在乘搭交通工具時，理應是不該飲食，但也難免有人違規。日前有名港女在社交平台發文，指自己在乘搭港鐵時，在車廂內看到一名男士在喝湯，並形容「飲到雪雪聲」。然而帖文一出，不但沒有獲得網民的支持，反而遭圍攻抨擊。
港女公審阿叔搭地鐵飲湯「飲到雪雪聲」
港女在社交平台threads發帖，指自己乘搭港鐵時看到一名男士在喝湯，並上傳了兩張圖片。應該是該名男士以膠兜盛載湯，飲用完畢便將膠兜放入背囊。
當事人帖文截圖圖片
亦未見有整污糟座位和地面。樓主形容男士「飲到雪雪聲」，繼而在社交平台發文。
當事人帖文截圖圖片
帖文遭網民圍攻抨擊
但帖文一出，不但沒有獲得網民的支持，反而遭到大批網民圍攻抨擊，「人地當住你面你唔問，之後又po上黎問，你想點呀」、「你當場唔問？post上嚟有咩用，又無整污糟地方，飲啖嘢啫唔使咁呀？又唔係開大餐」。
網民認為樓主「太多事」
亦有不少網民都認為樓主太多事，「咪咁多事啦，就係你呢啲人po上網，出嚟害人」、「人哋嘅事關你X事呀」、「阻住你坐地鐵？」。
Getty示意圖
是出必有因 建議樓主學會體諒
有人認為是出必有因，應該要體諒，「好似有少少情有可原，人唔多、無整污糟、飲完有手尾」、「唔係做清潔就係做地盤，一係無合適地方食飯，一係無時間，體諒下」、「可能佢真係好肚餓」、「你有你嘅道理，一句入閘後唔可以飲食一定駁你唔到，但其實睇到係幾心酸架，邊個唔想坐定定慢慢食，要食到咁狼狽？」。
Getty示意圖
有人亦留言感歎「我諗冇人想咁狼狽呢個地方飲湯。其實你擺只有少許留言支持樓主上嚟你係覺得佢唔應該喺車裏面飲湯定係覺得佢飲到雪雪聲？」、「以佢嘅裝束，應該係啱啱收工，其實真係唔需要咁mean 。佢有冇飲到周圍都係or倒瀉左？每個人都唔容易，體諒吓啦」。只有少許留言支持樓主，「飲湯都包容？睇嚟下次可以打埋邊爐」。
有時騙徒很會利用人的善心，就似日前有網友出警世帖，指日前在一間本港連鎖大型藥房，差點跌入「撿錢包反被誣陷偷錢」騙局，幸好當時有所警愓沒有受騙，但帖文卻引起網友的熱議！
示意圖。AI生成圖片
樓主驚覺險跌「掉錢包陷阱」
網友發帖指日前在一間本港連鎖大型藥房遇到一件很可疑的事件。他表示當時在藥房將個購物籃放在地上然後查看展示櫃的貨品，但他留意到期間一直有名男子在附近徘徊。怎料「準備走嗰陣現籃子旁邊多咗一個露出大量現金嘅錢包」幸好當時樓主有所警愓，指感覺好似常見的「掉錢包陷阱」。
地上有一個銀包，卻似是被人刻意地展露了一大鈔票，當中有幾張500及100元港幣。FB圖片
銀包刻意展露了一大疊鈔票
於是他找來店員處理，正當店員剛要撿起錢包時，突然那名男子衝出來，並出示身份證指錢包是他的，但樓主質疑對方「反應異常冷靜熟練」令他懷疑是新型騙術，是「撿錢包反被誣陷偷錢」的騙局。由樓主PO出的相片所見，地上有一個相當殘舊的銀包，卻似是被人刻意地展露了一大鈔票，當中有幾張500及100元港幣。
示意圖。AI生成圖片
網撐：建議見錢銀一律唔好掂
帖文一出大部份網民都認同這很可能是一場騙局，認為最適當的處理方法是不要觸碰，直接通知職員或報警：「點解咁大個銀包啲$500會淨係凸個銀碼出嚟咁得意嘅？」、「身份證又唔係放喺銀包入面咁得意」、「咁奇怪？用身份證衝出嚟話銀包係佢，唔係擺埋一齊咩？」、「真係跌落地下， 啲錢都唔會突出嚟㗎， 佢真係好假」、「啲錢點會咁樣跌出嚟呀？肯定係一個局，攞起咗你就後悔」、「建議大家見錢銀一律唔好掂，一係揾店員一係報警。您一掂，對方就有藉口老屈您。永遠保持眼看手勿動，更不要心動。」、「正常跌銀包啲錢會咁樣show 出嚟嘅咩？」、「好彩你講出黎….如果唔係真係會好心執起」。
網上圖片
跌錢黨原來已有三十年歷史
亦有網民指出早在三十年前已出現過類似的詐騙手法「呢啲跌錢黨都有三十年歷史，以前有啲喺海港城近中港碼頭出沒」、「呢一招30年前已經用緊，我個同事就係因為貪心執咗個銀包，畀人呃咗隻鑽撈」、「幾年前係旺角都遇過跌錢黨，佢係我前面行行下跌咗幾張一百蚊，我開聲叫住佢話你跌咗錢，佢又係異常冷靜咁執返，唔該都冇講一句，發現佢附近有另一個男人同佢打眼色！好彩我機警冇幫佢執錢！」、「多年前喺深圳福田遇到過有人刻意喺我面前跌咗一包金，跟住另一個人執起神神秘秘話同我一齊分左佢，我拒絕咗，叫佢自己一個人要晒佢。永遠警戒自己，貪字得個貧」。
網笑：一腳就踢銀包落櫃底
有網民搞笑地表示應該「一腳就踢落櫃底，等佢爬低慢慢執」、「一腳窩利抽射解決晒所有問題」、「我以前係街到遇過呢啲，當時條友同我打對行，佢咋咋底底跌銀包，我又咋咋底底一腳幫佢踢出去馬路」。
