的士拒載是犯法行為,到底是真拒載還是剛好接了客?有網民日前於銅鑼灣利園商場外,目擊有的士司機拒載拿著拐杖的婆婆。
Getty示意圖
婆婆截的士遭拒載
有名港女於社交平台「車cam L(香港群組)」發文公審的士司機,她表示突然聽到樓下有婆婆大聲喝罵,故望出窗外觀看及拍照,目擊有的士停在馬路邊。
當事人帖文截圖圖片
10秒後有客上車
「阿婆大聲指住佢(的士司機)嚟鬧,唔夠10秒後上咗個中年男人開車」。站在婆婆身旁的女子對她說,「佢唔車你都冇辦法㗎」,猜測是的士司機拒載。
當事人帖文截圖圖片
司機一早「冚旗」?
事件引來網民留言,有網民猜測司機一早「冚旗」,「會唔會有一種可能,係接order呢?」、「有啲阿婆明明見到冚咗旗都夾硬上,好似前世冇上過的士」。
亦有人批司機拒載行為成日都有
亦有網民批評的士司機拒載行為,「見過有兩老上車,司機話唔識路拒絕接載」、「試過好多次同老人家想搭的士,佢老x嗰啲x街扮睇唔到、「其實呢啲情況唔難見」」、「DCX不嬲都係㗎啦,見到阿婆見到阿公見到輪椅都唔接」。
Getty示意圖
時代廣場都有的士站
不過就有網民表示時代廣場都有的士站,婆婆可以前往該處,「後面時代廣場就有的士站,點解唔走去嗰度坐?」。