日前有位九巴車長在threads分享指遇到一名中學生，因不小心倒瀉了奶茶在車上，不但想向他借地拖要來清潔，更拿出銀包話想付清潔費，令車長忍不住要公開給個「Like」他！
車廂地上滿佈奶茶 車長開Mic提醒小心上落
有位兼職九巴車長在社交平台Threads上發帖，表揚日前遇到的一位中學生！他以「兼職巴士佬奇遇記」為題寫到「今日遇到個值得俾個like嘅中學生」指當日車子開到半路，由倒後鏡見到車廂地上都是奶茶，於是他開廣播提醒乘客上落車時，小心跣親。
中學生主動認錯並想借地拖清潔
其後有一位中學生走上前向他道歉，表示自己「頭先瞓著咗倒到成地都係」詢問車上有沒有地拖，並表示「我喺總站落車，一陣我自己清返。」車長於是回應，車上沒有地拖，並表示「唔緊要，你坐返低先。」
深感抱歉欲付清潔費
當車子到達總站時，那位中學生一臉驚恐的樣子，上前再次向車長道歉「真係唔好意思啊，我俾返清潔費你啊！」並拿出錢包，表示願意支付清潔費。車長當場呆了，過了一陣子就即刻揮手表示不用了，解釋道：「部唔係的士嚟，唔需要收清潔費，我會跟返公司程序處理，下次小心啲就得。」而那名中學生一副很內疚的樣子說到「真係唔該晒你」
車長大讚對方主動認錯又肯承擔
車長表示雖然那名中學生倒瀉了杯奶茶的確影響了其他乘客，「但係呢個年代仲會肯主動認錯，仲想承擔返個責任嘅人真係少之又少」更補充一句「更何況你唔係有心嘅」
資料圖片
網民：小朋友都好叻仔 有！家！教！
網民睇完車長分享後，都大讚那名中學生懂事又有家教，而車長又好體諒並沒有亂咁責罵「謝謝分享。學生很懂事，好好！亦都辛苦你了，車長。」、「呢個年代仲有啲咁既人真少，父母教得好。」、「都多謝您都好好人，有禮貌親切解釋反畀個小朋友知道，有d司機大哥可能會好燥底，小朋友都好叻仔，有！家！教！司機大哥都好叻！身教！」、「真，呢個年代如果有年輕人肯講句『唔該』『唔好意思』『對唔住』『多謝』之類嘅說話，我真係會想當場畀個 hug 佢。」
