開業逾60年的龍寶酒家葵芳總店，近日向全體員工發出「特別通告」，通告中列出四大經營困境，宣布由5月起所有員工每月需放無薪假3日。
OpenRice圖片
通告內容曝光
這張由龍寶酒家董事局發出的通告在網絡瘋傳，內容指：「各界面對中美關稅戰衝擊，全港正面對經濟衰退情況嚴重，樓價市值暴跌市民人心惶惶，尤其影響飲食行業最為嚴峻。」通告更特別提到港人北上消費的影響：「每逢週末及假期主要生意來源更被北上消費重重抹殺！」
FB圖片
因此，公司要求所有員工由5月起放無薪假3日，並「由主管即時安排並執行」，希望能「攜手共渡患難」。
網民反應兩極 有人理解有人質疑
消息傳出後引發網民熱烈討論。有網民表示理解：「各人收入少啲，大家保住份工，點都好過炒人」、「放3日假無咗十份一人工，好過執笠失業」。但也有網民質疑：「想知飲食關關稅咩事？」、「本身已經時間長又落場，仲要無薪假」。更有網民感嘆：「香港飲食業真係進入寒冬期」。
OpenRice圖片
業界困境持續 結業潮未止
龍寶酒家在通告中提到，目前已有「多間酒家餐廳牽起結業潮」。事實上，近期確實有不少老字號食肆相繼結業，反映香港餐飲業正面臨前所未有的挑戰。
OpenRice圖片
日前一名港女在社交平台Threads發出求助帖文表示，首日上班即遭男同事以「追求」為由觸碰其身體，直指對方「摸我Patpat，又摸我隻手」，她隨即前往尖沙咀警署報案，惟家人事後質疑「冇必要」報警，令她陷入自我懷疑，整夜未眠，反覆思量「其實我係咪真係唔應該報警？」帖文一出，隨即引來熱烈迴響！
示意圖
疑遭非禮後收男同事道歉短訊
事主未有透露工作性質，只是表示涉事男子是她同事，大家是首次見面。被非禮後，她感到很無助及徬徨「第一日返工，第一次遇到呢啲事，當刻真係唔知點樣做好。」帖文中她亦公開了她和男同事間的whatsapp對方截圖，截圖顯示疑似非禮事件發生後，男同事主動聯絡她，他說：「hi，啱啱嚇親你，對唔住，向你鄭重道歉...」。女事主回覆：「其實我唔鍾意人哋摸我pat pat又摸我隻手，好奇怪。」明確地表明自己並不能接受男同事的行為。
男同事主動聯絡女事主向她道歉。網上圖片
指想追求女事主所以有此行為
對方隨即回應到：「知道...因為你係我鍾意既type，想追你，如果你有男朋友既話...我就放棄了。」女事主則再重申，不能接受身體被觸摸：「你想追我唔應該同我有身體接觸，pat pat係私密部位。」男同事則回覆：「知道，沒下次，對不起。」
女事主表明不接受身體觸摸。網上圖片
女事主不接受前往警署報案
但其後女事主仍感到不感，便前往尖沙咀警署報案，落完口供後，警員「影低」女事主與男同事的通訊紀錄，以便跟進。
屋企人覺得鬧下佢冇必要報警
但是事主提到報案後向家人提起事件，「屋企人就話我冇必要報警」，令她「自我懷疑...成晚冇瞓過」令她甚至懷疑是否做錯決定「其實我係咪真係唔應該報警」。女事主解釋家人表示其實警告或罵涉事者已經足夠「因為身邊好多長輩都覺得冇必要報警，叫我警告佢鬧下佢，搞到我懷疑自己係咪真係唔應該報（警）。」
男事主再次道歉。網上圖片
其他同事亦覺得冇報警必要
即使她有向其他同事講述自己疑遭非禮，但同事們只是覺得很憤怒，但覺得女事主無需為此報警「我同咗其他同事講佢哋都好嬲，話要ＸＸ嗰條友，之後佢哋知道我報咗警就話：咁又唔使報警嘅。」
女事主擔心報警後，會遭男同事報復。示意圖
表示會辭職擔心被報復
她表示有點擔心報警後，會遭男同事報復「咁呢其實我都有少少驚佢報復，因為聽講佢份人好似唔係好正常，佢喺樓上做侍應會拎把刀落去廚房磨刀...」 並表示會辭去份工作「已經唔諗住再去嗰度返（工）。」
網撐：一定要報！ 一睇就知係慣犯！
帖文一出，大批網民都留言支持女事主報警「一定一定要報警！！！！！」「應該要報警！正常返工係唔會有任何身體接觸，今日摸下只係試你底線，下次唔知會做啲乜......」「報警做得對！第一日返工就拍pat pat，你唔出聲嘅第二日唔知做乜嘢喎，仲要叫你『妹妹』，我諗佢連你個名都唔知，完全係蝦你唔敢出聲。」「一定要報！ 一睇就知係慣犯！一來保障自己，二來可以當係幫咗其他女仔！講唔使報警嘅，係針唔吉肉唔知痛，當事情發生係佢地身上，睇下會唔會咁！」
鼓勵事主：你好勇敢，做得好好！
網民更大讚事主做得對「你做得好啱！呢啲好可能係慣犯，唔可以就咁算數，你小心啲好好保護自己。」「你好勇敢，做得好好！」「報警係啱，唔好自我懷疑！」
