港男無懼網友「圍剿」 高調晒舉報濫用公屋獎金確認信：我會企出嚟做二五仔

為打擊濫用公屋，房屋委員會資助房屋小組委員會自1月起正式推出「善用公屋資源獎勵計劃」，鼓勵市民舉報濫用公屋的個案，成功舉報人士即可獲得3000蚊的獎勵及感謝狀。

示意圖片

近日就有網友在社交平台高調分享一封獲房署確認的舉報信，帖文曝光隨即掀起網友熱議，有不少支持該網民做法「「做得好呀，期待你的下文」，亦有人斥責「二五仔無咩好下場」。

《愛回家》劇照。示意圖片

該名男網友在Facebook群組「香港公營房屋討論區」撰文，以「政府非常好，我會企出嚟做二五仔，收到獎金再同大家講」為題發帖，並附上一張照片，是一封房署的信件，信眾寫明：「本署已於2025年4月1日對你濫用公屋之舉報紀錄在案。若閣下的舉報能成功向濫用公屋單位的租戶發出『遷出通知書』，你將會被通知領取獎金及感謝狀。」根據信件內容推測，事主已經舉報了某個濫用公屋戶，目前正處於調查階段，若成功舉報就會獲得3000元獎勵及感謝狀。

網上圖片

帖文引來網友熱議，不少人留言支持事主：「做得好呀」、「期待你的下文。」、「如果有錢就買私樓，好多窮人等公屋」、「支持篤灰舉報濫用公屋」 、「點解咁多人覺得舉報有問題？公屋本身就係幫緊有需要人仕，係租既有能力既人根本唔應該霸住當係自己既。」

《愛回家》劇照。示意圖片

亦有部份網民批評事主：「做二五仔冇好下場」、「房署出錢，你出命」、「經濟唔好！唔係點賺快錢」

大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！

大媽反駁：燒咁多年都冇人投訴

這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。

示意圖。AI生成圖片

網斥：5知死字點寫？

不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。

資料圖片

網民提議影相報警話疑火燭

有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。

網上圖片

房委會或被終止租約及收回單位

房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。