《久別重逢》參與烏甸尼遠東電影節 許恩怡首赴意大利獲家姐從英國飛往陪伴

於意大利北部小鎮烏甸尼舉行、每年一度的遠東電影節(Far East Film Festival)圓滿結束，今年電影節有多部港片參與，包括《爸爸》、《虎毒不》、《焚城》等，其中《久別重逢》更成為電影節的一大亮點，主演許恩怡（Natalie）與導演梁禮彥代表出席，二人出席逾10場活動、放映會跟座談，宣揚香港電影。

《久別重逢》參與烏甸尼遠東電影節

《久別重逢》參與烏甸尼遠東電影節

《久別重逢》參與烏甸尼遠東電影節

《久別重逢》參與烏甸尼遠東電影節

這次電影節，不少香港影壇新力軍參與，Natalie與梁導演同樣是首次踏足遠東電影節，此行深深受到當地熱愛香港電影的觀眾感動，Natalie說：「喺電影放映嗰日係喺一個劇院入面睇，係有三層樓咁高嘅一個劇院，聲音效果各樣都係好震撼，加上第一次同梁導演參加電影節，感覺係十分之期待！我專登留意外國嘅觀眾睇字幕時候嘅反應，因為我知道佢哋會好細心咁睇，發現原來觀眾係完全投入到同捕捉到戲入面嘅感覺同意思，完咗之後大家拍掌兩分鐘，我係未試過，真係驚訝到呆咗，企喺度都唔知畀咩反應好，感覺好夢幻，好唔真實。今次嚟到真係好值得！」

許恩怡、梁禮彥出席烏甸尼遠東電影節

她續說：「電影節嘅觀眾真係好熱情，佢哋唔只鍾意電影，仲係好鍾意香港電影，喺呢個時候電影市道嘅狀況，好多人都係太樂觀，但係嚟到意大利呢度遇到一班咁熱愛香港電影嘅觀眾，真係好大嘅鼓勵，同時亦都改變咗我嘅心態，佢哋係一群陌生嘅人，就連喺街上遇到佢哋，都會好主動去同我講支持，真係好希望香港電影可以去到世界唔同地方，嚟緊我會去台北、紐約嘅電影節，透過呢部電影介紹香港呢個地方、分享廣東話呢種語言、文化等等，帶住香港故事畀大家認識，係好珍貴嘅經驗。」

許恩怡首次到意大利

這次是Natalie首次到意大利，Nat的姐姐也專誠從英國飛到意大利陪伴，Natalie說：「我家姐都有同我一齊，認識我工作同電影嘅團隊，感覺係大家去到邊個地方，電影都可以將大家connect埋一齊。呢度嘅天氣好好，每一處地方都好似畫咁靚，我哋仲日日都食gelato同tiramisu，好開心！」

許恩怡（Natalie）日前獲文化體育及旅遊局文創產業發展處邀請，到韓國首爾出席第四屆「光影浪潮：香港電影新動力」（「光影浪潮」）香港電影巡迴影展首爾站，為影展擔任開幕嘉賓，同場還有《爸爸》演員蘇文濤、《武替道》導演梁冠堯和梁冠舜，以及《香港四徑大步走》導演Robin Lee。 Natalie主演的香港電影《久別重逢》與《無名指》均在這次「光影浪潮」中放映，她先後跟導演梁禮彥和孔令政出席放映後的分享會，與在場約300名韓國電影人及觀眾交流。

許恩怡到韓國首爾出席第四屆「光影浪潮：香港電影新動力」（「光影浪潮」）香港電影巡迴影展首爾站

許恩怡到韓國首爾出席第四屆「光影浪潮：香港電影新動力」（「光影浪潮」）香港電影巡迴影展首爾站

許恩怡到韓國首爾出席第四屆「光影浪潮：香港電影新動力」（「光影浪潮」）香港電影巡迴影展首爾站

許恩怡為影展擔任開幕嘉賓

同場還有《爸爸》演員蘇文濤、《武替道》導演梁冠堯和梁冠舜，以及《香港四徑大步走》導演Robin Lee

許恩怡（Natalie）

首次到韓國首爾的Natalie順道體驗了當地的文化氣息

首次到韓國首爾的Natalie順道體驗了當地的文化氣息

首次到韓國首爾的Natalie順道體驗了當地的文化氣息

會後一班粉絲更追到Natlalie身邊，禮貌地要求合照、索簽名

首次到韓國首爾的Natalie順道體驗了當地的文化氣息，四出遊逛並品嚐地道美食，Natalie說：「我哋去咗三清洞，係一個韓國傳統地方，環境好舒服，仲食咗一餐傳統美食，出面好多我最鍾意嘅柿子樹，之後喺附近行咗一圈，好平靜，好有韓劇嘅感覺，令我全程覺得自己喺K-drama入面。當然我都買咗護膚品，好彩行李冇乜多餘空間，阻止我買太多，哈哈。」而這趟旅程最難忘的莫過於一班喜歡香港電影的觀眾，Natalie說：「韓國嘅觀眾睇戲好細心，我哋今次兩個分享環節都延長咗時間，因為實在太多嘢傾，但係依然感覺到眨下眼就過咗去，希望下次可以再返嚟，可以同大家傾耐啲。」會後一班粉絲更追到Natlalie身邊，禮貌地要求合照、索簽名，有人更親手寫「情信」，信中末端更以中文寫上「我愛你」，Natalie受寵若驚：「感覺真係好神奇！有一位朋友同我講佢睇咗我5部電影，首先係喺釜山睇《女孩不平凡》嘅首映，之後第二日睇咗《他年她日》，然後呢次在首爾連續咗《久別重逢》、《無名指》同《贖夢》，韓國嘅粉絲讓我哋整個團隊感覺到哪裡都被受歡迎，佢哋好溫柔、好amazing！佢哋仲會接受我好爛嘅幾句韓文，真係好鼓勵呀！哈哈……有幾位粉絲都分享咗首爾嘅美食，可惜我哋只待幾天，下次一定要去試試。」