金像獎2025丨蘇文濤先拔頭籌憑《爸爸》奪最佳新演員 梁朝偉手上領獎感意義非凡

第43屆香港電影金像獎於今日（4月27日）假尖沙咀文化中心舉行，由蘇文濤（Dylan）先拔頭籌，憑《爸爸》奪得最佳新演員，並由梁朝偉負責頒獎。

蘇文濤憑《爸爸》奪得最佳新演員。

最佳新演員由梁朝偉負責頒獎。

蘇文濤上台後表示對得獎感到好突然，「多謝梁朝偉先生頒獎畀我，多謝金像獎，多謝爹吔媽咪，我屋企人、我愛你哋，多謝翁子光導演，夠膽用一個無做過戲嘅素人，多謝監製同幕後工作人員，當我喺片場唔知自己做乜嘅時候， 撩我傾偈，同埋喺片場陪我玩，等我更加能夠融入其中，最後要多謝片入面嘅父母、妹妹，多謝戲入面嘅全家，多謝所有入圍最佳新演員嘅人，因為你哋令到個獎更加有價值。」

ViuTV截圖

在後台被英國觀眾問到希望下次希望飾演哪一類型的角色？蘇文濤表示：「我好想做一個好有校園生活嘅一個中學生，自己開心嘅一個校園生活嘅中學生，因為係我中學生涯入面，差唔多三年幾四年都係被疫情籠罩住，要戴著個口罩、返學返半日，有好多活動都cancel咗，六年得一次啲一啲訓練人都變咗做day camp，呢啲訓練其實最開心唔係玩、唔係日頭嘅活動，而係夜晚大家聚喺一齊，但就係連呢啲都冇咗，所以我覺得成個中學失去咗好多嘢，所以如果可以希望有個咁嘅角色畀我彌補返過去嘅人生經歷。」

本網記者攝

提到在梁朝偉手上領獎，蘇文濤直言：「超級意義非凡！超級沉重啊！因為佢播完首歌就無啦啦上咗嚟，即係我係成個人仲呆緊呢，跟住就成件事太快呀，消化唔切啊我到而家都，但就係好開心，喺佢手上面攞到，更加意義非凡，因為由細睇到大啊嘛梁朝偉。」

ViuTV截圖

本網記者攝

鑑於大埔宏福苑的五級火災造成嚴重傷亡，香港公益金成立「公益金及時雨大埔火災援助基金」 ，為受火災影響的家庭及人士提供緊急經濟援助，並得到社會各界熱心支持。

大埔宏福苑五級火。巴士的報記者攝

公益金表示，衷心感謝香港著名演員梁朝偉及劉嘉玲立即響應，合共捐款港幣200萬元予「公益金及時雨大埔火災援助基金」 ，為大埔宏福苑的受災居民送上支援與溫暖。

香港公益金fb圖片

資料圖片

公益金於星期四(11 月 27 日)宣佈由儲備撥出港幣5000萬元，成立「公益金及時雨大埔火災援助基金」，將透過社會福利署向每位死者家屬發放慰問金，並聯同大埔及北區及時雨批核中心，協助受災人士申請援助金，確保資源能迅速送到有需要的人手上。