社會事
香港大部分家庭居住環境都比較狹窄，於是迷你倉服務應運而生。不過近日有迷你倉老闆在網上撰文，指早前遇到租客拖欠租金3個月，無奈清倉時意外發現倉內竟然有兩個裝有骨灰的骨灰盅，情況相當棘手。
網上圖片
迷你倉老闆表示，當時「我哋唔敢亂郁」，於是耗時9個月時間嘗試聯絡政府、尋找租客及登報，期間未收倉租，希望有人認領骨灰盅。無奈最終依然無人認領，「租霸」客人也未再返回，迷你倉老闆指自己曾求助政府，但「政府幫唔到」。
示意圖片
最後，迷你倉老闆自己出錢為骨灰安排海葬，並舉行完整儀式，費用接近1萬元。他在帖文中寫道：「放啲先人入迷你倉仲要唔交租 #古怪隨時」。
示意圖片
示意圖片
貼文曝光掀起網民熱議，有網民擔憂：「人哋冇打算海葬點算？可以反咬你喔」，並指可能引發糾紛或訴訟。另有人質疑：「件事有冇經部門批准？骨灰係特殊物品」，大部分網民讚賞迷你倉老闆的處理方法是「大功德」，如「當做功德，好人有好報」、「多謝你一切善意」。
大埔宏福苑火災慘劇發生後，大眾都提高了防火意識。但日前有網民在社交平台發相指，在馬鞍山頌安邨有女街坊竟毫無危機意識，在寓所的走廊位置燒街衣，搞到走廊「都係煙又攻鼻」，他上前阻止還被對方惡言相向！
大媽反駁：燒咁多年都冇人投訴
這位網民在臉書社交群組發相，指日前安邨寓所的走廊，有大媽竟在走廊位置燒街衣，整條走廊都濃煙密佈。雖然樓主有上前勸阻，大媽一於好少理，而且還惡言相向，指樓主多事，說「燒咁多年都冇人投訴」。樓主一怒之下影相作證，直接向管理員投訴「影相作證扣你7分...好快扣滿15分就終止租約，到時你就祖先保佑有新屋住！」。
示意圖。AI生成圖片
網斥：5知死字點寫？
不少網民都怒斥大媽的行為「自私L」、「叫佢七街燒啦，唔好喺走廊燒，好危險架」、「之前都有人在走廊燒嘢，管理員見到都冇乜理會」、「5知死字點寫？」、「拎桶水去淋X佢話洗地」。
資料圖片
網民提議影相報警話疑火燭
有網民更指「我隔離嗰個直頭喺門口燒添」、「我阿媽因為擔心比人投訴，直情係屋企關門燒，牆都燻黑曬」有人提出「第一時間拍片證明大煙，然後打爛火警鐘，落樓即刻999，話懷疑火警」。
網上圖片
房委會或被終止租約及收回單位
房委會就曾在社交平台發文表示，如果居民想燒衣拜祭時，要使用屋邨指定化寶區；祭祀後要脮善清理，嚴禁在大廈內的的公眾地方燒衣，「屋邨大廈入面嘅走廊、梯間等公共空間，一律禁止燃燒冥鏹，以免過程中產生嘅灰燼或濃煙，觸發火警警報。有關做法不但影響其他住户，仲可能會違反租約條例，有機會被終止租約及收回單位㗎！」。
