朱敏瀚飛埋過馬來西亞搵張振朗引爆「反黑路人甲」回憶殺 網民：你哋閃盲人

由徐正康及新晉監製林瑋澄聯合監製、翁善瑩編審的純愛小品劇集《大灣區航空德島米子仙台航線呈獻：虛擬情人》，逢周一至周五晚八點半翡翠台播映，主要演員有王敏奕、朱敏瀚、黃子恆、譚嘉儀、林景程、袁文傑、鄧智堅、楊卓娜、倪嘉雯及周志康等。「你好，我係你嘅Adam」，朱敏瀚（朱仔）在新劇《虛擬情人》中化身虛擬Adam風靡萬千女性！為了配合宣傳，飾演Adam的朱仔在真‧現實世界找來六位藝人好友接受「Adam Challenge」，分別為（根據出場序）周嘉洛、羅天宇、陳瀅、吳若希、謝東閔及眾望所歸的「反黑」CP張振朗！據知整個系列由朱仔一條龍親自操刀，度橋、撰稿、邀約藝人參與拍攝，到剪片及所有後製均由他一手包辦，不但橋段抵死幽默，且製作認真，除有意想不到的爆破特效及大玩無綫劇集Crossover外，為了令自己能與張振朗同框，朱仔更專誠飛往馬來西亞進行拍攝，相當有誠意。

據知呢個禮拜，Adam會喺番自己套劇入面爆seed，面對各種拯救程晴嘅挑戰。

連爆破效果都玩埋，邊個夠朱仔玩！好想封佢做「最識宣傳男主角」。

連爆破效果都玩埋，邊個夠朱仔玩！好想封佢做「最識宣傳男主角」。

陳瀅踢爆朱仔講粗口？

在六位挑戰者中，以陳瀅的「虛擬剪髮」任務最受歡迎，「劇情」講述陳瀅要求Adam幫忙set頭，而Adam亦即認真地左set右set，期間陳瀅玩踢爆：「Adam 你做咩講粗口」，又全程忍唔住笑，氣氛愉快。最終Adam順利完成任務，更連「長蔭遮面」的效果亦認真還原，與陳瀅要求的模特兒造型有超過八成相似，相當厲害；難怪女主角程晴（王敏奕飾）留言大讚「Brilliant」的同時，網民亦留言支持Adam可推出髮型師模式，兼大讚朱仔有髮型師天份。

呢個set頭任務真係好有驚喜，連陳瀅愛犬Whiskey都有客串演出。

呢個set頭任務真係好有驚喜，連陳瀅愛犬Whiskey都有客串演出。

呢個set頭任務真係好有驚喜，連陳瀅愛犬Whiskey都有客串演出。

《奔跑吧》X《虛擬》

第二受歡迎的短片，是吳若希的回憶殺挑戰，「劇情」講述Adam找來「采琳」吳若希，采琳坦言很掛住「禾平」，（采琳及禾平均為《奔跑吧！勇敢的女人們》角色），Adam聞言即戴上黑框眼鏡玩變身之餘，又拿出汽球及「心形銀紙」等定情信物企圖感動采琳，但由於在《奔跑吧》中足足面值HK$500的「心形銀紙」，來到Adam Challenge竟貶值至HK$20，采琳忍不住面色一沉責問謂：「變咗廿蚊嘅」，Adam則毫不客氣回應：「最近使多咗」，令采琳大為氣結，網民看畢忍不住吐槽Adam：「五百蚊變廿蚊食水都好深。」

吳若希好好戲

吳若希好好戲

謝東閔爆笑搶焦

另值得一讚的是，「Adam Challenge」的最後兩個挑戰者謝東閔及張振朗，分別是《虛擬》前後檔期劇集的主角之一，相當有心思。朱仔先以Adam身份找來上一檔劇《奪命提示》的「Julie」謝東閔企圖提供虛擬服務，豈料謝東閔卻兇神惡煞回應謂：「我係你嘅Julie，使唔使我㨃冧埋你呀？」，配以由輕鬆變緊張的配樂，以及謝東閔搞怪的「賓尼兔」嗡鼻小動作，效果爆笑，林子善留言吐槽謝東閔唔夠認真：「Cut！東閔你隻眼做咩周圍望，望返鏡頭吖嘛！嚟多個啦」，網民則讚嘆Mode謂：「係奪命提示虛擬情人夢幻聯動」。最後張振朗的Adam Challenge「劇情」講述振朗由馬來西亞video call Adam大嗌寂寞要求陪伴，豈料一個轉身朱仔已亂入振朗視像通話，並大派肉麻Bite：「我一直都喺你身邊，冇離開過你，你知架」，振朗聞言忍不住笑，再配以《My Destiny》配樂，相當抵死。對於「反黑」CP重逢，網民大為受落，留言：「振朗永遠係Adam嘅最愛」、「你哋閃盲我啦」、「咁sweet嘅！」

飛埋去馬來西亞真係好有誠意。

飛埋去馬來西亞真係好有誠意。

同朱仔對望完之後，張振朗忍唔住笑。

謝東閔仲係好入戲

由TVB和騰訊視頻聯合出品，鍾澍佳擔任總監製、譚廣源、郭浩仁總編劇、巢志豪監製、張峻豪、歐耀傑、何嘉華擔任導演的《草姬靈芝孢子呈獻：刑偵12》。

保怡同人格會「交替出現」大戰振朗。

保怡

下周邁向結局周的《刑偵12》，第十九及第二十集劇情圍繞林保怡飾演的丁洛風、與7個人格之間的「鬥爭」。為了脫離被丁少芸（陳法蓉飾）及「暴力人格」林昱水（張松枝飾）的囚禁、奪回身體主導權，洛風需要盡快找出每個人格的解離原因並與之和解…另邊廂刑凱（張振朗飾）及芷菲（傅嘉莉飾）想盡辦法拯救迷失了的洛風，期間遇上少芸挑機，致使刑凱與洛風的不同人格上演了一場精彩刺激的「貨櫃人格大戰」！

姚宏遠

連播兩集的貨櫃人格大戰不但節奏明快、動作場面精彩刺激、鮮艷顏色對比的美學構圖、還帶出了不一樣的視覺效果，獲網民封為劇集名場面。這場刑凱大戰洛風人格一幕，拍攝手法相當新穎緊湊，上一秒刑凱還與昱水你死我活，下一秒昱水搖身一變成為洛風，並極力阻止自己傷害刑凱…除了昱水、夏軻（姚宏遠飾）及丁少婷（陳若思飾）等亦輪流出場與刑凱激戰/激辯，場口每一秒都充滿反轉及令人透不過氣的壓逼感。

畫面構圖真係好靚好Impressive

其實如果細睇，振朗面色真係唔係幾好，但佢都咁專業捱過晒所有拍攝，Salute！

保怡呢個場口，會跳出跳入，極力控制自己人格傷害振朗。

保怡阻止咗姚宏遠，仲同佢和解咗。

據知，這場貨櫃人格大戰前後拍了足足兩、三天，拍攝期間正值夏天，加上為免影響收音，台前幕後需要在完全沒有開冷氣及密不透風的情況下、頂著30多度高溫，展開連串追逐及肉搏，還要應付多個情緒高漲場口，齋是想像也知道有多辛苦。據知，出名捱得的振朗，拍攝首天即驚現疑似中暑狀況，對此振朗接受tvb.com專訪時，直指拍攝現場「好似地獄」：「因為拍嗰陣要封晒所有入口之餘，仲要係冇冷氣、超級焗，加上係鐵皮屋，太陽一曬會好似焗爐咁愈嚟愈熱，而我嘅造型係長褲同長身厚軍褸，仲要全程跑嚟跑去、跑嚟跑去。我開頭都仲以為自己頂得順，因為都拍咗咁多年嘢，但拍咗兩個零鐘之後，我仲著住件褸、Feel到自己出咗好多汗、但我就覺得好凍，咁我就知道大鑊喇，我知自己唔對路，但因為仲有十幾個鐘要拍，但冇辦法要捱過去。」

張松枝呢個「露齒奸笑」，已經成為佢呢個角色嘅招牌。

張松枝相當跑得。

動作連場

打打吓輪到陳若思人格走出嚟。

張振朗從演多年首度出現一狀況
振朗續指由於拍攝場地偏遠，來回原本的酒店需要四個多小時車程，為爭取時間休息，振朗第一次主動要求工作人員幫忙在附近訂酒店，讓自己之後有較好的狀態可以繼續開工，振朗受訪時，一再感激巢導及劇組貼心安排：「好多謝巢導幫我Handle晒成件事，佢真係好體貼演員嘅心理同身理狀況；第二日劇組又好快咁作出調動，等演員休息期間可以出外面呼吸吓新鮮空氣。」巢導亦大讚振朗雖然拍攝第二、三天身體狀況明顯不太好、聲線都病至沙啞，但只要一開機便看不出任何異樣，大讚振朗專業。

張松枝人格最難和解。

張振朗頂硬上完成拍攝，但佢專業在喺鏡頭面前係完全睇唔出佢有任何異樣。

張振朗啲人格，呢一場都會彈出彈入。

張松枝每日收工驚現「黑色鼻窿」 親揭身手弗爆之謎
在場口中體力消耗僅次振朗的，就是飾演昱水的張松枝。松枝雖已年屆58歲，但他不但展現了超靈活及超而有力的身手，跑速亦絕對不輸出名跑得的張振朗（詳情請看《反黑英雄），體格弗爆。對此松枝接受tvb.com專訪時，透露好身手其實是努力多年累積回來：「身手都係多年拍攝經驗累積返嚟嘅、平時都有做開帶氧運動同拉筋、不過最緊要都喺我哋嘅武術指導、同埋導演攝影配合、佢哋設計好個動作概念、先有咁好效果。」問到拍攝場口是否很地獄，松枝直認不諱，並笑言每日收工後都變「黑色鼻窿」：「現場冇冷氣兼且密不透風，仲好多塵埃，抖氣非常困難，每日收工返去個鼻孔都係黑色嘅。呢個場口係非常辛苦嘅，每日拍至少17個鐘、全程動作真係唔係講笑。不過保怡Bowie同製片組都keep住有萬歲提供冰凍飲品畀大家。」

啲場面又好睇又驚險。

其實呢場超齊人！

松枝是次飾演性格暴戾的昱水絕對入型入格，除了獲大讚「夠晒變態」，他的招牌「露齒奸笑」亦引發迴響，並被同劇演員笑言是「父親節最佳笑容」，相當爆笑。對此，松枝親揭「露齒奸笑」設計概念：「呢個角色係非常有自信同自我、認為其他人都係廢物、仲會恥笑佢哋。咁呢個笑容就可以令到角色更加狂妄、更加可以令到觀眾覺得有種心寒嘅感覺。至於點解呢個角色會專用刀，就係因為正所謂笑裡藏刀、況且用刀配合埋武打動作，視覺上用比用槍強烈好多。」