近日往銀行做定期，由一年前五厘，半年前四厘多，再由三月中，掉落三厘多。這個星期，得番一厘半啊。老人老本養老，銀行存款食息，可能走回，2018、2019年，得半厘息咋。辛苦一生，剩來老本，得來利息，可能買碗，叉燒飯都不能呀。
這就令我重新，諗起我的投資路，我的退休路。2005年，工業樓宇，不夠一百元一呎，自己本身要用，即使用來收租，又收到好多厘租金。為了退休，就買買買。2017年左右，竟然有公司，四千多元一呎買我的工業樓，諗諗自己，都過了半世紀，六十多喇，毫不考慮，沽清手上，工商業物業，幫自己退休哪。
2017、2018年左右，沽清物業後，抬住以為是大大舊錢，去銀行做定期。又自以為自己是大爺啦，怎知去到銀行，理財經理講，做定期一年，得半厘左右咋，只可食雞肋喎。買債券最小都有五厘，至十多厘都有喎。恒大債券好好㗎，大爺有冇興趣落嗒啊。好彩當年我，喜歡數真鈔票，不喜歡買印來的債券，否則就做咗老襯，仲瓜埋老襯喇。當日經理對住我，講咗一大堆，投資計劃，我都是搖頭，他講「什麼什麼，高息產品，十多厘以上，絕無問題。」但是我一講到保本，經理面上，就沒有顏色哪。我就對住經理話，半厘就半厘，頂住先，好過日本銀行，存款沒有利息收入喇。
賣完手上工商物業，成交的消息，竟然上了，全港報紙，地產版頭條，小強賣物業，做咗頭條人物呀。香港地產經紀，真是厲害啊，不知從那裡，攞了我手機號碼，時分秒地產推介，天天炸冧我手機。叫我買豪宅有，買住宅有，店舖有老人院有，商場有，酒店有，停車位又有，時組酒店都有啊。我就睇睇吓，越睇越有興趣，越睇越過癮。好似吸咗太空油，吸了毒品，見到全棟老人院，有五厘息喎，就囉囉攣，五厘息同比銀行，定期存款得半厘，就起了財息兼收，發財好念頭，死就死，押注買喇。買了近六年，租客就出盡辦法，要減租金，我就用盡辦法，力阻減租。
最慘是，當年買完老人院，沒多久，才碰到現今TVB總經理，當年星島新聞集團行政總裁，蕭世和兄。蕭兄知我沽清物業，又入物業市場，買老人院，就力勸我，既然睇淡樓市，就不要再入市，買老人院喇。聽完世和哥一句話，猶如醍醐灌頂，心頭即時涼下去。心裡想，早見世和兄，就不用做爛賭乞兒仔囉。講得啱喎，點解我又走去，買老人院呢。點解我不揸緊嗰個錢啊。何鴻燊博士，常常講，要發達，要做叻人，就要懂揸緊金錢，不要畀錢，從手指罅隙，流掉錢呀。蕭世和與何鴻燊，都是叻人超人㗎。否則當年星島新聞集團，點可以由虧本至賺大錢呀。佢去了TVB，又由寂靜無聲，到中年好聲音，唱到去啟德，TVB有希望呀。
最近報紙電臺電視網站，主持人訪問，地產開發商，地產代理人，地產有關係人等，個個人人，都講房產住屋，買樓供樓，好過租樓啊。買樓出租，有三厘半息，放在銀行，做定期得厘半咋。我聽完就想回，當年當日當時情景，半厘跟五厘比較，戇居居入咗市，資金俾老人院鎖住，租客不斷叫減租。但是利息，就從定期存款半厘，翻到五厘啊，供樓去到七至八厘呀。
今天睇完，發展商與代理商，齊齊呼籲，叫人人買樓供樓收租，好過存錢，銀行收息，我就不是太同意喎。我今天同大家講，不要跟我，重蹈覆轍，走甩樓市，轉頭又俾，老人院鎖住，今天想走，都走不到啊。買樓收租，好麻煩㗎。又要報稅，廁所塞咗，又要幫它通，屙屎唔出，你又要入屋，幫租客搞。窗臺漏水，天花滲水，業主要負責㗎。到時到侯，又要報稅，又要交稅。你買來自住，李嘉誠都話啱，我當然不反對呢。而家利息低，但不知低幾耐之後，轉頭利息向上，工作又不順利，供冇可供，就什麼都成灰㗎。
小強
** 博客文章文責自負,不代表本公司立場 **
