早前一名20歲港男在網上大吐苦水，指自己中六畢業後便投身社會，現於商場擔任保安員。他每月準時交4,000元家用，但父母因怕24歲高學歷的姐姐「無人要」，打算將居屋單位留給她。
unsplash示意圖
父母憂長女「嫁唔出」 居屋擬作「姑婆屋」
該名港男在香港討論區以「我好擔心無屋住 我家姐會唔會無人要」為題發帖，透露新年期間偷聽到父母對話，得悉他們擔心姐姐「第時無人要」，打算將已供滿的居屋單位留給她。
unsplash示意圖
他引述父母言論：「阿爸阿媽話怕佢個女第時無人要，平時又懶又唔做家務，間房又好似垃圾屋咁，每個月啲錢月月清，家用都好少畀，睇怕都搵唔到人嫁，第時間屋留俾個囡啦。」父母更提到樓主「生性」，毋須他們操心。
弟感委屈：生性反而冇着數？
樓主坦言「聽到即時想喊出嚟」，認為父母偏心，「點解間屋留畀家姐唔留畀我？我生性就唔畀我？」
資料圖片。房協圖片
他指自己中六畢業後便投身社會，現於商場擔任保安員，月薪約1.8萬港元。他每月準時交4,000元家用，並儲起5,000至6,000元，自問生活節制。姐姐雖學歷較高，但生活態度散漫，反觀自己努力工作卻得不到同等關愛，悲憤道：「我覺得阿爸阿媽淨係惜我家姐，根本好似都唔鍾意我咁。」
資料圖片。FB圖片
網民熱議：越生性越被忽略？
帖文引發網民熱議，不少人分享類似經歷：「好多家庭都係咁啦，間屋留畀最廢嗰個」、「有時越生性就越冇人關心，因為可以自己搞掂」。亦有網民勸樓主看開些：「父母想畀邊個係佢哋嘅決定，你都係自己努力啲啦」、「樓主仲後生，進修多啲，將來賺多啲錢搬出去啦」。不過，亦有人建議他與家人坦誠溝通：「一家人坐低傾清楚，唔好為錢傷感情。」
