧住BB嗰位大人。」
示意圖
也有網民指出父母應負主要責任，「一泊好車，就要清走晒左右枱面D嘢係基本常識！唔係安頓自己，又去搵酒精搓手液！更加唔會係間餐廳員工負責！係佢老豆老母本人負責！」
網民指帶孩子外出應時刻保持警覺
部分網民分享自己的育兒經驗，強調帶孩子外出時應時刻保持警覺，「每一次去餐廳食嘢，第一件事真係睇下熱水擺咗係邊？係咪有玻璃杯/易碎物品？有冇陶瓷碗碟？隻叉係咪尖頭？有冇辣油糖架擺係附近？總之呢啲係佢面前既嘢一律通通擺開。」亦有網民表示理解父母的疏忽，但強調意外往往發生在一瞬間，「男人真係好易係呢啲位疏忽，亦都輸經驗......意外真係一秒就會發生。」
示意圖
