的哥唔識路查實體地圖遭質疑想「揼波鐘」網民：起碼努力解決問題

市民搭的士周不時會遇上有司機話「唔識路」，要用手機開Google map跟住行。日前就有網民在社交平台發帖，指「今朝搭的士落荔枝角，個司機話自己唔係好識路，本身諗住叫佢跟Google地圖」怎料司機竟然拿了一本實體地圖出來研究路線，樓主質疑對方想「揼波鐘」收多他幾蚊。

網上圖片

司機拿實體地圖手指指研究路線

由樓主上載的相片所見，該名的士司機正拿出一本地圖手指指研究路線，似乎在尋找目的地。而的士車頭則安放了三部接單用的手機，從倒後鏡中看到司機頭髮都已斑白了，

網上圖片

網民撐司機：起碼有努力去解決問題

帖文引起網民熱議，部份人與樓主一樣質疑司機是否真的不懂用Google map，「佢有三四部電話，但竟然係睇地圖」、「佢本地圖係邊一年既version?」、「咁樣你捉到佢兜路都有得瀨呀嘛」，但有不少網民認為司機起碼都有努力嘗試找路線，沒有一口拒載「起碼佢真係努力去解決問題，唔係話唔識路唔去」、「其實算係咁，都唔係一黎就唔識路閘門拒載」、「至少好過有電話都唔識用google map 嘅人」、「好嘢嚟，冇電都照行，又有懷舊作用」、「我細過都係咁樣攞本地圖出街」。

資料圖片

網民：有時app都未必有實體地圖準

亦有網民認為實體地圖比Google map更可靠，「應該係被Google map昆過先用實體地圖」、「實體地圖先多野睇，可以一眼睇成個區，容易搵路啲」、「有時app都未必有實體地圖準」、「實體地圖先寫得清楚，有啲路口連消防閂都有講，啲乜乜map隨時已經叫你轉變駛入去」。

有網民認為實體地圖比Google map更可靠。示意圖

的士司機拒載可罰款10,000元及監禁6個月

根據《道路交通(公共服務車輛)規例》，的士司機如無合理辯解，不得故意拒絕或忽略接受租用人的租用，不論該租用人的意圖是以明顯或默示方式表示的；拒絕或忽略駕駛該的士至租用人指示的任何地方。任何人如違反有關法例，一經定罪，可處罰款10,000元及監禁6個月。

麥記陪伴大家成長，不過大家以為再熟悉的麥記，都不斷有新嘢推出讓人眼前一亮！近日就有港人購買麥當勞外賣熱飲時，發現杯蓋上多了一塊神秘金色圓拱形膠片，並對其用途大感好奇，於是在網上發文詢問網友：「M記呢舊嘢其實有咩用？」

thread圖片

貼文曝光掀起網民熱議，有網民分析指該金色蓋子是用來識別全新推出的「朱古力咖啡」，以防店員出錯：「應該係用黎識別朱古力咖啡」、「麥當勞新出嘅熱朱古力咖啡先有嘅蓋，係幾靚」，還有網民搞笑指，係鹹蛋超人的眼。

鹹蛋超人

thread圖片

另外有自稱食快餐店前員工的網民現身解答，指其實是金色蓋子「防濺蓋」，主要為外賣平台訂單而設：「呢舊野叫防濺蓋，平時外賣平台嗰啲單先有。」，據網友街市，金色蓋的作用是「防止本身個杯蓋既氣孔，於外賣運送途中濺出/噴出高溫液體，以致外賣員/客戶燙傷（因為有人投訴過），所以喺個窿上面加多層蓋」。