葉蒨文《女神配對計劃》真情剖白 長文回應觀眾：感情要順其自然

TVB熱播節目《女神配對計劃》首集播出後引發熱議，主持兼「女神」之一的葉蒨文（Sophie）在社交平台發長文分享感受，直言對觀眾的熱烈反應「有少少受寵若驚」，更公開呼籲大家給予空間：「啱啱開始姐，唔好咁快叫我結婚生小朋友，想順其自然。」

面對部分觀眾質疑節目真實性，葉蒨文詳細解釋拍攝過程：「我哋事前唔知道有邊個人會出現，化完妝先知道當日流程。」她強調女神們與男嘉賓都是真情流露：「人都係感情動物，仲要咁多素人點樣演戲？」更笑指節目中女神們「瘋狂插嘴」的互動根本無法預設劇本。

葉蒨文透露每集節目雖只播出一小時，實際拍攝卻長達兩日：「由朝到晚進行了解、篩選，每個決定都百感交集。」她特別提到重看播出時發現新細節，例如男嘉賓曾展望與林子祥同日生日，以及「慳錢過隧道」的生活小智慧，坦言這些片段再次打動她。 

節目播出後社交平台被瘋狂洗版，葉蒨文表示：「有朋友話睇到喊同瞓唔着。」對於觀眾的熱情祝福，她感恩之餘亦保持理性：「隔住螢幕都見到有啲情感係呃唔到人，但希望大家唔好對女神們咁苛刻。」

葉蒨文文中「順其自然」的愛情觀獲網民力挺，紛紛留言：「睇得出Sophie好真誠！」、「支持你追求真正幸福。」亦有觀眾大讚節目呈現真實交友過程：「碎嘴互動先最自然，完全感受到女神們嘅真性情！」

無綫全新戀愛綜藝真人騷《Funki Finance呈獻：女神配對計劃》，昨晚（6月15 日）一集曝光了首輪配對環節—三角枱約會實況，主角是葉蒨文Sophie與她三位成功登陸的「求愛勇者」—曾展望GM、「金絲眼鏡房祖名」林堡熙Eddie及陽光男孩林澤謙，其中Eddie及林澤謙均為港隊，前者為閃避球港隊、後者為手球港隊，而這場「三角約會」雖然只曝光了3分鐘，但已感覺腥風血雨。

其實同女仔約會，第一眼見到佢咁嘅表情，請問有邊個會唔冧吖。

三位之中，率先進場的是阿謙，他與Sophie先是禮貌地互打招呼兼寒喧；當Eddie進場後，Sophie即介紹二人認識，當二人知道對方都是港隊時，竟不約而同露出「戰狼」般的眼神，Sophie見狀即搞笑說：「畀啲掌聲大家」，更邊說邊拍手企圖緩和氣氛，相當大方得體又機靈；而為了不讓任何一方感覺被冷落，Sophie全程落力兩頭擰，又笑言：「咦？死喇，我唔知望邊！」盡顯傻氣又貼心一面。

阿謙人如其名，好謙厚好decent。

睇嚟Sophie對佢觀感都唔錯。

睇嚟Sophie對佢觀感都唔錯。

睇嚟Sophie對佢觀感都唔錯。

Eddie一嚟阿謙就不自覺扁嘴，笑咗。

Eddie一嚟阿謙就不自覺扁嘴，笑咗。

Eddie一嚟阿謙就不自覺扁嘴，笑咗。

葉蒨文為Eddie同阿謙介紹大家，仲講笑話佢哋兩個先係成功配對嘅一pair。

Eddie係向阿謙做出恭敬嘅手勢，果然識英雄重英雄。

二人中較為進取的Eddie，除一來已大讚Sophie靚得健康自然，又主動出擊：「我都可以同你玩閃避球」，還邊說邊甜笑怕醜望枱：「如果你鍾意玩。」豈料卻換來全程表現謙厚的阿謙一句得埋去：「佢鍾意打網球。」Eddie聞言即露出鋒利眼神。正當二人戰意飆升時，曾展望GM風度翩翩的進場吸引了全場目光，Sophie更開心得連環甜笑兼傻笑，GM亦乘機大讚女神「好靚」搏取好感。Eddie眼見GM進場贏盡頭威後，則忍不住酸溜溜謂：「GM一入嚟，我就覺得，喲！原來係同事，即係一早識嘅，咁應該會好多嘢講吖。」

Eddie約葉蒨文打閃避球，好進擊架哩。

Eddie約葉蒨文打閃避球，好進擊架哩。

點知阿謙一句得埋嚟，好精彩咁喎呢場爭女神大作戰。

GM一嚟，葉蒨文笑到。

GM一嚟，葉蒨文笑到。

Eddie即刻好似謝咗少少。

眼神代表住三位「求愛勇者」嘅心理狀況，歡迎自行分析。

眼神代表住三位「求愛勇者」嘅心理狀況，歡迎自行分析。

眼神代表住三位「求愛勇者」嘅心理狀況，歡迎自行分析。

Eddie同阿謙主要觀望對手，但GM就只專注望葉蒨文，贏晒啦。

節目尾聲，金牌媒人兼主持人林盛斌阿Bob出場，揭示了這場「三角枱約會」的潛藏規則，一個不留神，成餐飯分分鐘連女神正面都見唔到之餘，更有機會隨時被淘汰：「製作組根據Sophie揀偶條件set咗一啲考驗，每個回合贏咗嗰位，就可以喺嗰味餸度，面對面去了解同溝通多啲，另外兩位就唔好意思喇，淨係可以望住側或者背面。經過咗三個回合，最低分嗰個，唔好意思喇，係有機會被淘汰。」

到底呢個回合，邊個會被淘汰呢？